San Juan 17:21 - Biblia

²¹ “Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

Guaraní Pe (Western): Simba

²¹ Ayerure ndeve opaete jae reta yugüɨreco vaerã penti ramiño. Nde ndico che ndive, cheRu, jare che aico nde ndive. Jae ramiño vi ayerure ndeve cua reta yugüɨreco vaerã yanderé güɨrovia reve, ɨvɨ pegua reta güɨrovia vaerã nde co chembou vae —jei—.

San Juan 17:21 Iomraidhean Croise

Marcos 3:24

“Echa’ä yande yaikuaa kawi ñaï tëta wasu pewa reta oyowaicho yawe jae yepái, opata ko uyererukachi reta.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

San Juan 10:30

Añetete, che jare cheRu pëtiño ko noï,” jei chupe reta.

San Juan 10:38

Erëi ayapo ko aï mbaembae cheRu uyapo wae. Jayawe piyemɨngeta kawi pepɨa pe kua mbaembae pecha ayapo aï wae re,” jei chupe reta. “Yepe tëi pipota’ä perowia chiñee re, erëi kua mbaembae ayapo aï wae re yepe chererowia. Jukuärái pikuaa kawita cheRu oï che ndiwe wae, jare che aï cheRu ndiwe wae,” jei Jesús chupe reta.

San Juan 11:42

Aikuaa nde ndiyapɨsakañoi cheré. Erëi che jae aï kuärái opaete kua cheyɨpɨ rupi ñonoï wae reta wɨrowia waerä nde ko chembou wae,” jei.

San Juan 13:32

Jare Tumpa jee uyembutuichakata oï che rupi ramo, jayawe jae cheree umbutuichakata oï wi jae ndiwe. Jare ɨmambaeño jae uyapota oï jokua,” jei chupe reta.

San Juan 13:35

Jare jukuärái piyerau yawe, opaete wae reta uikuaata pe reta ko jae cheremimboe reta wae,” jei Jesús chupe reta.

San Juan 17:11

“CheRu jupiete ye wae, che mbaetɨta ma jekuaeño aï kua ɨwɨ pe, echa’ä a yeta ma aï ndepɨ ramo. Erëi kua kuimbae mii reta upɨtañota kua ɨwɨ pe. Jáeramo aeka aï ndewe ndiyandareko kawi waerä jese reta nembaepuere rupi – jokua nunga mbaepuere nde nemee chewe wi,” jei. “Iyandareko jese reta, jae reta yureko waerä pëti ramiño kërái yande pëti ramiño ñaï rami,” jei.

San Juan 17:18

“Che añeñono tee ma amano waerä jese reta. Jare jukuärái jae reta ipuereta uñeñono tee nemaerä añetete rewe,” jei. “Añawe che amondo aï kua reta opaete ɨwɨ rupi kërái nde chembou ɨwɨ pe rami,” jei.

San Juan 17:20

“Jare kua reta reño’ä ko ayerure aï ndewe. Aikuaa aï ïru wae reta wɨrowiata cheré jae reta iñee rupi. Jare jokua reta re wi che ayerure aï ndewe,” jei.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

Hechos 2:46

Jare opa ara rupi yuraa uyembatɨ reta tupao wasu joka pe umbutuicha reta waerä Tumpa jee. Jare tëta tëta rupi umbɨyao tembiu iyupe reta, jare ukaru päwe reta uyerowia rewe jare uñemɨmichi rewe.

Hechos 4:32

Jayawe opaete Cristo re wɨrowia wae reta yureko ipɨa pe pëti ramiño uyerowia rewe. Mbaetɨ pëti awe jae reta ipɨte pe mbaembae umbɨete iyupe reta wae. Opaete mbaembae onoi reta wae umbɨyaoñoi iyupe reta.

Romanos 12:5

Jukuärái wi ko opaete yande Cristo re yarowia wae reta. Yepe tëi jeta ko yande reta jare oyowake’ä etei ko ñaï, erëi Cristo opaetei yandapo ma pëti ramiño iyé. Jare pëti ramiño ko ñaï jese ramo, yande reta pëti ramiño ko ñaï yandiyé wi.

1 Corintios 1:10

Jayawe hermano mii reta, che pumɨñera yandeYa Jesucristo jee re awɨye waerä piyeaka pe yepái jare awɨye waerä piyembɨyao tee tee peyuwi. Erëi pumɨñera piñemɨïru päwe pëti ñee wae rupiño.

1 Corintios 12:12

Kua yandepuere yambɨjaanga yanderete re. Yande yaikuaa ñaï, yepe tëi yanderete pëtiño ko, erëi yanderete pe ime jeta mbaembae ñanoi. Jare opaete kua mbaembae reta, yepe tëi oyowake’ä ko, erëi opaete wae yanderete pewa ko jare yanderete pëtiño ko. Jare jukuärái wi ko opaete yande reta pëti ramiño ñaï Cristo re wae.

1 Corintios 6:17

Erëi ime yawe kía jae ko yandeYa pewa wae, pëti ramiño ko oï yandeYa re Espíritu Santo rupi.

Gálatas 3:28

Añetete, ore judiorä nduiko wae reta jare pe judío mbae piko wae reta oyowakeño ko ñaï pëti ramiño Cristo re. Jare jae nunga wi täta rupi yayeyokui wae reta jare yayeyokui mbae wae reta oyowakeño ko wi. Jare yande kuimbaerä yaiko wae reta jare kuña reta oyowakeño ko wi. Echa’ä opaete yande reta ñaï pëti ramiño Jesucristo re ramo.

Filipenses 1:27

Erëi ipotawe mbae uasa chewe wae rupi, che pumɨñera pechaka waerä teko kawi opaete wae jowake, jae reta umae kawi waerä ñee ikawi Cristo rewa wae re. Echa’ä jukuärái piyapo yawe, aikuaata pe reta piñemɨmɨräta peï pëti ramiño, jare pëti ramiño piñemɨatangätu peï ñee ikawi wae pemɨmbeu waerä. Jukuärái aipota pereräkua kawi waerä chewe chepuere’ä añatima ye pekotɨ yawe.

1 Juan 1:3

Kua mbaembae nduecha wae jare nduyandu wae nduikuaaka noï pewe, pe reta wi perowia jese waerä. Jare jukuärái yandepuere waerä ñañemɨïru kawi päwe rewe yandeRu Tumpa ndiwe jare Taɨ Jesucristo ndiwe.

1 Juan 5:7

Añetete ime mbapɨ mbaembae uikuaaka kawi yandewe Jesucristo rewa.