San Juan 17:9 - Biblia

⁹ “Kua kuimbae reta ndiyapo ma nemaerä jare nde nemee chewe reta wi. Jáeramo che ayerure aï ndewe jese reta. Ayerure’ä aï ndewe opaete ɨwɨ pewa reta re,” jei.

Guaraní Pe (Western): Simba

⁹ Ayerure ndeve jese reta. Ayerure'ã upurugüɨrovia mbae vae reta re. Ayerure ndeve nde nemee cheve vae reta re. Echa'ã jae reta nembae co —jei—.

San Juan 17:9 Iomraidhean Croise

San Lucas 22:32

“Jayawe michi pewa ndiyerowata neï chewi kuri. Erëi che ayerure ma Tumpa pe nderé nde jekuaeño nderowia waerä cheré. Jare ndiyerowa ye ma chekotɨ yawe, emɨmɨräta kua nderɨwɨ reta,” jei chupe.

San Lucas 23:34

Jayawe Jesús uyerure Tu pe kuärái: “CheRu, awɨye mii nemandúa chupe reta kua uyapo ñonoï wae re. Echa’ä jae reta uikuaa’ä mbae ra uyapo ñonoï wae,” jei. Jayawe sɨndaro reta uyuwari Jesús jemimonde re, pëti pëti wae uikuaa waerä mbae nunga wɨraata iyupe wae. Jukuärái umbɨyao iyupe reta Jesús jemimonde.

San Lucas 8:34

Jayawe kuchi iyandarekoa reta kua uecha reta yawe, opa osi yuraa umɨmbeu tëta wasu pewa reta pe jare jokoropi ñonoï wae reta pe kua uyeyapo wae rewa.

San Juan 14:16

Jare che aekata aï cheRu pe jae ombou waerä pewe ïru jokua nungaete Oporomborɨ wae oï waerä pe reta ndiwe jaeño mái pewa.

San Juan 17:2

“Jukuärái ayapota, echa’ä che ameeta tekowe opa mbae wae opaete nde nemee chewe wae reta pe. Jukuärái chepuere ayapo, echa’ä nde chapo opaete wae iYarä ramo,” jei.

San Juan 17:20

“Jare kua reta reño’ä ko ayerure aï ndewe. Aikuaa aï ïru wae reta wɨrowiata cheré jae reta iñee rupi. Jare jokua reta re wi che ayerure aï ndewe,” jei.

San Juan 17:6

“Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 6:39

“Jare cheRu uipota wae ko jae kua: Jae uipota che ayandareko kawi waerä jae umee chewe wae reta re. Ndarau pëti awe ukañɨ chewi. Jare cheRu uipota ambɨjekowe ye reta waerä umanokue wae reta ipɨte wi ara taɨkuewa pe,” jei.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.

Hebreos 9:24

Echa’ä jokua tupao mbaetɨ ko tupao kua ɨwɨ pewa kuimbae reta uyapo wae, jare jae’ä ko jaanga wi. Jokua tupao ara pewa etei ko. Jare joko pe ko Cristo uike Tumpa oï wae pe etei uyerure waerä yanderé.

1 Juan 5:19

Añetete ko, yande yaikuaa opaete kua ɨwɨ jeko rupi yureko wae reta Añawasu imbaepuere pe ko ñonoï. Erëi yaikuaa wi yande reta ko jae Tumpa pewa reta.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:8

Jare opaete seri ɨwɨ pewa reta umbutuicha bestia jee. Jaeño jokua Owecha kuimbae taurusu wae uyeyukaka wae itupapire pe jee uyekuatía oï wae reta umbutuicha’ä jae jee. Jokua tupapire ko jae opaete tekowe opa mbae wae onoi wae reta jee uyekuatía oï pɨpe wae. Jare jae reta jee uyekuatiaño mái iko ɨwɨ uyembɨpɨ wiwe.