San Juan 16:2 - Biblia

² Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

Guaraní Pe (Western): Simba

² Piyemombocata co judío reta itupao reta güi. Añete co, outa ma ara piyeyucaca vaerã. Jare jocua reta peyucata vae ipɨa pe uyemɨngueta tẽita uyeyocui co oĩ Tumpa pe —jei—.

San Juan 16:2 Iomraidhean Croise

San Mateo 10:28

“Awɨye pekɨye jokua uipota peyuka wae reta wi. Echa’ä pereteño ko jae reta ipuere uyuka pewi. Ndarau ipuere uyuka reta peä,” jei. “Erëi che tae pewe ikawi ko pekɨye waerä Tumpa wi. Echa’ä jaeño ipuere omombo perete jare peä wi Tatawasurenda pe,” jei chupe reta.

San Mateo 24:9

“Jokua ara reta rupi perowaicho reta pepɨsɨta jare pereraata mburuwicha reta pe. Jare jae reta uiporarakata pewe jare peyukata wi. Jare cheré perowia ramo, opaete seri peamɨtäata,” jei.

San Lucas 6:22

Jare che kuimbaerä ayeyapo wae, pe reta perowia cheré ramo, ïru wae reta peamɨtäata ñonoï jare pemombota reta iyuwi. Jare jeita reta mbaembae kachi wae pekotɨ, jare jeita pewe reta: ‘Añawasu ko.’ Erëi jukuärái uyapo reta pewe yawe, piyekoueteta peï kuri.

San Juan 12:42

Erëitu jesewe jeta judío itenondewa reta wɨrowia Jesús re. Erëi wɨrowia reta kía uikuaa mbae rewe. Echa’ä jae reta uikuaa oë reta yawe Jesús ipepɨka pe, fariseo reta omombota itupao wi.

San Juan 16:25

“Añawe amɨmbeu ma pewe jeta mbaembae re ambɨjaanga rewe. Erëi uwäeta ma ara amɨmbeu waerä pewe sɨmi kawi cheRu rewa. Ndarau ye ma ayemɨngeta pewe ambɨjaanga rewe,” jei chupe reta.

San Juan 16:32

Mase, uwäeta ma ara – jae ko añawe etei – pe reta opa piñemɨái waerä. Pe reta opata chereya cheño pe etei jare pëti pëti pe reta opata peo ye perëtarëta rupi. Erëi añetete ndarau aï cheño pe etei, echa’ä cheRu oï che ndiwe,” jei chupe reta.

San Juan 4:21

Jayawe Jesús jei chupe: “Iyapɨsaka cheré. Uwäeta ma ara awɨye waerä peo pea ɨwɨtu wasu re pembutuicha waerä yandeRu jee. Jare peota’ä wi Jerusalén pe awe,” jei.

San Juan 4:23

“Erëi uwäeta ara – jae ko añawe etei – jokua añetete rewe Tumpa jee umbutuicha wae reta imeta onoi Tumpa iEspíritu ipɨa pe. Jare jae reta umbutuichata ñonoï Tumpa jee Tumpa iEspíritu rupi jare añetete wae rupi kawi. Jokua nunga reta ko yandeRu Tumpa ueka oï umbutuicha reta waerä jae jee.

San Juan 9:22

Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

San Juan 9:34

Jayawe judío itenondewa reta jei chupe: “¡Ndereko woi ma ndesɨ wi ndea wiwe! ¿Kía pa ko nde oremboe waerä?” jei reta chupe. Jayawe jokua mburuwicha reta omombo kuimbae parawete joko wi.

Hechos 5:33

Jokua ñee uyandu reta yawe, uyembatɨ wae reta pochɨete chupe reta jare uipota tëi uyuka reta.

Hechos 7:56

Jayawe Esteban jei: “¡Mase! ¡Aecha ara uyepea oï, jare joko pe uyemboɨ oï kuimbaerä uyeyapo wae yandeRu Tumpa iyakata kotɨ!” jei.

1 Corintios 4:13

Jare jeta wese ïru wae reta uyemɨngeta kachi orekotɨ. Erëi jukuärái yawe, ore jaeño oriñee kawi chupe reta. Kua ɨwɨ pewa reta pewarä, ore ko jae ɨtɨ rami, jare ikawi’ä ma maeräwe wae rami chupe reta. Jukuärái ko ore nduikuasɨ noï añawe rewa nduyeyokui Cristo pe ramo.

Filipenses 3:6

Añetete mbaetɨ kiawe ipuerese chembɨjeko mbae re, echa’ä chereko jekuaeño iko kërái Tumpa arakae jei chupe reta wae rupi. Jare jokuaño’ä ko. Jae nunga wi che cheratangätuete aikose tëi aiporaraka waerä Cristo re wɨrowia wae reta pe, jare jukuärái arowiase tëi ayeyokui kawi waerä Tumpa pe. Jukuärái ime arekose tëi jeta ayeko waerä chiyé.

Apocalipsis 6:9

Joko wi Owecha kuimbae taurusu wae uipea ye tupapire imboyaka. Kua re uipea ma pandepo imboyaka. Jayawe che aecha ara pe pëti mbaerenda. Jare jokua mbaerenda íɨwɨ pe aecha jeta umano wae reta iä. Jae reta uyeyukaka Tumpa iñee umɨmbeu ramo jare jupi yureko Tumpa re ramo.