San Juan 15:6 - Biblia

⁶ “Erëi ime yawe kía mbaetɨ jekuaeño uñemɨïru kawi che ndiwe wae, uyemombota pëti ɨwɨra jäka uyeyasɨa uyemombo wae rami. Jokua nunga jäka reta opa ma utini yawe, uyembatɨta jare uyemombota tata pe opa okai waerä,” jei chupe reta.

Guaraní Pe (Western): Simba

⁶ Jocua ico'ã cheré güɨrovia reve vae uyemombota penti jãca uyeasɨa vae uyemombo yɨpi vaerã vae rami. Jare jãca yɨpi vae reta uyembatɨca jare uyemondoca tata pe ocai vaerã —jei—.

San Juan 15:6 Iomraidhean Croise

San Mateo 13:41

“Echa’ä che kuimbaerä ayeyapo wae ambouta chearaɨwa reta umbɨsɨrɨ waerä cheré wɨrowia wae reta ipɨte wi opaete kía japicha pe uyawɨka Tumpa kotɨ wae reta jare ikawi mbae wae uyapo wae reta,” jei.

San Mateo 27:5

Jayawe Judas omombo jokua korepoti tupao wasu pe, jare joko wi oë oo uyeyuwɨ umano.

San Mateo 3:10

“Koiño ma oï Tumpa uiporaraka waerä opaete uyawɨ ikotɨ wae reta pe. Pe reta pikuaa kawi peï pëti ɨwɨra ía kawi’ä yawe, iya uitɨta jare uapɨta. Jare jukuäraiete wi Tumpa uiporarakata oï opaete jeko kachi wae reta pe,” jei chupe reta.

San Mateo 7:19

Jare temitɨ ía ikawi’ä yawe, temitɨ iya uyasɨata jare uapɨta,” jei.

San Juan 15:2

“Opaete jäka ía mbae oï cheré wae reta, cheRu uyasɨata. Jare opaete jäka ía oï cheré wae reta, cheRu uitɨota jare oyoeta taɨkue rupi ía kawiete waerä,” jei chupe reta.

Hebreos 10:27

Jaeño ma ñaärota yakɨye rewe Tumpa uiporaraka waerä yandewe. Añetete koiño ma oï ara Tumpa opa umbái waerä jowaicho reta kërái tata tuicha jendɨ wae mbae opa uapɨ wae rami.

2 Pedro 2:20

Kua pëti mbɨatɨtɨ ko. Echa’ä ipuere kía uikuaa yandeRepɨ wae yandeYa Jesucristo rewa, jare jokua arakuaa rupi ipuere ueya ɨwɨ jeko kachi wae. Erëi jokua nunga kía taɨkue rupi uñatima ye yawe jeko indechikue pe jare ipuere’ä ueya ye yawe, jae oeteta upɨta tenonde iko wae wi.

1 Juan 2:19

Jae reta uyembatɨse yande ndiwe añetete wae nunga. Erëitu opa ma usɨrɨ reta yandewi. Jae reta uñemɨïru’ä añetete rewe yande ndiwe. Jae reta añetete uñemɨïru yande ndiwe yawe, jekuaeñota tëi yureko yande ndiwe. Erëi opa usɨrɨ reta yandewi. Jukuärái yaikuaa jae reta mbaetɨ ko yande rami, echa’ä jae reta Tumpa pewa’ä ko.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.