San Juan 17:12 - Biblia

¹² “Che aiko rambuewe jae reta ndiwe, ayandareko kawi jese reta jokua mbaepuere nde nemee chewe wae rupi. Amae kawi jese reta awɨye waerä pëti awe ukañɨ ndewi. Erëi ime oï kua reta ipɨte pe kía jaeño mái pewa uiporarata oï Tatawasurenda pe wae, echa’ä niñee pe uyekuatía oï jokua uasa ñotái ko,” jei.

Guaraní Pe (Western): Simba

¹² Che aico jae reta ndive rambueve, che amborɨ nembaepuere pe cua nemee cheve vae reta, agüɨye vaerã uyerova ndegüi. Pentiño oota cañɨtei pe, niñee pe uyecuatía oĩ vae uyeyapo vaerã. Ẽrei amborɨ ĩru reta, agüɨye vaerã yugüɨraa cañɨtei pe —jei—.

San Juan 17:12 Iomraidhean Croise

Salmo 41:9

Cheïru arowia katuse jese wae jare ukaruse che ndiwe wae añawe uyerowa chewi jare chemee cherowaicho reta pe.

San Juan 13:18

“Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

San Juan 17:6

“Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

San Juan 18:9

Kua jei Jesús uyeyapo waerä tenonde yawe jei Tu pe wae. Echa’ä jae jei chupe: “Che ayandareko kawi nde nemee chewe wae reta re. Ndarau pëti awe ukañɨ chewi,” jei.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

Filipenses 2:9

Jáeramo añawe yandeRu Tumpa umbutuichaka ma Cristo jee opaete wae reta wi, jare oñono ma opaete wae iYarä iko waerä.

2 Tesalonicenses 2:3

Awɨye wi pemaeño kía re pembɨtawɨ waerä. Echa’ä ndei ara yandeYa pewa uwäe mbowe, imeta ko uyeyapo rani ïru mbaembae. Echa’ä jeta wae reta oyowaichoeteta Tumpa kotɨ. Jare uyekuaata wi oï jokua kuimbae ikawi mbaete oï jese wae. Jokua kuimbae Tumpa omombota oï kuri Tatawasurenda pe.

Hebreos 2:13

Jare Jesús jei wi kuärái: “Che arowia katuta Tumpa reño.” Jare Jesús jei wi kuärái: “Mase, ko aï, jare ime wi kua pe ñonoï Tumpa taɨ reta jae umee chewe cheïru retarä wae.” Jukuärái jei.

1 Juan 2:19

Jae reta uyembatɨse yande ndiwe añetete wae nunga. Erëitu opa ma usɨrɨ reta yandewi. Jae reta uñemɨïru’ä añetete rewe yande ndiwe. Jae reta añetete uñemɨïru yande ndiwe yawe, jekuaeñota tëi yureko yande ndiwe. Erëi opa usɨrɨ reta yandewi. Jukuärái yaikuaa jae reta mbaetɨ ko yande rami, echa’ä jae reta Tumpa pewa’ä ko.