San Juan 16:8 - Biblia

⁸ “Kua ɨwɨ pewa reta uikuaa kawi’ä mbae ra ko jae ikawi wae jare mbae ra ko jae kachi wae Tumpa jowai. Jare uikuaa’ä reta kërái pëti ara jae reta uyemboɨta ñonoï Tumpa jowai jae jei waerä jae reta jeko re. Erëi Oporomborɨ wae ou yawe, jae uikuaaka kawita chupe reta kërái uyawɨ ñonoï jokua mbaembae rewa,” jei chupe reta.

Guaraní Pe (Western): Simba

^8-11 Jare jae ou yave, uicuaacata ɨvɨ pegua reta pe jae reta uyapo co mbaeyoa. Echa'ã güɨrovia'ã cheré. Uicuaacata jupi vae. Echa'ã aata cheRu oĩ vae pe jare pe reta ndarau ye ma cherecha. Uicuaacata Tumpa uãata ɨvɨ pegua reta. Echa'ã uãa ma ɨvɨ pegua reta juvicha —jei—.

San Juan 16:8 Iomraidhean Croise

San Juan 16:7

“Erëi che tae pewe añetete wae, ikawita ko pewe che a ye waerä. Echa’ä che a yewɨ'ä yawe, ndarau ou pewe jokua Oporomborɨ wae. Erëi a ye yawe, ambouta pewe ara wi,” jei chupe reta.

San Juan 16:9

“Jae uikuaaka kawita chupe reta mbae kachi wae ko Tumpa jowai chererɨ̈ro ma reta wae.

San Juan 8:46

Pe reta imeta tëi ko chererowia, echa’ä che ayawɨ'ä etei Tumpa kotɨ. Ani ¿ime ra pëti wae pe reta pepuere pechaka chewe kërái ra ayawɨ Tumpa kotɨ wae? Pëti awe ndarau ipuere. Jáeramo pepuere pikuaa che chapu’ä etei ko. Jayawe, ¿maera pa pe reta chererowia’ä?

San Juan 8:9

Erëi kua uyandu yawe jokua upurumbɨjeko wae reta, ipɨa umbɨjeko reta. Jayawe umbɨpɨ yuraa ye pëti pëti wae. Tenonde oo indechi wae reta, jare jaɨkue rupi oo ïru wae reta. Jare opa ma yuraa reta yawe, kuña upɨta jaeño pe etei Jesús ndiwe.

Hechos 2:37

Kua uyandu reta yawe, tuicha rupi ipɨatɨtɨ reta. Jare upɨrandu Jesús jemimboe tenondewaete reta pe – jae ko Pedro jare ïru reta pe wi – kuärái: “Tëtara reta, ¿mbae pa orepuere nduyapo añawe?” jei reta.

1 Corintios 14:24

Erëi opaete pe reta pemɨmbeu peï yawe ñee Tumpa wi etei ou wae, jare uike yawe kía Cristo re wɨrowia mbae wae ani pëti uikuaa mbae wae, ¿mbae ra uasata? Jokua piñee rupi aramoi ipɨawiweta’ä oï, jare jae uikuaata oï iyuwi kërái uyawɨ Tumpa kotɨ wae jare jukuärái jae teko pe oï Tumpa jowai.

Judas 1:15

Jare jayawe opaete wae uyemboɨta ñonoï jae jowai jae jei waerä jae reta jeko re. Jare yandeYa umbɨjekota opaete chuwi uipɨu’ä wae reta mbaembae kachi uyapo reta wae re jare ñee kachi jei reta yandeYa kotɨ wae re.” Jukuärái umɨmbeu Enoc.