San Juan 17:6 - Biblia

⁶ “Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

Guaraní Pe (Western): Simba

⁶ Nde nemee ma cheve cua cuimbae reta upurugüɨrovia mbae vae reta ipɨte güi. Che amɨmbeu ma nderegua cua reta pe. Jae reta nembae co jare nde nemee ma cheve. Jae reta uyapo nde ndere chupe reta uyapo vaerã vae —jei—.

San Juan 17:6 Iomraidhean Croise

Éxodo 9:16

Erëitu amaeño nderé ndiko waerä aikuaaka waerä ndewe chembaepuere, jare opaete ɨwɨ pewa reta uikuaa waerä che rewa.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 12:28

Joko wi Jesús uyerure Tu pe: “CheRu mii, tuyembutuichaka nderee,” jei. Jayawe jupiwoi ou ñee ara wi jei: “Cheree ambutuichaka ma. Jare jokua ayapo yeta aï,” jei.

San Juan 15:19

“Pe reta piko yawe jae reta rami, jae reta perauta tëi. Erëi pe reta mbaetɨ ma ko peï jae reta rami, echa’ä che puparawo ma jae reta ipɨte wi piko waerä chemaerä. Jokua jeko pewa ko jae reta peamɨtäa,” jei chupe reta.

San Juan 15:3

“Jare pe reta ko jae jokua uva jäka uyeyoe wae rami, echa’ä añawe che pomboe wae japo kawi ma pepɨa pe jare pekɨa mbae peï Tumpa kotɨ,” jei chupe reta.

San Juan 15:7

“Erëi pe reta jekuaeño piñemɨïru kawi yawe che ndiwe jare jekuaeño piyapo yawe che pomboe wae rupi, jayawe pepuereta piyerure cheRu pe ipotawe mbae pipota wae re, jare cheRu uyapota oï pewe,” jei chupe reta.

San Juan 17:12

“Che aiko rambuewe jae reta ndiwe, ayandareko kawi jese reta jokua mbaepuere nde nemee chewe wae rupi. Amae kawi jese reta awɨye waerä pëti awe ukañɨ ndewi. Erëi ime oï kua reta ipɨte pe kía jaeño mái pewa uiporarata oï Tatawasurenda pe wae, echa’ä niñee pe uyekuatía oï jokua uasa ñotái ko,” jei.

San Juan 17:14

“Che aikuaaka ma chupe reta niñee. Jare añawe jae reta kua ɨwɨ pewa’ä ma ko. Jae reta ko ara pewa che rami. Jáeramo kua ɨwɨ jeko rupi yureko wae reta uñamɨtäa,” jei.

San Juan 17:16

“Che kua ɨwɨ pewa’ä ko, jare jae reta jae nunga wi kua ɨwɨ pewa’ä ko.

San Juan 17:2

“Jukuärái ayapota, echa’ä che ameeta tekowe opa mbae wae opaete nde nemee chewe wae reta pe. Jukuärái chepuere ayapo, echa’ä nde chapo opaete wae iYarä ramo,” jei.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

San Juan 17:26

“Che aikuaaka ma chupe reta nde rewa, jare jekuaeño che ayapota jukuärái jae reta cherau waerä kërái nde cherau rami. Jare jukuärái che etei aïta jae reta ndiwe. Jukuärái ko ayerure ndewe,” jei Jesús.

San Juan 17:7

Jae nunga wi che amɨmbeu kawi ma chupe reta niñee nde nemee chewe wae, jare jae reta wɨrowia ma jese. Añawe ramo jae reta uikuaa jokua ñee ndewi etei ko ou wae. Uikuaa kawi reta che ndewi ko ayu wae, jare wɨrowia reta ma nde ko chembou wae,” jei.

San Juan 18:9

Kua jei Jesús uyeyapo waerä tenonde yawe jei Tu pe wae. Echa’ä jae jei chupe: “Che ayandareko kawi nde nemee chewe wae reta re. Ndarau pëti awe ukañɨ chewi,” jei.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 6:39

“Jare cheRu uipota wae ko jae kua: Jae uipota che ayandareko kawi waerä jae umee chewe wae reta re. Ndarau pëti awe ukañɨ chewi. Jare cheRu uipota ambɨjekowe ye reta waerä umanokue wae reta ipɨte wi ara taɨkuewa pe,” jei.

San Juan 8:51

“Che tae pewe añetete wae, kía chiñee uyapo wae ndarau umano,” jei chupe reta.

San Juan 8:52

Jayawe judío itenondewa reta jei Jesús pe: “¡Añawe ore nduikuaa kawi ma noï aña uyembɨiya ma nderé! Echa’ä Abraham jare ïru kuimbae reta Tumpa iñee arakae umɨmbeu wae, yepe tëi jae reta uyapo kawi Tumpa jei wae, jesewe opa umano reta. Jáeramo añawe, ¿këraita pa nde ndere neï orewe, ‘Kía uyapo chiñee wae ndarau umano’?” jei reta chupe.

Hechos 13:48

Jayawe judío mbae wae reta joko pe yureko wae uyandu reta yawe jokua ñee, tuicha rupi uyerowia reta, jare umee reta yasurupái Tumpa pe jae iñee re. Jayawe jeta wae wɨrowia jese. Jare jukuärái uechaka reta jae reta ko Tumpa uiparawo wae onoi waerä tekowe opa mbae wae.

Romanos 11:2

Jáeramo Tumpa mbaetɨ orererɨ̈ro opaete ore judiorä nduiko wae reta. Amokue ore reta, iyɨpɨ wiwe Tumpa orekuaaño mái jare oreparawo ore nduiko waerä jae imaerä. Yanemandúa kawi ñaï wi Elías rewa. Tumpa iñeerɨru pe uikuaaka yandewe kërái arakaete Elías iyengeta jëtáɨwa Israel iñemoñaa reta kotɨ Tumpa jowai kuärái:

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

Colosenses 3:16

YandeYa Cristo iñee jekuaeño tuiko pepɨa pe. Piyembɨarakuaa päwe opaete arakuaa rewe. Pekäta wi Tumpa pe pemee rewe yasurupái chupe salmo reta, jare himno reta, jare ipotawe käta reta Tumpa jee pembutuicha waerä.

2 Timoteo 1:13

Jayawe nde, jekuaeño eporomboe jupi jokua yemboe añetete wae chewi ndiyandu wae. Jare ndeporomboe neï rambuewe, jekuaeño echaka nderowia Jesucristo re wae jare echaka wi ndepuruau ïru wae reta pe. Kua yandepuere yayapo, echa’ä pëti ramiño ñaï Cristo re ramo,

Hebreos 2:12

Echa’ä yamɨngeta Tumpa iñeerɨru pe kërái Jesús jei Tu pe kuärái: “Che aikuaakata cherɨwɨ reta pe jare cherindɨ reta pe nde rewa. Ambutuichata nderee akäta wae pɨpe nderé wɨrowia wae reta uyembatɨ ñonoï wae rupi.” Jukuärái jei.

Hebreos 3:6

Erëi Cristo ko jae tëta iya taɨ rami etei. Jare jae ko Tumpa jëta iyandarekoa. Jare yande reta ko jae Tumpa jëta pewa reta, jekuaeño ñaneratangätu yawe jare ñaäro yawe yarowia katu rewe Tumpa umeeta oï yandewe wae.

1 Pedro 1:1

Pe Tumpa peparawo wae reta piñemɨái peï ɨwɨ Ponto, Galacia, Capadocia, Asia, jare Bitinia rupi wae reta, che ko jae Pedro aikuatía aï wae. Jesucristo chemondo jae jee re opaete kerupi amɨmbeu waerä jesewa. Tumpa jekuaeño tuicha tipɨakawi pewe jare tuyapo pewe piko waerä pepɨakatu rewe. Añawe pe reta ambɨe ɨwɨ pewa rami ko peï kua ɨwɨ pe, echa’ä pe reta ara pewa ko. Iyɨpɨ wiwe yandeRu Tumpa pekuaaño mái iko. Jare jokua arakuaa rupi jae peparawoño mái pe reta piko waerä jae imaerä. Jare Espíritu Santo peñono tee piko waerä Jesucristo jei wae rupi jare pepɨayoe waerä Tumpa kotɨ Jesucristo juwɨ uyepɨyere wae rupi.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

Apocalipsis 3:10

‘Che jae ma pewe pemɨawäta waerä opaño mbaembae pepɨawasu rewe, jare jukuärái piyapo ma. Jáeramo yepe tëi ara uwäeta oï opaete ɨwɨ pewa reta tuicha rupi uiporara waerä, erëi che puepɨta aï chuwi kuri.

Apocalipsis 3:8

Jare che tae jokua Filadelfia pewa cheré wɨrowia wae reta pe kuärái: Che aikuaa opaete mbae piyapo wae. Yepe tëi pembaepuere michi ko, erëi piyapo kawi ma che aporomboe wae rupi jare chekuaku’ä etei. Jáeramo, mase, öke uyepea oï pewe. Che etei aipea pewe. Jáeramo ndarau kía ipuere uyukenda ye jokua öke.