San Juan 17:2 - Biblia

² “Jukuärái ayapota, echa’ä che ameeta tekowe opa mbae wae opaete nde nemee chewe wae reta pe. Jukuärái chepuere ayapo, echa’ä nde chapo opaete wae iYarä ramo,” jei.

Guaraní Pe (Western): Simba

² Echa'ã nde cheapo ma opaete vae iYarã, amee vaerã tecove opa mbae vae opaete nde nemee cheve vae reta pe —jei—.

San Juan 17:2 Iomraidhean Croise

Daniel 7:14

Jare uñemee chupe jae iko waerä opaetei ara jare ɨwɨ pe ñonoï wae reta imburuwicha wasurä. Jare aecha wi umbutuicha ñonoï jae jee opaete kerupi rupi yureko wae reta jare opaetei ambɨe ye ye ñee pe uyemɨngeta wae reta. Jae imbaepuere ndarau etei opa jare jae onoita mbaepuere opaete wae re jaeño mái pewa.

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

San Juan 17:6

“Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

San Juan 17:9

“Kua kuimbae reta ndiyapo ma nemaerä jare nde nemee chewe reta wi. Jáeramo che ayerure aï ndewe jese reta. Ayerure’ä aï ndewe opaete ɨwɨ pewa reta re,” jei.

San Juan 3:35

YandeRu Tumpa uau Taɨ jare oñono opaete mbaembae ipo pe.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 6:39

“Jare cheRu uipota wae ko jae kua: Jae uipota che ayandareko kawi waerä jae umee chewe wae reta re. Ndarau pëti awe ukañɨ chewi. Jare cheRu uipota ambɨjekowe ye reta waerä umanokue wae reta ipɨte wi ara taɨkuewa pe,” jei.

Romanos 6:23

Echa’ä mbaembae yayawɨ Tumpa kotɨ wae jepɨ ko mano – jae ko yembɨsɨrɨ Tumpa wi jaeño mái pewa Tatawasurenda pe. Erëi Tumpa umee yandewe tekowe opa mbae wae jepɨ mbae awe. Jare kua re ko yande yayekou ñaï, echa’ä pëti ramiño ko ñaï yandeYa Jesucristo re ramo. Jukuärái ko. Jáeramo mbaetɨ ikawi jekuaeño yayawɨ waerä Tumpa jei wae.

1 Corintios 15:25

Añetete ko, Cristo ikota mburuwicharä jae opa umbɨyapɨ rewa jowaicho reta imbaepuere.

Efesios 1:20

Echa’ä jokua imbaepuere rupi Tumpa umbɨjekowe ye Cristo ueru umanokue wae reta ipɨte wi. Jare jokua imbaepuere rupi Tumpa wɨraa Cristo ara pe jare umee chupe uwapɨ waerä iyɨke pe iyakata kotɨ.

Filipenses 2:10

Jukuärái opaete ara pe ñonoï wae reta jare ɨwɨ pe ñonoï wae reta jare umanokue wae reta wi, pëti ara yandeRu Tumpa oñonokata reta itawa re Jesús jowai.

1 Timoteo 1:16

Erëi Tumpa ipɨakawi chewe ïru wae reta ipuere waerä uikuaa añetete ko Jesucristo ipɨawasu ipotawe uyawɨ ikotɨ wae reta pe. Jukuärái che ko jae pëti jaanga rami jae reta pewarä. Echa’ä jae reta uikuaa ma chereko rewa yawe, uikuaata jae reta wi ipuere wɨrowia waerä Cristo re jare onoi reta waerä tekowe opa mbae wae.

Hebreos 1:2

Erëi añawe kua ara reta pe Tumpa uyemɨngeta ma yandewe Taɨ rupi – jae ko umbɨjee opaete mbaembae iYarä wae. Jare kua Taɨ rupi Tumpa umbɨyekuaa opaete mbaembae ime ñonoï wae.

1 Pedro 3:22

Jare añawe jae oo ye ma ara pe jare joko pe oï Tumpa iyakata kotɨ. Jare ime onoi mbaepuere araɨwa reta re, jare aña reta re, jare opaete ara pe mbaepuere onoi wae reta re.

1 Juan 1:2

Jae ikoño mái yandeRu Tumpa ndiwe jare añawe uyechaka ma orewe. Ore reta etei nduecha ma, jare añawe nduikuaaka noï pewe jesewa jare kërái jae ikoño mái iko wae rewa.

1 Juan 2:25

Jare kua ko jae Tumpa jei umeeta oï yandewe wae – tekowe opa mbae wae.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

Judas 1:21

Pe reta pikuaa peï yandeYa Jesucristo umeeta oï pewe tekowe opa mbae wae peparareko ramo. Jare añawe jokua peäro peï rambuewe, jekuaeño pemandúa kërái Tumpa perau wae re.