San Juan 18:17 - Biblia

¹⁷ Jare kuñatái öke uäro wae jei Pedro pe: “¿Nde jae ko wi Jesús jemimboe?” jei chupe. “Mbaetɨ. Jae’ä ko che,” jei Pedro chupe.

Guaraní Pe (Western): Simba

¹⁷ Jayave cuñatai onque uãro vae jei Pedro pe: —¿Jae'ã pa co nde penti jocua cuimbae jemimboe? —Jae'ã co che —jei Pedro.

San Juan 18:17 Iomraidhean Croise

San Mateo 26:33

Jayawe Pedro jei Jesús pe: “Yepe tëi opaetei ïru wae reta ndereyata mbae uyeyapo ndewe wae jeko pewa, erëi che ndarau etei ndueya,” jei chupe.

San Lucas 22:54

Jayawe uipɨsɨ reta Jesús jare wɨraa reta sacerdote tenondewaete jëta pe. Jare Pedro oo jae reta jaɨkue, erëi mbɨrɨ katu mii upɨta chuwi.

San Juan 18:16

Erëi Pedro upɨtaño oka pe koiño öke wasu wi. Uasa’ä oo. Jayawe jokua ïru jemimboe oë oo umɨngeta kuñatái öke uäro wae jare uruike Pedro.

San Juan 18:25

Jare Simón Pedro imeño uyepee iko tataɨpɨ pe. Jayawe ïru wae reta upɨrandu chupe: “¿Nde jae ko wi Jesús jemimboe?” jei chupe. Erëi Pedro uikuaku jare jei: “Jae’ä ko che.”

San Juan 18:5

“Jesús Nazaret pewa,” jei reta. Jayawe Jesús jei chupe reta: “CHE KO jae.” Jare Judas – jae ko umee jowaicho reta pe wae – uyemboɨ oï joko pe jae reta ndiwe.

San Juan 18:8

Jayawe Jesús jei chupe reta: “Che jae tëi ma pewe CHE KO jae wae. Pe reta cheeño chereka peï yawe, pemaeño too ye kua che ndiwe ñonoï wae reta,” jei chupe reta.

San Juan 21:15

Jare opa ma ukaru reta yawe, Jesús jei Simón Pedro pe: “Simón, Jonás taɨ, ¿cherauete pa kua reta wi?” jei chupe. “Nduau, cheYa,” jei chupe. “Nde ndikuaa kawi che nduau ko.” Jayawe Jesús jei chupe: “Emɨngaru cheowecha raɨ mii reta,” jei chupe.

Hechos 12:13

Jare Pedro oo uwäe yawe, ombopu tëta jöke. Jayawe pëti kuñatái japɨpe oï wae, Rode jee wae, oo tëta jöke pe. Jare ndei uipea öke chupe mbowe, upɨrandu chupe: “¿Kía pa ko nde?” jei.