San Juan 15:25 - Biblia

²⁵ Erëi kua uyeyapo ñotái ko, echa’ä uyekuatía oï Tumpa iñeerɨru jae reta umɨngeta tëi wae pe kuärái: ‘Cheamɨtäa reta chereko mbae rewe.’ Jukuärái uyekuatía oï,” jei Jesús chupe reta.

Guaraní Pe (Western): Simba

²⁵ Cua uyapo reta uyeyapo vaerã mboroyocui pe uyecuatía oĩ vae. Echa'ã uyecuatía oĩ cuarãi: ‘Jae reta chemɨtarẽɨ mbaetɨ mbae icavi mbae vae ayapo chupe reta reve.’ Jucuarãi uyecuatía oĩ —jei—.

San Juan 15:25 Iomraidhean Croise

Salmo 69:4

Chea rami jetaete ye ko cheamɨtäa wae reta chereko mbae rewe. Jetaete ye ko cherowaicho uipota chererukachi wae reta, erëi chereko mbae rewe. Iyapu rewe uñeapo reta cheré amee yewɨ waerä mbaembae añomi mbae wae.

San Mateo 10:8

“Jae nunga wi pemɨnguera imbaerasɨ wae reta jare ipire okui wae reta. Pembɨjekowe ye wi umanokue wae reta. Jare pemoë pemombo aña reta kía re uyembɨiya wae wi,” jei. “Che amee ma pewe kua mbaepuere jepɨ mbae rewe. Jáeramo pe reta awɨye pekowara kía pe pemborɨ wae re,” jei chupe reta.

San Lucas 24:44

Joko wi jei chupe reta: “Pemandúa kawi peï, che aiko yawe pe reta ndiwe, che amɨmbeu pewe kua mbaembae uyeyapota iko chewe wae,” jei. “Che jae pewe imeta ko uyeyapo chewe opaete Moisés arakae uikuatía cheré wae, jare jae nunga wi jokua ïru kuimbae reta Tumpa iñee arakae umɨmbeu wae uikuatía cheré wae, jare salmo reta pe wi,” jei chupe reta.

San Juan 10:34

Jayawe Jesús jei chupe reta: “Pe reta etei ime penoi Tumpa iñeerɨru, jare joko pe uyekuatía oï kuärái: ‘Che jae pe reta ko jae tumpa reta.’ Jukuärái uyekuatía oï.

San Juan 13:18

“Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

San Juan 19:36

Arakae rupi Tumpa iñee umɨmbeu wae reta uikuatía Upuruepɨ wae imano rewa kuärái: “Ndarau omopë reta chuwi pëti awe ikäwe.”

Romanos 3:19

Yaikuaa ñaï kua uyekuatía oï Tumpa iñeerɨru pe wae uyemɨngeta oï yande judiorä yaiko wae reta re wi. Jare uyekuatía oï jukuärái awɨye waerä yandepuere yayerepɨ Tumpa jowai. Añetete kua ñee reta rupi yaikuaa yande ñanoi teko Tumpa jowai, opaetei yande judío jare judío mbae yaiko wae reta wi.

Romanos 3:24

Añetete jokua teko yareko wae ñaneapɨ̈ti iko rami jare yanembɨtɨrɨrɨ iko rami Tatawasurenda kotɨ. Erëi Tumpa ipɨakawi rupi umae yanderé yandereko mbae wae rami yambɨepɨ mbae chupe rewe. Echa’ä Jesucristo opa ma umbɨepɨ mbaembae yayawɨ Tumpa kotɨ wae jare jukuärái yandeyora chuwi.

2 Corintios 11:7

Che amɨmbeu yawe pewe ñee ikawi wae Tumpa wi ou wae, akowara’ä etei pewe mbae re awe. Jayawe amokue wae reta chererɨ̈ro. Jae reta jei tëi: “Opaete jokua ikawi oporomboe wae reta okowara ko,” jei reta. Erëi añetete akowara’ä añemee añemɨmichi rewe pe reta piyembutuichaka waerä. ¿Mbae kachi yerá jokua?

Gálatas 2:21

Tumpa ipɨakawiete chewe, jare jokua che arɨ̈ro’ä etei. Echa’ä jokua rupiño ko yandepuere yayeapɨkatu Tumpa ndiwe. Añetete yawe yandepuere yayembujupika Tumpa kotɨ Moisés arakae uikuatía wae rupi, jayawe Cristo imano usiriwe’ä etei ko yandewe.

2 Tesalonicenses 3:8

Jare ndueka’ä pewe oremɨngaru waerä. Ore täta nduparawɨkɨ ara rupi jare pɨ̈tu rupi awɨye waerä kía uyembɨpɨa’ä oreré.

Apocalipsis 21:6

“Añawe opaete mbaembae che jae wae opa ma uyeyapo,” jei. “Che ko jae Alfa jare Omega jee wae. Che ko jae iyɨpɨete wae jare iyapɨete wae. Ime yawe kía iɨwe wae, che ameeta chupe jou waerä ɨ tekowe umee wae ɨwororo wi oë wae jepɨ mbae,” jei.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.