San Juan 18:20 - Biblia

²⁰ Jayawe Jesús jei chupe: “Che ayemɨngeta ko opaete wae jowake. Jekuaeño aporomboe tupao reta pe jare tupao wasu joka pe kiape opaete wae uyembatɨñoi wae pe. Che ayemɨngeta wɨari’ä etei,” jei chupe.

Guaraní Pe (Western): Simba

²⁰ Jayave Jesús jei chupe: —Che ayemɨngueta co opaete vae jovaque. Jecuaeño aporomboe judío reta itupao reta pe jare Tumpa jo pe. Echa'ã joco pe jecuaeño uyembatɨ judío reta. Ayemɨngueta vɨari'ã etei —jei—.

San Juan 18:20 Iomraidhean Croise

San Mateo 24:26

“Jáeramo ime yawe kía jei pewe, ‘Mase, Cristo ime oï ɨwɨtini wasu pe,’ awɨye pekua pemae jese kuri. Jare ime yawe kía jei pewe, ‘Mase, jae ime oï o japɨpe,’ awɨye perowia kuri.

San Mateo 26:55

Jayawe Jesús jei yuweru wae reta pe: “¿Maera pa peyu kɨsepuku rewe jare ɨwɨra rewe chepɨsɨ waerä? ¿Jae yerá che imonda jeko kachi wae?” jei chupe reta. “Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei.

San Mateo 26:65

Jayawe jokua uyandu yawe, sacerdote tenondewaete pochɨ pɨpei omondoro iyuwi jemimonde. Jare jei ïru mburuwicha reta pe: “¡Jae jei iyupe tëi Tumpa ko! ¿Maera ye pa yaekata ïru wae reta uñeapo waerä jese?” jei chupe reta. “Mase, pe reta etei piyandu ma kërái jae jei iyupe tëi Tumpa ko.

San Mateo 4:23

Jayawe Jesús oo opaete ɨwɨ Galilea rupi, jare oporomboe tupao reta rupi. Jae umɨmbeuñoi ñee ikawi wae kërái uyembɨpɨta ma Tumpa imbaepuere mburuwicha wasu pewa kua ɨwɨ pe. Jare jae umɨnguera wi imbaerasɨ wae reta ipotawe mbaerasɨ wi.

San Mateo 9:35

Jare Jesús oo opaete tëta wasu reta rupi jare tëta wasu raɨ reta rupi, jare oporomboe tupao reta rupi. Jae jekuaeño oporomboe, jare umɨmbeu ñee ikawi wae kërái uyembɨpɨ ma Tumpa imbaepuere mburuwicha wasu pewa kua ɨwɨ pe. Jare jae umɨnguera wi imbaerasɨ wae reta ipotawe mbaerasɨ wi.

Marcos 8:32

Jukuärái Jesús uikuaaka kawi chupe reta umanota iko wae. Erëi jokua ikawi’ä Pedro pe. Jáeramo jae wɨraa Jesús ïru reta ipɨte wi, jare umbɨpɨ umbɨeta chupe jokua jae jei wae re.

San Lucas 21:37

Jare opa ara rupi Jesús oporomboe tupao wasu joka pe. Jare opa pɨ̈tu rupi oë oo upɨta waerä ñaipe Olivorenda jee wae re.

San Lucas 4:15

Jare jae oporomboe tupao reta rupi, jare opaete wae uyemɨngeta kawi jese.

San Juan 18:21

“¿Maera pa chewe ndiyapo neï kua mbɨrandu reta? Añetete ndipota ndikuaa yawe kua ndepɨrandu neï chewe wae, epɨrandu jokua uyapɨsaka cheré wae reta pe. Echa’ä jae reta uikuaa mbae re che ayemɨngeta wae,” jei chupe.

San Juan 6:59

Jukuärái oporomboe Jesús tupao pe tëta wasu Capernaum pe.

San Juan 7:14

Jare tabernáculos iara reta mbɨte ma uasa yawe, Jesús uike tupao wasu joka pe jare joko pe umbɨpɨ oporomboe.

San Juan 7:26

Añawe mase, ko kua pe jae uyemɨngeta oï opaete wae reta jowake. Jare kiawe jei’ä mbae chupe. Aramoi mburuwicha reta wɨrowia ma chawaa ñonoï jae ko Cristo yae chupe wae.

San Juan 7:28

Jesús imeño oporomboe iko tupao wasu joka pe. Jayawe jei usapɨkai rewe: “Añetete pe reta chekuaa ko, jare pikuaa tëi wi kía pewa ko che wae. Jare perowia tëi wi che ayu ko aipota ramoño. Erëi jukuärai’ä ko. Tumpa añetete wae, jae ko chembou. Erëi pe reta pikuaa’ä jae.

San Juan 7:4

Nde ndikuaa kawi neï ime yawe kía uipota uñemɨeräkua wae, mbaetɨ mbae uyapo wɨari. Jayawe yaecha ekua Jerusalén pe, jare joko pe iyapo opaete wae reta jowake kua nunga mbae ndiyapo neï wae,” jei reta chupe.

San Juan 8:2

Jare pɨarewe pe ndimboweasɨ jae oo ye tupao wasu joka pe. Jayawe jeta wae reta yuweru ikotɨ, jare jae uwapɨ jare umbɨpɨ omboe reta.

San Juan 8:26

“Añetete che ime jeta mbaembae re chepuere tëi jae pewe pumbɨjeko waerä. Erëitu che jaeño amɨmbeu ɨwɨ pewa reta pe jokua chembou wae jei chewe wae etei. Jare jae jekuaeño uyemɨngeta jupi rupi kawi,” jei chupe reta.

Hechos 26:26

“Mase, mburuwicha wasu Agripa uikuaa kawi kua mbaembae rewa. Echa’ä uyeyapo’ä ko wɨari rupi jare jeräkua ma ko aipo chupe. Jáeramo che chepuere chemiäri chupe akɨye mbae rewe,” jei chupe.