San Juan 17:10 - Biblia

¹⁰ “Opaete chembae reta nembae ko wi. Jare opaete nembae reta chembae ko wi. Jare jae reta mbaembae uyapo wae rupi cheree uyembutuichaka oï,” jei.

Guaraní Pe (Western): Simba

¹⁰ Opaete chembae nembae co, jare nembae chembae co. Jare che ayembɨadoraca ma jae reta jeco pegua —jei—.

San Juan 17:10 Iomraidhean Croise

San Juan 10:30

Añetete, che jare cheRu pëtiño ko noï,” jei chupe reta.

San Juan 11:4

Jesús kua uyandu yawe, jei jemimboe reta pe: “Kua mbaerasɨ mano pewa’ä ko. Oa jese jukuärái rupi ïru wae reta uecha waerä Tumpa imbaepuere jupiete ye wae, jare jae nunga wi jukuärái rupi uyembutuichaka waerä che cheree, che Tumpa Taɨrä aiko wae,” jei chupe reta.

San Juan 12:23

Jayawe Jesús jei: “Tenonde che kuimbaerä ayeyapo wae imeta ko mbae asa aï rani, jare jukuärái cheree uyembutuichaka waerä. Jare añawe uwäe ma ara jokua uyeyapo waerä,” jei.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

Hechos 19:17

Jayawe jokua jeräkua judío reta pe jare judío mbae wae reta pe wi tëta wasu Éfeso pe. Jáeramo opaete rewe uipɨuete yandeYa Jesús wi, jare umbɨpɨ umbutuicha reta jae jee.

Gálatas 1:24

Jayawe jae reta umbutuicha Tumpa jee Tumpa umbɨambɨe chereko ramo.

Filipenses 1:20

Jare che arowia katu aï Tumpa re jae chemɨmɨräta waerä awɨye waerä chemara Cristo wi, jare jekuaeño ambutuicha waerä Cristo jee akɨye mbae rewe. Aipotaete Cristo jee uyembutuichaka waerä opaete mbae ayapo wae rupi kua cherekowe pe aï rambuewe. Jare chemano rupi aipota Cristo jee uyembutuichaka waerä wi.

Colosenses 2:9

Cristo ko jae ikawiete wae opaete jokua nunga arakuaa wi, echa’ä Cristo ko jae Tumpa etei uyeyapo kuimbaerä wae.

2 Tesalonicenses 1:10

Jukuärái uyeyapota oï jokua ara yandeYa ou ye yawe. Erëi yandeYa ou yeta’ä oï jaeño uiporaraka waerä jokua jese wɨrowia mbae wae reta pe. Jae nunga wi ou yeta oï opaete jese wɨrowia wae reta ipɨakañɨ umae jese waerä. Jukuärái opaete kía kía jae imaerä iko wae reta umbutuichata jae jee. Jare pe reta joko pe peïta jokua ara, echa’ä perowia ma ñee ikawi wae numɨmbeu pewe ramo.

2 Tesalonicenses 1:12

Jukuärái ore ndueka noï Tumpa pe uyembutuichaka waerä yandeYa Jesucristo jee pe reta rupi, jare jae uyemɨngeta kawi waerä peré wi. Jukuärái tuyeyapo yandeRu Tumpa jare yandeYa Jesucristo ipɨakawi rupi.

1 Pedro 2:9

Erëi pe reta ko jae Tumpa uiparawo wae reta. Pe reta ko jae sacerdote reta piyeyokui peï yaneMburuwicha wasu ara pewa pe. Jare Tumpa peñono tee ma pe reta piko waerä jae imaerä, pemɨmbeu waerä kërái jokua jae uyapo wae ikawiete ye ko. Echa’ä tenonde yawe pikuaa’ä piko añetete wae Tumpa rewa jare jukuärái pikose pɨ̈tumimbi pe rami. Erëi añawe jae uyekuaaka ma pewe, jare jukuärái pereni ma ikotɨ jokua pɨ̈tumimbi wi piko waerä tembipe ikawiete wae pe.