San Juan 18:12 - Biblia

¹² Jayawe jokua sɨndaro reta itenondewa ndiwe uipɨsɨ reta Jesús jare uñapɨ̈ti reta ipo.

Guaraní Pe (Western): Simba

¹² Jayave sundaro reta juvicha ndive jare judío reta itenondegua reta jembiocui reta uipɨsɨ Jesús uñapɨ̃ti.

San Juan 18:12 Iomraidhean Croise

Génesis 22:9

Jare yuraa uwäe reta yawe jokua ɨwɨtu wasu Tumpa uikuaaka chupe wae pe, joko pe Abraham uyapo pëti mbaerenda ita pewa jare oñono iáramo yepea. Jare Abraham uipokua taɨ Isaac jare oñono mbaerenda iáramo.

Génesis 40:3

Jáeramo wɨraaka reta isɨndaro reta itenondewa Potifar pe oñonoka waerä peresorɨru pe. Jokua peresorɨru pe oï wi José.

San Mateo 26:57

Jayawe Jesús uipɨsɨ wae reta wɨraa sacerdote tenondewaete Caifás jee wae jëta pe. Joko pe uyembatɨ ñonoï Moisés uikuatía wae re oporomboe wae reta jare judío itenondewa reta.

San Mateo 27:2

Jayawe uñapɨ̈ti reta Jesús ipo rupi, jare wɨraa reta mburuwicha romano Poncio Pilato jee wae jowai uyemboɨ waerä.

San Mateo 27:27

Jayawe mburuwicha isɨndaro reta wɨraa rani Jesús mburuwicha joka tuicha wae pe, jare umbatɨka reta wi opaete ïru sɨndaro reta.

Marcos 14:53

Jayawe wɨraa reta Jesús sacerdote tenondewaete jëta pe. Joko pe uyembatɨ opaete sacerdote itenondewa reta, Moisés uikuatía wae re oporomboe wae reta, jare judío itenondewa reta.

Marcos 15:1

Jayawe ndimboweasɨ ma yawe, sacerdote itenondewa reta, judío itenondewa reta, Moisés uikuatía wae re oporomboe wae reta, jare opaete ïru mburuwicha reta uyembatɨ uyemboemboe reta waerä Jesús re. Jayawe uñapɨ̈ti reta Jesús ipo rupi, jare wɨraa reta mburuwicha romano Poncio Pilato jee wae jowai uyemboɨ waerä.

San Lucas 22:54

Jayawe uipɨsɨ reta Jesús jare wɨraa reta sacerdote tenondewaete jëta pe. Jare Pedro oo jae reta jaɨkue, erëi mbɨrɨ katu mii upɨta chuwi.

San Juan 18:3

Jayawe Judas oo jokotɨ sɨndaro romano reta ndiwe. Jare yuraa reta wi jae jupie amokue fariseo reta jare sacerdote itenondewa reta isɨndaro reta. Opa yuraa reta mechero rewe jare kɨsepuku rewe uipɨsɨ reta waerä Jesús.

Hechos 10:1

Tëta wasu Cesarea pe iko pëti kuimbae romano Cornelio jee wae. Jae ko pëti chiëto sɨndaro reta Roma pewa itenondewa, pëti atɨ Italiana jee wae pewa.

Hechos 21:31

Jare jeräkua Jerusalén isɨndaro romano reta itenondewaete wae pe kërái jeta Jerusalén pewa reta uyapo ñonoï tekorái wae. Jáeramo jupiwoiño jae osi ou tekorái uyapo ñonoï wae reta kotɨ isɨndaro reta jare sɨndaro itenondewa reta ndiwe. Jokua tekorái uyapo ñonoï wae reta uyuka pota ma yureko Pablo. Erëi uecha reta yawe yuweru ñonoï sɨndaro reta, jawoi pewa ueya reta uinupa yureko wae wi.

Hechos 21:37

Erëi ndei sɨndaro reta wɨraa uruike mbowe Pablo tëta sɨndaro reta yureko wae japɨpe, Pablo jei griego ñee pe sɨndaro reta itenondewaete pe: “Emaeño mii cheré mbae jae waerä ndewe,” jei chupe. Jayawe jae jei Pablo pe: “Aaa, nde ndikuaa yepe ndiyemɨngeta griego ñee pe,” jei.

Hechos 23:10

Jare opaete jae reta jeiete ma uyeaka reta. Jayawe uipɨsɨ reta Pablo jare umbɨpɨ uñemɨata jese reta. Jayawe sɨndaro reta itenondewaete urukɨye Pablo aramoi mburuwicha reta omondorondorota uyuka reta. Jáeramo oyokui isɨndaro reta uepɨ waerä Pablo chuwi reta jare wɨraa ye waerä sɨndaro reta yureko wae pe uyandareko reta waerä jese joko pe.