San Juan 18:3 - Biblia

³ Jayawe Judas oo jokotɨ sɨndaro romano reta ndiwe. Jare yuraa reta wi jae jupie amokue fariseo reta jare sacerdote itenondewa reta isɨndaro reta. Opa yuraa reta mechero rewe jare kɨsepuku rewe uipɨsɨ reta waerä Jesús.

Guaraní Pe (Western): Simba

³ Jayave Judas oo sacerdote reta itenondegua reta jare fariseo reta ñugüɨnoi vae pe, jare jae reta omondo amocue sundaro reta jare jembiocui reta temitɨ reta ñugüɨnoi vae cotɨ Judas jupíe. Güɨraa reta mechero jare ɨvɨra jare quɨsepucu reta.

San Juan 18:3 Iomraidhean Croise

San Mateo 25:1

Jayawe Jesús jei wi jemimboe reta pe: “Jokua ara che ayu ye yawe, Tumpa ikota opaete wae imburuwicha wasurä jaeño mái pewa. Yambɨjaanga jokua ara re kuärái: Ime yureko payandepo kuñatái reta. Kua kuñatái reta ko jae pëti kuñatái umendata oï wae umɨïru ñonoï wae reta,” jei. “Jayawe uwäe yawe pɨ̈tu jokua kuñatái umenda waerä wae, jokua payandepo kuñatái reta pëti pëti wɨraa imechero oo owäiti waerä kuimbae umendata wae,” jei.

San Juan 13:2

Añawe pɨ̈tu ma jare Jesús jemimboe reta ndiwe ukaru päwe yureko reta. Añawasu oñono ma ñee Judas Iscariote ipɨa pe umee waerä Jesús jowaicho reta pe.

San Juan 18:12

Jayawe jokua sɨndaro reta itenondewa ndiwe uipɨsɨ reta Jesús jare uñapɨ̈ti reta ipo.

San Juan 18:18

Jokua pɨ̈tu roɨete iko. Jáeramo sacerdote tenondewaete pe uyeyokui wae reta jare sɨndaro reta uyatapɨ ma yepe reta jokua tëta joka pe jare uyepee yureko reta. Jayawe Pedro wi oya tata re, joko pe uyepee waerä jae reta ndiwe.

San Juan 18:22

Jesús kua jei ma yawe, pëti sɨndaro tupao wasu iyandarekoa owapete Jesús jare jei chupe: “¿Kiaete pa nde jukuärái ndiyemɨngeta waerä sacerdote tenondewaete pe?” jei chupe.

San Juan 19:6

Jayawe judío itenondewa reta jare isɨndaro reta ndiwe uecha yawe Jesús, jei reta usapɨkai rewe: “¡Ikutuka kurusu re! ¡Ikutuka kurusu re!” Jayawe Pilato jei chupe reta: “Jayawe pe reta etei peraa pikutuka. Echa’ä che awäe’ä etei teko jese,” jei.

San Juan 7:32

Jare fariseo reta uikuaa jeta wae reta uyemɨngeta wɨari yureko Jesús rewa kërái jae ko Cristo wae. Jayawe fariseo reta jare sacerdote itenondewa reta ndiwe ombou sɨndaro tupao wasu iyandarekoa reta uipɨsɨ waerä tëi Jesús.

Hechos 1:16

“Hermano reta jare hermana reta, arakae Espíritu Santo uikuaaka David pe uikuatía waerä Judas rewa. Jare jokua jae uikuatía wae jupi ko uyeyapo Judas pe. Echa’ä pe reta pikuaa Judas ko jae wɨraa sɨndaro reta Jesús oï wae pe uipɨsɨ reta waerä wae,” jei.

Hechos 10:1

Tëta wasu Cesarea pe iko pëti kuimbae romano Cornelio jee wae. Jae ko pëti chiëto sɨndaro reta Roma pewa itenondewa, pëti atɨ Italiana jee wae pewa.