San Juan 18:32 - Biblia

³² Kua uasa uyeyapo waerä Jesús tenonde yawe jei imano rewa wae. Echa’ä jae jei umanota iko romano reta ipo pe.

Guaraní Pe (Western): Simba

³² Jucuarãi jei reta, uyeyapo vaerã Jesús jei ma uyeyapota chupe vae. Echa'ã Jesús umɨmbeu ma quirãita co umano.

San Juan 18:32 Iomraidhean Croise

Salmo 22:16

Cherowaicho reta yɨmba pochɨ wae reta rami opa cheñowa jare cherepeña ñonoï reta. Chekutu reta chepo jare chepɨ pe.

San Mateo 20:19

jare joko wi chemeeta reta judío mbae wae reta pe,” jei. “Chemeeta chupe reta jae reta upuka waerä cheré, jare chembɨpiu reta waerä, jare chekutu reta waerä kurusu re amano rewa. Erëitu joko wi mbapɨ ara pe aikowe yeta ayu aï kuri umanokue wae reta ipɨte wi.” Jukuärái jei Jesús jemimboe reta pe.

San Mateo 26:2

“Pe reta pikuaa mokui araño ma ko uata oï uwäe waerä pascua ara. Jokua ara etei, che kuimbaerä ayeyapo wae, imeta kía reta chemee cherowaicho reta pe jae reta chekutuka waerä kurusu re amano waerä.” Jukuärái Jesús jei chupe reta.

Marcos 10:33

“Mase, pe reta pikuaa peï añawe ya ñaï Jerusalén kotɨ. Erëi aipota pikuaa waerä wi mbae uasata oï chewe joko pe wae,” jei chupe reta. “Echa’ä joko pe ma ñawäe yawe, che kuimbaerä ayeyapo wae, pëti wae chemeeta oï sacerdote itenondewa reta pe jare Moisés uikuatía wae re oporomboe wae reta pe. Jae reta jeita cheyukaka waerä, jare joko wi chemeeta reta judío mbae wae reta pe,” jei.

San Juan 10:31

Jayawe joko pe ñonoï wae reta pochɨ jare upi ye tëi reta ita uyapi uyuka waerä Jesús.

San Juan 10:33

Jare jei reta chupe: “Mbae ikawi wae ndiyapo wae jeko pewa’ä ko ndiyeyapikata neï. Erëi nde ndere mbae kachi wae Tumpa kotɨ. Echa’ä yepe tëi nde pëti kuimbaeño ko, erëi niñereni Tumpa etei. Jokua jeko pewa ko ndiyeyapikata neï,” jei reta chupe.

San Juan 13:18

“Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

San Juan 18:31

Jayawe Pilato jei chupe reta: “Pe reta etei peraa piporaraka chupe pereko rupii,” jei tëi chupe reta. “Ndarau orepuere nduyapo jokua,” jei reta. “Pe romano piko wae reta pemaeño’ä oreré nduyuka waerä kiawe,” jei reta.

San Juan 21:19

Kua jei Jesús umɨmbeu waerä Pedro pe kërái umanota iko wae jare kërái Tumpa jee uyembutuichakata iko Pedro imano rupi. Jayawe Jesús jei wi chupe: “Eyu che ndiwe.”

San Juan 3:14

“Yanemandúa kawi ñaï: Arakaete yanderamɨkue reta yureko yawe ɨwɨtini wasu rupi, Moisés oñono ɨwɨra re pëti mboiraanga jiero bronce pewa jare umbɨyemboɨ oñono. Jare jukuärái ipotawe kía mboi uichuu wae umae jese yawe, ukuera woi,” jei chupe. “Jae ramiño wi jokua mboiraanga rami, ïru wae reta cheñonota ɨwɨra re che kuimbaerä ayeyapo wae, jare chembɨyemboɨta cheñono.

San Juan 8:28

Jáeramo Jesús jei wi chupe reta: “Che kuimbaerä ayeyapo wae, pe reta cheñonota peï kuri pëti kurusu re jare chembɨyemboɨta cheñono peï opaete wae jowake. Jayawe ramo pikuaata peï kuri CHE KO CHE wae. Jare pikuaata peï wi cheiño’ä ko mbae ayapo wae. Jaeño ko cheRu jei chewe wae rupiño che jae pewe wi,” jei.

Hechos 7:59

Jare uyapi reta rambuewe, Esteban uyerure yandeYa Jesucristo pe kuärái: “CheYa Jesús, eraa cherekowe,” jei.

Gálatas 3:13

Jayawe yepe tëi yande yaiko’ä ko jupi rupi opaete Tumpa arakae jei Moisés pe wae rupi, jare jokua jeko pewa Tumpa iarasɨ pe yaikose, jesewe yandeYa Cristo yanderepɨ ma chuwi. Echa’ä Tumpa iarasɨ oata tëi iko yanderé wae oa Cristo re yandepepɨka pe jae uyekutuka iko kurusu re rambuewe. Jukuärái jei yandewe Tumpa iñeerɨru pe jei yawe: “Kía uyekutuka ɨwɨra re wae, Tumpa iarasɨ toa jese.”