San Juan 18:14 - Biblia

¹⁴ Kua Caifás ko jae tenonde yawe jei judío reta pe: “Ikawita ko jokua kuimbae Jesús umano waerä awɨye waerä ñanerëtara reta opa ukañɨ romano reta ipo pe.”

Guaraní Pe (Western): Simba

¹⁴ Tenonde yave cua Caifás umɨmbeu judío reta pe icavita co chupe reta penti cuimbae umano vaerã opaete vae reta ipepɨca pe.

San Juan 18:14 Iomraidhean Croise

San Mateo 26:3

Jokua rambuewe, sacerdote itenondewa reta jare judío itenondewa reta uyembatɨ sacerdote tenondewaete Caifás jee wae joka pe.

Hechos 27:12

Echa’ä jokua chalana wasu uyemboɨrenda mar jembeɨ pe oï wae ikawi’ä ndupɨta waerä opaete roɨ wasu iara reta rupi. Jáeramo jeta ore ndiwe ñonoï wae reta uipota ndoo waerä joko wi. Echa’ä jei reta: “Aramoi yandepuere ya ñawäe tëta wasu Fenice pe Creta pewa. Joko pe yandepuere yapɨta roɨ wasu iara reta uasa rewa,” jei reta. Fenice ko jae pëti chalana wasu uyemboɨrenda ikawi wae, echa’ä ɨwɨtu täta’ä uyepeyu joko pe.

Hechos 27:9

Jare ɨmaete ma nduwata ramo, ikawi’ä ma iko jekuaeño nduwata waerä mar rupi. Echa’ä uyaro ma roɨ waerä, jare jokua yasɨ reta rupi ime täta ɨwɨtu jare ɨaparoa wasu reta. Jayawe Pablo umbɨarakuaa tëi joko pe ñonoï wae itenondewa reta jei rewe: