San Juan 15:27 - Biblia

²⁷ “Jare pe reta wi chemɨeräkuata, echa’ä pe reta piko ma che ndiwe aporomboe ramo rupiwe jare pecha ma opaete mbae ayapo wae,” jei Jesús jemimboe reta pe.

Guaraní Pe (Western): Simba

²⁷ Jare pe reta vi chemɨmbeuta. Echa'ã tenonde güive pico che ndive —jei—.

San Juan 15:27 Iomraidhean Croise

Marcos 1:1

Kua wiwe uyembɨpɨ ñee ikawi wae Tumpa Taɨ Jesucristo rewa.

San Lucas 24:48

“Pe reta pecha opaete kua mbaembae uyeyapo chewe wae. Jare añawe pemɨmbeuta opaete wae pe kua pecha wae.

San Juan 19:35

Yande yaikuaa ñaï kua mbaembae añetete ko, echa’ä ime kía uecha wae. Jare jae umɨmbeu ma kua mbaembae rewa, pe reta pepuere perowia waerä wi.

San Juan 21:24

Che ko jae jokua kuimbae. Jare che chemiäri ma jare aikuatía ma kua mbaembae. Jare kua amɨmbeu wae ore nduikuaa añetete ko.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

Hechos 13:31

Jare jeta wese Jesús uyekuaa jemimboe reta pe. Jae reta ko yuraa jae ndiwe ɨwɨ Galilea wi Jerusalén pe wae reta. Jare jae reta etei añawe umɨmbeu ñonoï jesewa ñanerëtara judío reta pe,” jei Pablo chupe reta.

Hechos 18:5

Jokua ara reta rupi Silas jare Timoteo yuweru uwäe ɨwɨ Macedonia wi. Jayawe Pablo ueya iparawɨkɨ tëta wakapi pewa uyapo wae. Jare uñeñono tee umɨmbeu waerä Tumpa iñee jare wɨrowiaka waerä judío reta pe kërái Jesús ko jae Cristo jei chupe reta wae.

Hechos 23:11

Jare jokua pɨ̈tu yandeYa uyekuaa Pablo pe jare jei chupe: “Iñemɨatangätu,” jei. “Chemɨeräkua ma Jerusalén pe. Jare añawe chemɨeräkuata ko wi tëta wasu Roma pe,” jei chupe.

Hechos 3:15

Jare jukuärái piyukaka tekowe iYa etei,” jei. “Erëi yepe tëi piyukaka, jesewe Tumpa umbɨjekowe ye ueru umanokue wae reta ipɨte wi. Jare kua ore nduecha oreresa pe etei,” jei chupe reta.

Hechos 4:20

“Echa’ä ore imeta ko jekuaeño numɨmbeu ïru wae reta pe ore nduecha wae jare nduyandu wae,” jei chupe reta.

Hechos 4:33

Jare mbaepuere tuicha wae rewe Jesús jemimboe tenondewaete reta jekuaeño umɨeräkua Jesús rewa kërái Tumpa umbɨjekowe ye ueru umanokue wae reta ipɨte wi. Jare Tumpa ipɨakawiete rupi omborɨ opaete Cristo re wɨrowia wae reta.

1 Pedro 5:1

Añawe pe Cristo re perowia piko wae reta, che aipota ambɨarakuaa petenondewa reta kuärái: Che ko jae peparawɨkɨ ïru. Jare che aecha cheresa pe etei kërái Cristo uiporara yanderé. Jare Cristo ou ye yawe imbaepuere jembipete rewe, che wi ayerowiata pe reta ndiwe. Jáeramo che pumɨñera

1 Pedro 5:12

Kua mbowɨño ma aikuatía pewe pumɨkɨrëɨ waerä, jare araaka aï pewe hermano Silvano ndiwe. Jae ko kuimbae arowia katu jese wae. Opaete kua aikuatía pewe wae rupi aipota pikuaa waerä Tumpa ipɨakawi añetete ko. Piñemɨmɨräta jese.

1 Juan 4:14

Jare jokuaño’ä ko. Jae nunga wi yandeRu Tumpa ombou Taɨ ɨwɨ pe uepɨ waerä ɨwɨ pewa reta. Jukuärái ore nduecha ma, jare jukuäraiete wi ore nduikuaaka noï opaete wae pe.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.