San Juan 15:22 - Biblia

^22-24 “Che ayu jare aikuaaka kawi ma chupe reta tëi Tumpa rewa. Jare che aechaka tëi ma chupe reta mbaembae kiawe ipuere’ä uyapo wae. Erëitu yepe tëi uecha reta jare uyandu reta, jesewe cheamɨtäañoi reta. Jáeramo ime onoi reta teko jare ndarau etei ipuere uyerepɨ reta Tumpa jowai,” jei chupe reta. “Jare cheño’ä ko cheamɨtäa reta. Jae reta uñamɨtäa wi cheRu. Echa’ä kía cheamɨtäa wae, uñamɨtäa ko wi cheRu. Jáeramo jae reta tuicha onoi teko.

Guaraní Pe (Western): Simba

²² Ayu'ã yave mona chemiari vaerã chupe reta, ndarau tẽi teco güɨnoi. Ẽrei añave opaete vae ipuere uicuaa jae reta co teco güɨnoi —jei—.

San Juan 15:22 Iomraidhean Croise

San Lucas 12:46

“Jayawe pëti ara jokua karái ou yeta uwäe ipɨranoe pewa jëta pe. Jare uiporarakata jokua uyeyokui wae pe, jare joko wiwe ndarau ye wɨrowia katu jese,” jei chupe reta.

San Juan 12:48

“Erëi jokua chererɨ̈ro wae reta jare chiñee wɨrowia mbae wae reta onoita ko teko ara taɨkuewa pe jae reta uyemboɨ yawe cheRu jowai. Añetete, cheRu umbɨjekota reta chiñee jae wae rupi etei,

San Juan 16:9

“Jae uikuaaka kawita chupe reta mbae kachi wae ko Tumpa jowai chererɨ̈ro ma reta wae.

San Juan 19:11

Jare Jesús jei chupe: “Jukuärái tëi añetete. Erëi ndarau etei mbaepuere nenoi cheré Tumpa umaeño’ä nderé yawe. Añawe nde ime nenoi teko kua mbae uyeyapo oï chewe wae re. Erëi uasaete teko onoi jokua kuimbae chemee ndewe wae,” jei chupe.

San Juan 9:41

Jayawe Jesús jei chupe reta: “Pe reta moná pikuaa yawe peresa mbae peï Tumpa kotɨ wae, jayawe teko penoi Tumpa kotɨ wae opata tëi uyembái pewi. Erëi pe reta pere peyupe, ‘Ore numae kawi noï,’ pere tëi. Jáeramo jokua jeko pewa imeño teko penoi Tumpa jowai,” jei Jesús fariseo reta pe.

Hechos 17:30

“Ɨma ma Tumpa ipɨawasu iko chupe reta, echa’ä jae reta uikuaa’ä yureko kërái ko Tumpa wae. Erëi añawe jae jei oï opaete wae pe yaeya waerä yandepɨayemɨngeta jupi mbae wae Tumpa rewa.

Romanos 1:20

Añetete ko, mbaetɨ kiawe ipuere uecha Tumpa. Erëi opaete mbaembae yaecha wae Tumpa ko uyapo. Jayawe ɨwɨ uyembɨpɨ wiwe, ɨwɨ pewa reta uikuaa Tumpa rewa kërái jae mbaembae uyapo wae rupi. Yandepuere yaikuaa kërái ko imbaepuere opa mbae wae jare jaeño ko Tumpa wae. Jáeramo kiawe ipuere’ä jei: “Che aikuaa’ä aiko Tumpa rewa,” jei waerä.

Romanos 2:1

Aramoi imeta kía ipuere jei yandewe jupi ko Tumpa uiporaraka waerä jokua jeko kachi wae reta pe. Erëi che tae jukuärái uyemɨngeta wae pe kuärái: Nde ndere yawe jukuärái, ndiyembɨjeko ma ko neï wi, echa’ä nde ndiyapo wi ko jokua nunga etei teko ikawi mbae wae. Jáeramo jupi ko Tumpa uiporaraka waerä ndewe wi, ipotawe wae rami ko nde wi.

Santiago 4:17

Pemandúa kawi kua re: yaikuaa yawe mbae ikawi yayapo waerä wae, erëi yayapo’ä yawe, yayawɨ ma ko Tumpa kotɨ.

1 Pedro 2:16

Tumpa peyora ma ko pereko kachi wae wi. Añawe pe reta ko jae Tumpa pe piyeyokui wae reta. Jáeramo piko mii jukuärái. Awɨye pere peyupe kuärái: “Tumpa cheyora ma. Jáeramo chepuere ayapo mbae kachi wae chepɨawiwe rewe.” Awɨye pere jokua.