San Juan 16:4 - Biblia

⁴ Erëi che amɨmbeu ma pewe kua ndei uyeyapo mbowe pemandúa waerä kua chiñee re jokua ara uwäe ma yawe,” jei chupe reta. “Kua mbaembae reta amɨmbeu’ä pewe tenonde wiwe, echa’ä che aiko pe reta ndiwe ramo jare puepɨ opa mbaembae wi.

Guaraní Pe (Western): Simba

⁴ Ẽrei cua che jae ma peve, pemandúa vaerã cuarãi amɨmbeu peve vae re jucuarãi uyapo reta yave —jei—. Amɨmbeu'ã peve cua tenonde güive. Echa'ã che aico pe ndive.

San Juan 16:4 Iomraidhean Croise

San Mateo 10:7

“Jare ipotawe kerupi peo wae rupi, pemɨmbeu kua ñee: ‘Koiñoete ma oï uyembɨpɨ waerä Tumpa imbaepuere mburuwicha wasu pewa kua ɨwɨ pe,’ pere chupe reta,” jei.

San Mateo 24:25

“Mase, aikuaaka aï pewe opaete uyeyapota oï wae ndei uyeyapo mbowe pe reta pikuaa peï waerä,” jei chupe reta.

San Mateo 9:15

Jayawe Jesús jei chupe reta umbɨjaanga rewe: “Uparea reta yawe menda pe, ¿ipɨatɨtɨta yerá joko pe ñonoï wae reta kuimbae umenda wae jae reta ndiwe oï rambuewe? Ndarau etei,” jei chupe reta. “Erëi outa uwäe ara kuimbae umenda wae uyereraa waerä chuwi reta. Jayawe ramo jae reta oñono teeta ara reta ukaru mbae waerä,” jei chupe reta.

Marcos 13:23

“Jayawe piyandareko kawi piyé kuri. Aikuaaka aï pewe opaete uyeyapota oï wae ndei uyeyapo mbowe pe reta pikuaa peï waerä,” jei Jesús jemimboe reta pe.

Marcos 2:19

Jayawe Jesús jei chupe reta umbɨjaanga rewe: “Uparea reta yawe menda pe, ¿oñono teeta yerá jokua ara etei ukaru mbae ñonoï waerä? Ndarau etei,” jei chupe reta. “Jae reta ukaru ñotái ko kuimbae umenda wae jae reta ndiwe oï rambuewe, echa’ä uyerowiaete ñonoï ramo,” jei.

San Lucas 1:2

Jae reta uikuatía kawi ma yandewe kua mbaembae ïru uecha etei wae reta imiäri chupe wae rupi. Kua reta uecha etei mbaembae uyembɨpɨ uyeyapo wiwe, jare uyeyokui reta Tumpa pe kua mbaembae imiäri yandewe wae rupi.

San Juan 13:19

“Kua amɨmbeu ma pewe añawe ndei uyeyapo mbowe. Echa’ä jukuärái uyeyapo ma yawe, perowia waerä CHE KO CHE wae,” jei chupe reta.

San Juan 14:29

“Kua mbaembae amɨmbeu ma pewe añawe ndei uyeyapo mbowe. Echa’ä jukuärái uyeyapo ma yawe, perowia waerä cheré,” jei chupe reta.

Hechos 9:16

Jare che etei aikuaakata chupe kërái jae uiporaraeteta chewe uyeyokui oï wae re.” Jukuärái yandeYa jei Ananías pe.

2 Tesalonicenses 2:5

Pemandúa kawi peï, che aiko yawe pe reta ndiwe, amɨmbeu kawi pewe kua mbaembae rewa.

2 Pedro 1:14

Echa’ä yandeYa Jesucristo uikuaaka ma chewe ɨmambae amanota aï.