San Juan 16:32 - Biblia

³² Mase, uwäeta ma ara – jae ko añawe etei – pe reta opa piñemɨái waerä. Pe reta opata chereya cheño pe etei jare pëti pëti pe reta opata peo ye perëtarëta rupi. Erëi añetete ndarau aï cheño pe etei, echa’ä cheRu oï che ndiwe,” jei chupe reta.

Guaraní Pe (Western): Simba

³² Ẽrei outa ma ara - ou ma co - pe reta piñemɨai vaerã. Chereyata jare penti penti peota perenta pe. Cheño apɨtata. Ẽrei ndarau cheño aico. Echa'ã cheRu ico che ndive —jei—.

San Juan 16:32 Iomraidhean Croise

San Mateo 26:31

Jayawe yuraa yureko reta rambuewe, Jesús jei chupe reta: “Tumpa iñeerɨru pe uyekuatía oï kuärái: ‘Ayukata owecha reta iyandarekoa, jare owecha reta opata uñemɨái.’ Jukuärái uyekuatía oï cheré. Jare kua pɨ̈tu woi jokua uyeyapota oï, echa’ä pe reta opata chereya peï,” jei chupe reta.

San Mateo 26:56

“Erëitu opaete kua mbaembae uasa oï uyeyapo waerä kërái arakae Tumpa iñee umɨmbeu wae reta uikuatía wae rupi,” jei chupe reta. Jayawe opaete Jesús jemimboe reta ueya jare opa osi reta.

Marcos 14:27

Jayawe yuraa yureko reta rambuewe, Jesús jei chupe reta: “Tumpa iñeerɨru pe uyekuatía oï kuärái: ‘Ayukata owecha reta iyandarekoa, jare owecha reta opata uñemɨái.’ Jukuärái uyekuatía oï cheré. Jare kua pɨ̈tu woi jokua uyeyapota oï, echa’ä pe reta opata chereya peï,” jei chupe reta.

Marcos 14:50

Jayawe opaete Jesús jemimboe reta ueya jare opa osi reta.

San Juan 12:23

Jayawe Jesús jei: “Tenonde che kuimbaerä ayeyapo wae imeta ko mbae asa aï rani, jare jukuärái cheree uyembutuichaka waerä. Jare añawe uwäe ma ara jokua uyeyapo waerä,” jei.

San Juan 16:2

Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

San Juan 16:25

“Añawe amɨmbeu ma pewe jeta mbaembae re ambɨjaanga rewe. Erëi uwäeta ma ara amɨmbeu waerä pewe sɨmi kawi cheRu rewa. Ndarau ye ma ayemɨngeta pewe ambɨjaanga rewe,” jei chupe reta.

San Juan 16:31

Jayawe Jesús jei chupe reta: “¿Añetete ra perowia ma peï añawe?

San Juan 19:27

Joko wi jei jemimboe pe: “Cherɨwɨ, joko oï ndesɨrä,” jei chupe. Jáeramo jokua ara wiwe jokua jemimboe wɨraa jëta pe uyandareko waerä Jesús ichɨ re.

San Juan 20:10

Joko wi Jesús jemimboe reta mokui rewe opa ye yuraa reta jëta kotɨ.

San Juan 4:21

Jayawe Jesús jei chupe: “Iyapɨsaka cheré. Uwäeta ma ara awɨye waerä peo pea ɨwɨtu wasu re pembutuicha waerä yandeRu jee. Jare peota’ä wi Jerusalén pe awe,” jei.

San Juan 4:23

“Erëi uwäeta ara – jae ko añawe etei – jokua añetete rewe Tumpa jee umbutuicha wae reta imeta onoi Tumpa iEspíritu ipɨa pe. Jare jae reta umbutuichata ñonoï Tumpa jee Tumpa iEspíritu rupi jare añetete wae rupi kawi. Jokua nunga reta ko yandeRu Tumpa ueka oï umbutuicha reta waerä jae jee.

San Juan 5:25

“Che tae pewe añetete wae, kua ɨwɨ pewa reta umano wae echa ñonoï Tumpa wi. Erëi uwäeta ma ara jae reta uyandu waerä che Tumpa Taɨrä aiko wae chiñee. Añetete yepe añawe uwäe ma jokua ara. Jare jokua uyapɨsakata chiñee re wae reta onoita tekowe ipɨau wae.

San Juan 5:28

“Awɨye pepɨakañɨ kua che jae pewe wae re. Echa’ä uwäeta ara opaete umanokue wae reta uyandu waerä chiñee.

San Juan 8:16

Erëitu aipota jae yawe kía jeko rewa, che ayapota jupi rupi kawi, echa’ä cheiño’ä ayapo aï. CheRu chembou wae jae che ndiwe oï. Jare che cheRu ndiwe ndupurumbɨjeko jupi rupi kawi,” jei chupe reta.

San Juan 8:29

“CheRu ko chembou jare jae oï che ndiwe. Jae chereya’ä etei, echa’ä che jekuaeño ayapo jae umbɨyerowia wae,” jei chupe reta.

Hechos 21:6

Jayawe nuñekuäwa yawe jae reta ndiwe, ore nduyupi ye chalana wasu pe. Jare jae reta yuraa ye jëta jëtái rupi.

Hechos 8:1

Joko wi amokue kuimbae uipɨu Tumpa wi wae reta wɨraa oñotɨ Esteban jetekue jare täta rupi uapïro reta. Erëi Esteban imano ikawi iko Saulo pe. Jayawe jokua ara uyuka reta Esteban yawe, jeta Jerusalén pewa reta pochɨ rewe umbɨpɨ uiporaraka Cristo re wɨrowia wae reta pe. Jáeramo hermano reta opa uñemɨái ɨwɨ Judea jare Samaria rupi. Jesús jemimboe tenondewaete retaño upɨta tëta wasu Jerusalén pe.