San Juan 17:22 - Biblia

²² “Nde nemee ma ko chewe nembaepuere jupiete wae. Jare jokua mbaepuere che amee ma chupe reta wi, jae reta ipuere waerä yureko pëti ramiño kërái yande pëti ramiño ñaï rami,” jei.

Guaraní Pe (Western): Simba

²² Nde ndepɨacavi ndeechaca cheve vae, che vi aechaca chupe reta, jae reta yugüɨreco vaerã penti ramiño. Echa'ã jucuarãi yande yaico penti ramiño —jei Jesús—.

San Juan 17:22 Iomraidhean Croise

Marcos 6:7

Pëti ara Jesús umbatɨka jokua doce jemimboe tenondewaete reta, jare omondo mokui mokui rupi oporomboe waerä. Jare umee chupe reta mbaepuere omoë waerä aña uyembɨiya jese wae reta wi.

San Lucas 22:30

“Jare che aï ma yawe opaete wae imburuwicha wasurä jaeño mái pewa, pe reta pepuereta jekuaeño pekaru che ndiwe. Jare pewapɨta peï kuri wi wapɨa reta pe piko waerä Israel iñemoñaa reta imburuwicha retarä,” jei Jesús jemimboe reta pe.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 1:16

Jayawe jae ko jee Ñee wae ipɨakawiete ye ramo, jekuaeño yayekou mbaembae ikawiete ye wae re – jae ko mbaembae jae ipo wi etei ou wae.

San Juan 14:20

Jare jokua ara ramo pikuaa kawita che aï cheRu ndiwe wae, jare pe reta peï che ndiwe wae, jare che aï pe reta ndiwe wae,” jei chupe reta.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

Hechos 5:41

Jayawe Jesús jemimboe tenondewaete reta oë ye yuraa joko wi. Jare uyerowiaete reta, echa’ä Tumpa umee chupe reta ipuere waerä uiporara Jesús re wɨrowia reta wae re.

Romanos 8:30

Jare jokuaño’ä ko Tumpa ipɨayemɨngeta yanemaerä. Tumpa ñaneñono tee jae imaerä ramo, jae nunga wi ñanereni. Jare jae ñanereni ramo, jae nunga wi jae umae yanderé yandereko mbae wae rami. Jare jokuaño’ä ko uyapo. Jae uyapo ma wi yandewe ñanoi waerä jae ndiwe imbaepuere jembipete ye wae jaeño mái pewa.

2 Corintios 3:18

Jare jukuärái ko yande reta. Tenonde yawe yaikuaa’ä yaiko yandeYa. Yandearakuaa uyakasoi ikose rami. Erëi añawe yandearakuaa uyepea ma, jare añawe yaecha kawi ma yandeYa kërái ikawiete ye ko. Jare ñamae yawe yandeYa kotɨ, ndewe ndewe rupi yandeYa iEspíritu jekuaeño yanembɨambɨe oï yandereko oya katu oo waerä yandeYa jeko re. Jare jukuärái yande rupi ïru wae reta ipuere uecha yandeYa kërái ko jae wae.

2 Corintios 5:20

Jáeramo Cristo oremondo jae jee re, jare ore rupi Tumpa umɨñera oï ɨwɨ pewa reta uyeapɨkatu waerä jae ndiwe. Jáeramo ore pumɨñera Cristo jee re pe reta piyeapɨkatu waerä Tumpa ndiwe.

2 Corintios 6:1

Ore nduparawɨkɨ noï Tumpa pewarä, jare jukuärái pumɨñera awɨye waerä piyuwangaiño Tumpa ipɨakawi re.

Efesios 2:20

Yandepuere yambɨjaanga pëti tëta re: Opaete yande Cristo re yarowia wae reta ko jae Tumpa jëta rami. Pëti tëta ikawi oï waerä, imeta ko ikawi oï iwapɨka. Tumpa jëta iwapɨka ko jae Jesús jemimboe tenondewaete reta jare Cristo rewa tenondete umɨmbeu wae reta. Jare Jesucristo etei ko jae tëta iwapɨka ita tenondewaete uñeñono wae rami.

Filipenses 1:29

Echa’ä Tumpa mbaetɨ ko umee pewe Cristo re perowia waeräño. Umee ko pewe wi piporara waerä jae imaerä.

Colosenses 1:24

Che jeta ma aiporara jokua ñee amɨmbeu waerä jare pe reta piyekou waerä jese. Erëi ayerowia aï, echa’ä kua che añawe aiporara aï wae rupi añemɨïru aï Cristo ndiwe. Echa’ä Cristo uiporara wi kua ɨwɨ pe iko rambuewe. Jayawe che arupɨa aï ayerowia rewe opaete mbaembae aiporara aï wae, jukuärái opaete Cristo re wɨrowia wae reta uyekou waerä Tumpa re. Jae reta ko jae yandeYa Cristo jete rami.

1 Juan 1:3

Kua mbaembae nduecha wae jare nduyandu wae nduikuaaka noï pewe, pe reta wi perowia jese waerä. Jare jukuärái yandepuere waerä ñañemɨïru kawi päwe rewe yandeRu Tumpa ndiwe jare Taɨ Jesucristo ndiwe.

1 Juan 3:24

Jare kía kua Tumpa jei wae uyapo wae jekuaeño uñemɨïru Tumpa ndiwe, jare Tumpa jekuaeño uñemɨïru jae ndiwe wi. Jare yande yaikuaa Tumpa uñemɨïru ko yande ndiwe, echa’ä jae umee yandewe Espíritu Santo ramo.

1 Juan 4:17

Jare jukuärái yayapo yawe, yaikota Cristo rami jare yayerauta päwe rewe kërái Tumpa jukuäraiño mái uipota wae rupi. Jáeramo yande yayerowiata ñaï kuri yayemboɨ yawe Tumpa jowai ara taɨkuewa uwäe yawe. Ndarau yakɨye.

Apocalipsis 21:14

Jare tëta wasu ikësea ime onoi doce iwapɨka. Jare uyekuatía oï jese reta Owecha kuimbae taurusu wae doce jemimboe tenondewaete jee reta pëti pëti rupi.