San Juan 18:36 - Biblia

³⁶ Jayawe Jesús jei chupe: “Chembaepuere mburuwicha pewa ou’ä ko kua ɨwɨ pewa reta wi,” jei. “Jukuärái yawe moná, uyeyokui chewe wae reta uñerärota tëi awɨye waerä chepɨsɨ judío itenondewa reta. Erëi chembaepuere mburuwicha pewa ou ikotɨ̈a wi. Jae’ä ko kua ɨwɨ pewa,” jei chupe.

Guaraní Pe (Western): Simba

³⁶ —Che co jae penti mburuvicha guasu —jei Jesús—, ẽrei che jae'ã co mburuvicha guasu ɨvɨ pegua reta rami. Che jocua reta rami yave mona, cherembiocui reta uñerãrota tẽi co, agüɨye vaerã añemee judío reta pe. Ẽrei che jae'ã co mburuvicha guasu ɨvɨ pegua reta rami —jei Jesús.

San Juan 18:36 Iomraidhean Croise

Daniel 7:14

Jare uñemee chupe jae iko waerä opaetei ara jare ɨwɨ pe ñonoï wae reta imburuwicha wasurä. Jare aecha wi umbutuicha ñonoï jae jee opaete kerupi rupi yureko wae reta jare opaetei ambɨe ye ye ñee pe uyemɨngeta wae reta. Jae imbaepuere ndarau etei opa jare jae onoita mbaepuere opaete wae re jaeño mái pewa.

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 26:53

“Añetete che aipota yawe, chepuereta tëi aeka cheRu pe jae jawoi pewa ombou waerä jetaete araɨwa reta cherepɨ waerä. ¿Ndikuaa’ä yerá jokua?” jei chupe.

San Lucas 12:14

Jayawe Jesús jei chupe: “Tëtara, che ayu’ä ko jokua nunga mbarawɨkɨ ayapo waerä,” jei chupe.

San Juan 18:35

Jare Pilato jei chupe: “¿Jae yerá che judío? Nerëtáɨwa reta etei jare sacerdote itenondewa reta ndereru nembɨyemboɨ cherowai. ¿Mbae pa ndiyapo nembopochɨka reta waerä?” jei chupe.

San Juan 6:15

Jare Jesús uikuaa chuwi reta jae reta uipota wɨraa uyapo waerä imburuwicha wasurä jae uipota’ä rewe. Jáeramo oo chuwi reta ɨwɨtu wasu kotɨ jaeño pe etei.

San Juan 8:15

Pe reta pepurumbɨjeko kua ɨwɨ jeko rupiño. Erëi che ayu’ä ko ayapo waerä jukuärái.

Romanos 14:17

Echa’ä ñanoi Tumpa yanemburuwicha wasurä yawe, jayawe mbae’ä ko mbaembae yau wae. Erëi ikawi ko yaiko waerä jupi rupi yandepɨakatu rewe jare yerowia rewe ïru wae reta ndiwe. Jare Espíritu Santo imbaepuere rupi yandepuere yaiko jukuärái.

1 Timoteo 6:13

Timoteo, yandeRu Tumpa tekowe iYa ko. Jare jae uikuaa oï opaete mbaembae nde ndiyapo wae. Jare Jesucristo uikuaa wi oï. Jae ko uyembeu kawi kía ko jae wae mburuwicha Poncio Pilato jowai.