San Juan 15:26 - Biblia

²⁶ “Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

Guaraní Pe (Western): Simba

²⁶ Ẽrei ambouta peve cheRu ico vae güi pembɨpɨacatuta vae - jae co Espíritu Santo añete vae re imiarita vae. Jae ou yave, chemɨmbeuta co —jei—.

San Juan 15:26 Iomraidhean Croise

San Lucas 24:49

Erëi imeta mbae rani uyeyapo pewe,” jei chupe reta. “Mase, che ambouta aï pewe Espíritu Santo cheRu jei umeeta oï pewe wae. Jae outa ara wi pemɨmbaepuere waerä. Erëi pepɨtata ko kua tëta wasu Jerusalén pe jokua mbaepuere penoi rewa.” Jukuärái Jesús jei jemimboe reta pe.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

San Juan 16:7

“Erëi che tae pewe añetete wae, ikawita ko pewe che a ye waerä. Echa’ä che a yewɨ'ä yawe, ndarau ou pewe jokua Oporomborɨ wae. Erëi a ye yawe, ambouta pewe ara wi,” jei chupe reta.

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

Hechos 1:4

Pëti ara Jesús iko jemimboe tenondewaete reta ndiwe ñaipe Olivorenda jee wae pe, jare jei chupe reta: “Awɨye peë rani tëta wasu Jerusalén wi,” jei. “Peärota ko joko pe cheRu Tumpa umee pewe rewa jokua jae jei umeeta oï pewe wae,” jei. “Che amɨmbeu ma pewe jokua rewa tenonde yawe, jare añawe ou ma uwäe oï uyeyapo waerä jokua.

Hechos 15:8

“Tumpa uikuaa opaete wae ipɨa pe oï wae. Jare jae uechaka uyerowia ko umae jese reta wae, echa’ä umee wi chupe reta Espíritu Santo yandewe umee wae rami,” jei.

Hechos 5:32

“Jare opaete kua ore nduecha oreresa pe etei. Jare Espíritu Santo wi uikuaaka oï opaete jokua añetete wae ko. Echa’ä Tumpa umee oï Espíritu Santo opaete uyapo jae jei wae rupi wae reta pe.” Jukuärái jei Pedro chupe reta.

1 Corintios 1:6

Jukuärái piyekou peï, jare jukuärái rupi Tumpa uikuaaka oï opaete wae pe añetete ko jokua ñee Cristo rewa ore numɨmbeu pewe wae.

Hebreos 2:4

Jare Tumpa etei uikuaaka jokua jae reta jei wae añetete ko. Echa’ä jae etei umee chupe reta ipuere waerä jae reta uyapo mbaembae opa kërái raí rupi kuimbae retaño ipuere’ä uyapo wae. Jae nunga wi Espíritu Santo umee mbaepuere ambɨe ye ye wae reta jokua ñee re wɨrowia wae reta pe kërái Tumpa uipota wae rupi.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.