San Juan 17:18 - Biblia

^18-19 “Che añeñono tee ma amano waerä jese reta. Jare jukuärái jae reta ipuereta uñeñono tee nemaerä añetete rewe,” jei. “Añawe che amondo aï kua reta opaete ɨwɨ rupi kërái nde chembou ɨwɨ pe rami,” jei.

Guaraní Pe (Western): Simba

¹⁸ Nde chembou ɨvɨ pe. Jae ramiño vi che amondo cua reta opaete ɨvɨ rupi —jei—.

San Juan 17:18 Iomraidhean Croise

San Mateo 10:5

Jesús omondo jokua doce kuimbae reta umɨmbeu waerä ñee ikawi wae opaete kerupi. Jare ndei yuraa reta mbowe, Jesús jei chupe reta kuärái: “Awɨye pekua kuri judío mbae wae reta ñonoï wae pe jare samaritano reta jëta wasu reta rupi,” jei chupe reta.

San Mateo 23:34

“Mase, che ambouta aï chiñee umɨmbeu wae reta, jare iyarakuaa katu wae reta, jare oporomboe wae reta. Amokue wae jae reta, pe reta pikututa peï kuri kurusu re jare jukuärái piyukata. Jare ïru wae reta pembɨpiuta petupao reta rupi. Jare peraɨkuemoñata reta wi pëti tëta wasu wi ïru tëta wasu pe piyapo waerä ikawi mbae wae chupe reta,” jei chupe reta.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

San Juan 17:23

“Che aikota pëti ramiño jae reta ndiwe, jare nde pëti ramiño che ndiwe. Tuiko reta wi pëti ramiño. Echa’ä ɨwɨ pewa reta uecha yawe kërái jae reta pëti ramiño ñonoï, jayawe ramo uikuaata reta nde ko chembou wae. Jare uikuaata reta wi nde ndeau ko cheré wɨrowia wae reta kërái nde cherau rami,” jei.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

San Juan 20:21

Jayawe Jesús jei ye chupe reta: “Pepɨakatu. CheRu chembou amɨmbeu waerä jesewa. Jare jukuärái wi añawe che pomondo aï cheree re pemɨmbeu waerä che rewa,” jei chupe reta.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

San Juan 4:38

Echa’ä che pomondo aï pembaewɨro waerä kiape mbaetɨ pemaetɨ wae pe. Ïru wae reta uparawɨkɨ ma täta, jare añawe pe reta piyekouta peï jae reta iparawɨkɨ re,” jei Jesús umbɨjaanga rewe jemimboe reta pe.

2 Corintios 5:20

Jáeramo Cristo oremondo jae jee re, jare ore rupi Tumpa umɨñera oï ɨwɨ pewa reta uyeapɨkatu waerä jae ndiwe. Jáeramo ore pumɨñera Cristo jee re pe reta piyeapɨkatu waerä Tumpa ndiwe.

Efesios 3:7

Jukuärái ko Tumpa ipɨayemɨngeta. Jare yepe tëi tenonde yawe arowia’ä aiko Cristo re, jesewe Tumpa ipɨakawi tuicha chekotɨ. Echa’ä jae cheparawo ayeyokui waerä chupe imbaepuere rupi amɨmbeu waerä kua ñee ikawi wae ïru wae reta pe.