San Juan 18:33 - Biblia

³³ Jayawe Pilato oo ye uike jëta japɨpe jare ueruruka Jesús jae jowai. Jare upɨrandu chupe: “¿Jae yerá nde judío reta imburuwicha wasu?” jei chupe.

Guaraní Pe (Western): Simba

³³ Jayave Pilato uique ye palacio pe jare ueni Jesús. —¿Nde pa co jae judío reta juvicha guasu? —jei.

San Juan 18:33 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 27:11

Jayawe sacerdote itenondewa reta jare judío itenondewa reta wɨraa Jesús mburuwicha romano Poncio Pilato jee wae jowai uyemboɨ waerä. Jare Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Mateo 27:27

Jayawe mburuwicha isɨndaro reta wɨraa rani Jesús mburuwicha joka tuicha wae pe, jare umbatɨka reta wi opaete ïru sɨndaro reta.

Marcos 15:2

Jayawe Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Lucas 23:2

Jare umbɨpɨ reta umbɨjeko Jesús. Jae reta jei: “Kua kuimbae nduecha urukachi onoi kua yandeɨwɨ pewa reta jeko. Echa’ä jae jei oï chupe reta awɨye waerä umbɨepɨ reta mburuwicha wasu César okowara orewe wae,” jei reta. “Jare jae nunga wi jei tëi oï iyupe jae ko Cristo, jare jokua oremaerä uipota jei jae ndaye uyeyapota mburuwicha wasurä,” jei reta chupe.

San Juan 1:49

“Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

San Juan 12:13

Jayawe jae reta ueki karandaɨ jokɨ umbɨwawa reta waerä Jesús jenonde, jare yuraa owäiti reta. Jare jei reta usapɨkai pɨi rewe: “¡Tuyembutuichaka yandeRu Tumpa jee! ¡Tumpa tuyapo ikawiete wae kua ou oï Tumpa jee re wae pe! ¡Jae ko yande Israel pewa yaiko wae reta yanemburuwicha wasurä ikota wae!” jei reta.

San Juan 12:15

“Tëta wasu Sion pewa reta, awɨye ye ma pekɨye. Mase, pemburuwicha wasurä ou oï pepɨ. Jae opo ou oï pëti mburika imembɨ taurusu wae re.” Jukuärái uyekuatía oï.

San Juan 18:34

Jayawe Jesús jei chupe: “¿Ndeeño pa ndiyemɨngeta neï jukuärái, ani ïru wae reta pa imiäri ma ndewe che rewa?” jei chupe.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 18:38

Jayawe Pilato jei chupe: “¿Mbae ra ko jokua añetete wae?” Jare kua jei ma yawe, Pilato oë ye oo judío reta oï wae pe jare jei chupe reta: “Che mbaetɨ etei awäe teko jese,” jei.

San Juan 19:12

Joko wiwe Pilato ueka tëi kërái ombopoika waerä Jesús. Erëi judío reta usapɨkai rewe jei: “Kua kuimbae uyembowaicho oï César kotɨ, echa’ä jae uipota uyeyapo oï mburuwicha wasurä. Jayawe nde nembopoika yawe kua kuimbae, nde ko jae César jowaicho wi,” jei reta chupe.

San Juan 19:3

Jare uyepepɨkapɨka oya reta Jesús re jeiraanga waerä chupe usapɨkai rewe: “¡Tikoño mái kua judío reta imburuwicha wasu!” jei reta. Jare owapete reta wi Jesús.

San Juan 19:4

Jare sɨndaro reta opa ma oyoyai yawe Jesús, Pilato oë ye oo Judío reta oï wae pe jare jei chupe reta: “Mase, che aruta pewe jokua kuimbae. Aipota pikuaa kawi waerä che awäe’ä etei ko teko jese,” jei chupe reta.

San Juan 19:9

Jayawe uruike ye o pe Jesús jare upɨrandu chupe: “¿Kía pewa etei pa nde?” jei chupe. Erëi Jesús jei’ä mbae awe.

1 Timoteo 6:13

Timoteo, yandeRu Tumpa tekowe iYa ko. Jare jae uikuaa oï opaete mbaembae nde ndiyapo wae. Jare Jesucristo uikuaa wi oï. Jae ko uyembeu kawi kía ko jae wae mburuwicha Poncio Pilato jowai.