San Juan 18:1 - Biblia

¹ Jesús opa ma uyerure yawe, uasa jemimboe reta ndiwe ɨäka wasu Cedrón jee wae jowaicho pe yuraa uwäe reta temitɨ jenda pe.

Guaraní Pe (Western): Simba

¹ Jesús cua jei ma yave, uasa jemimboe reta ndive ɨãca Cedrón jee vae jovaicho pe oo uvãe temitɨ reta ñugüɨnoi vae pe. Joco pe uique Jesús jare jemimboe reta.

San Juan 18:1 Iomraidhean Croise

Génesis 2:15

Jayawe Tumpa oñono kuimbae mbaewɨyerenda Edén pe umaetɨ waerä pɨpe jare uyandareko waerä jese.

Génesis 3:23

Jáeramo Tumpa omoë mbaewɨyerenda Edén wi kuimbae, joko wiwe iko waerä maetɨ re. Tumpa uyapo jokua kuimbae ɨwɨ wi etei jare añawe jae imeta ko umaetɨ ɨwɨ pe onoi waerä jembiurä.

San Mateo 26:30

Jare opa ma ukaru reta yawe, ukäta reta pëti himno Tumpa pe. Jare joko wi oë yuraa reta ñaipe Olivorenda jee wae kotɨ.

San Mateo 26:36

Jayawe Jesús jare jemimboe reta ndiwe yuraa uwäe reta temitɨ reta jenda Getsemaní jee wae pe. Jare Jesús jei jemimboe reta pe: “Pewapɨ kua pe che a pea pe ayerure rambuewe Tumpa pe,” jei chupe reta.

Marcos 14:26

Jare opa ma ukaru reta yawe, ukäta reta pëti himno Tumpa pe. Jare joko wi oë yuraa reta ñaipe Olivorenda jee wae kotɨ.

Marcos 14:32

Jayawe yuraa uwäe reta temitɨ reta jenda Getsemaní jee wae pe. Jare Jesús jei jemimboe reta pe: “Pewapɨ kua pe che a ayerure rambuewe Tumpa pe,” jei chupe reta.

Marcos 14:42

“Pepüa. Mase, chemee wae ko uwäe ma ou. Ya ñawäiti,” jei chupe reta.

San Juan 14:31

“Erëitu kua uyeyapota oï cheRu jei ramo. Jáeramo che añemee aï ayapo waerä cheRu jei wae, echa’ä aipota opaete ɨwɨ pewa reta uikuaa waerä auete ko cheRu wae,” jei Jesús jemimboe reta pe. Jare Jesús kua opa ma jei yawe, jei chupe reta: “Pepüa. Ya ma kua wi.”

San Juan 18:26

Jare joko pe ime iko wi Pedro uyasɨa chuwi inambi wae jëtara. Jae ko sacerdote tenondewaete pe uyeyokui wae wi. Jare jae jei Pedro pe: “¿Nde jae’ä yerá che nduecha temitɨ reta jenda pe Jesús ndiwe wae?” jei chupe.

Hechos 21:11

Jae uecha yawe Pablo, ueki chuwi jumbɨkuaa jare uñeapɨ̈ti jaei ipɨ jare ipo. Jare jei: “Kua jei oï Espíritu Santo: ‘Kuärái Jerusalén pe judío reta uñapɨ̈tita kua tumbɨkuaa iya jare umeeta reta judío mbae wae reta ipo pe.’ Jukuärái jei Espíritu Santo,” jei.