San Juan 17:17 - Biblia

¹⁷ Jayawe iñono tee reta jae reta yureko waerä niñee rupi. Echa’ä niñee añetete ko,” jei.

Guaraní Pe (Western): Simba

¹⁷ Iñono tee reta ndiyupeguarã añete vae rupi. Niñee co jae añete vae —jei Jesús—.

San Juan 17:17 Iomraidhean Croise

San Lucas 8:11

Jayawe Jesús jei wi chupe reta: “Jokua che ambɨjaanga rewe jae pewe wae uipota jei kuärái: Jokua temitɨ uyembɨjaanga oï Tumpa iñee re,” jei.

San Lucas 8:15

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta uipɨsɨ kawi Tumpa iñee ipɨa rewe. Jare uyapo reta ipɨawasu rewe Tumpa iñee pe jei wae. Jáeramo uyekuaa jese reta Tumpa jeko ikawi wae,” jei chupe reta. “Jukuärái ko ambɨjaanga rewe jae pewe wae,” jei Jesús jemimboe reta pe.

San Juan 15:3

“Jare pe reta ko jae jokua uva jäka uyeyoe wae rami, echa’ä añawe che pomboe wae japo kawi ma pepɨa pe jare pekɨa mbae peï Tumpa kotɨ,” jei chupe reta.

San Juan 8:32

Jare jukuärái pikuaata añetete wae, jare jokua pembopoikata oï,” jei chupe reta.

San Juan 8:40

Erëi jukuärai’ä piyapo peï. Echa’ä añawe yepe tëi che aikuaaka ma pewe añetete wae Tumpa jei chewe wae, erëitu pe reta pipota cheyuka peï. Abraham uyapo’ä jokua nunga mbae.

Hechos 15:9

“Añetete Tumpa oyowake rupi umae jese reta jare yanderé wi. Echa’ä jae reta wɨrowia yawe jese, Tumpa opa ma oyoe ipɨa,” jei.

2 Corintios 3:18

Jare jukuärái ko yande reta. Tenonde yawe yaikuaa’ä yaiko yandeYa. Yandearakuaa uyakasoi ikose rami. Erëi añawe yandearakuaa uyepea ma, jare añawe yaecha kawi ma yandeYa kërái ikawiete ye ko. Jare ñamae yawe yandeYa kotɨ, ndewe ndewe rupi yandeYa iEspíritu jekuaeño yanembɨambɨe oï yandereko oya katu oo waerä yandeYa jeko re. Jare jukuärái yande rupi ïru wae reta ipuere uecha yandeYa kërái ko jae wae.

Efesios 4:21

Añawe piyemboe ma Cristo re ramo, pikuaa peï añetete wae Cristo rupi ou wae.

Efesios 5:26

Kërái yande mbae yayoe ɨ pe wae rami, jukuärái wi jae iñee rupi opa yandepɨayoe mbaembae kachi wae wi ñaneñono tee waerä jae imaerä.

2 Tesalonicenses 2:13

Erëi ikawi ko ore jekuaeño numee waerä yasurupái Tumpa pe peré, pe yandeYa perau wae reta. Echa’ä Tumpa peparawo iyɨpɨ wiwe penoi waerä tekowe opa mbae wae añetete wae perowia wae rupi jare Espíritu Santo rupi – jae ko peñono tee Tumpa pewarä wae.

Santiago 1:21

Jáeramo peya opaete pereko kachi wae jare opa kërái rái mbae ikawi mbae wae. Jare pipɨsɨ peyupe piñemɨmichi rewe jokua ñee Tumpa oñono ma pepɨa pe wae. Echa’ä jaeño jokua ñee ipuere perepɨ opa mbae ikawi mbae wae wi.