San Juan 16:13 - Biblia

¹³ “Erëi Espíritu Santo ou ma yawe, jae pembɨarakuaa kawita añetete wae rewa. Echa’ä ñee jae uikuaakata oï pewe wae jae iñeeño’ä ko. Tumpa jei chupe wae, jokua ko uikuaaka yuapɨ yeta oï pewe. Jare jae uikuaakata oï wi pewe mbaembae taɨkue rupi uasata oï kuri wae,” jei.

Guaraní Pe (Western): Simba

¹³ Ẽrei Espíritu Santo añete vae re imiarita vae ou ma yave, umɨmbeuta peve añete vae. Echa'ã ñee umɨmbeuta peve vae ndarau imbaeño. Imiarita Tumpa umɨmbeu chupe vae re, jare umɨmbeuta peve uyeyapota vae —jei—.

San Juan 16:13 Iomraidhean Croise

Isaías 11:2

Tumpa iEspíritu jekuaeño oïta jae ndiwe jare umeeta chupe arakuaa. Jukuärái jae ipuereta upurumbɨarakuaa kawi mbaepuere rewe. Jokua kuimbae uñemɨïru kawita Tumpa ndiwe uipɨu rewe.

San Juan 12:49

echa’ä chiñee ou’ä chewiño. CheRu ko chembou, jare jae ko jei chewe mbae jae waerä jare kërái jae waerä,” jei.

San Juan 14:17

Jae ko Espíritu Santo,” jei. “Jae uikuaakata oï pewe añetete wae. Erëi cheré wɨrowia mbae wae reta ndarau uipota Espíritu Santo, echa’ä jae reta uecha’ä jare uikuaa’ä ramo. Erëi pe reta pikuaa Espíritu Santo, echa’ä jae oï pe reta ndiwe jare oïta pepɨa pe,” jei chupe reta.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 15:26

“Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

San Juan 16:12

“Ime tëi che anoi jeta mbaembae aikuaaka pewe waerä. Erëitu jokua uasaete ma oï pe reta pikuaa kawi waerä aramoete,” jei chupe reta.

San Juan 3:32

Jae uecha mbaembae ara pewa jare uyandu wi. Jáeramo jae uikuaaka kawi ma yandewe jokua mbaembae ara pewa re. Erëitu opaete seri wɨrowia’ä jae mbae umɨmbeu wae.

San Juan 8:38

“Kua che aikuaaka aï pewe wae, jae ko cheRu uechaka chewe wae. Erëitu pe reta piyapo peï peru jei waeño,” jei Jesús chupe reta.

Hechos 11:28

Pëti wae ko jee Agabo. Jare pëti yembatɨ pe, aramoiño Agabo uyemboɨ jare Espíritu Santo imbaepuere rupi uyemɨngeta jei rewe: “Outa oï karuái tuicha wae opaete ɨwɨ rupi.” Jukuärái jei. Kua karuái uyeyapo Claudio mburuwicha wasurä iko yawe.

Hechos 20:23

“Jaeño aikuaa joko pe cherowaicho reta chepɨsɨta jare cheñonokata reta peresorɨru pe, jare aiporarata aï. Kua aikuaa aï, echa’ä tëta tëta wasu rupi asa yawe, Espíritu Santo uikuaaka oï chewe jokua re,” jei chupe reta.

Hechos 27:24

Araɨwa jei chewe: ‘Pablo, awɨye ekɨye,’ jei. ‘Echa’ä ndeo ñotái ko ndiyemboɨ mburuwicha wasu Roma pewa jowai. Jare Tumpa ipɨakawi ndewe ramo, uepɨta wi opaete kua nde ndiwe yuraa ñonoï wae reta,’ jei araɨwa chewe,” jei.

2 Tesalonicenses 2:12

Jayawe jokua añetete wae re wɨrowia’ä wae reta jare mbae kachi wae re uyerowia wae reta onoita teko jaeño mái pewa Tumpa kotɨ.

2 Tesalonicenses 2:3

Awɨye wi pemaeño kía re pembɨtawɨ waerä. Echa’ä ndei ara yandeYa pewa uwäe mbowe, imeta ko uyeyapo rani ïru mbaembae. Echa’ä jeta wae reta oyowaichoeteta Tumpa kotɨ. Jare uyekuaata wi oï jokua kuimbae ikawi mbaete oï jese wae. Jokua kuimbae Tumpa omombota oï kuri Tatawasurenda pe.

Hebreos 1:1

Yande judío retarä yaiko wae, arakaete rupi yandeRu Tumpa uyemɨngetase jae iñee umɨmbeu wae reta rupi yanderamɨkue reta pe. Jeta wese jare opa kërái rái rupi uyemɨngetase chupe reta.

1 Juan 2:20

Erëi pe reta jokua nunga’ä ko. Echa’ä Tumpa jupiete ye wae umee ma pewe Espíritu Santo. Jáeramo pikuaa ma añetete wae.

1 Juan 2:27

Erëi awɨye piyapɨsaka jese reta, echa’ä pe reta ime ma penoi Espíritu Santo pemboe waerä. Tumpa etei ko umee ma pewe Espíritu Santo, jare jae jekuaeño uyemɨngeta añetete wae. Espíritu Santo ipuere’ä etei iyapu. Jare kërái jae pemboe wae rupi, jekuaeño piñemɨïru kawi Cristo ndiwe.

1 Juan 4:6

Erëi ore reta, oriñee ou ko Tumpa wi. Jáeramo ime yawe kía uikuaa Tumpa wae, jae uyapɨsaka oriñee re. Erëi kía uikuaa’ä Tumpa wae uyapɨsaka’ä oriñee re. Jukuärái yaikuaa kía ko jae oporomboe jupi wae jare kía ko upurumbɨtawɨ wae.

1 Juan 5:6

Jare Jesucristo ko jae Tumpa Taɨ, echa’ä jukuärái Tumpa uikuaaka orewe Jesús uyembɨsakambuka yawe ɨ pe. Jare jae juwɨ uyepɨyere yawe kurusu re, jukuärái wi Tumpa uikuaaka orewe Jesús ko jae Tumpa Taɨ wae. Mbaetɨ ko uikuaaka orewe Jesús uyembɨsakambuka rupiño. Kua yaikuaa añetete wae ko, echa’ä jukuärái Espíritu Santo uikuaaka yandewe yandepɨa pe. Jare jokua jae jei wae añetete ko. Ndarau iyapu yandewe.

Apocalipsis 1:1

Kua tupapire pe Juan uikuaaka yandewe jokua mbaembae reta uasata oï ɨmambaeño wae. YandeRu Tumpa etei uikuaaka kua mbaembae Jesucristo pe jae uikuaaka yuapɨ ye waerä yandewe Juan rupi. Juan uyeyokui kawi Jesucristo pe. Jayawe Jesucristo ombou pëti araɨwa Juan pe, jare jokua araɨwa uechaka chupe kua mbaembae uyeyapota oï wae. Jare añawe Juan uikuaaka oï yandewe, yande Cristo pe yayeyokui wae reta pe, opaete mbaembae jae uecha wae. Kua ñee Tumpa iñee etei ko, jare jokua etei ko Jesucristo uikuaaka.

Apocalipsis 1:19

“Añawe ikuatía kua mbaembae ndecha wae. Jare che aipota ndikuatía waerä wi ïru mbaembae reta añawe aechakata aï ndewe wae – jae ko mbaembae añawe uyeyapo oï wae jare taɨkue rupi uyeyapota oï kuri wae,” jei chewe.