San Juan 15:21 - Biblia

²¹ “Erëi jae reta uiporarakata pewe cheré perowia ramo, echa’ä uikuaa’ä reta kía ko chembou wae,” jei chupe reta.

Guaraní Pe (Western): Simba

²¹ Ẽrei upurugüɨrovia mbae vae reta uyapota peve opaete cua mbaembae cheré perovia ramo. Echa'ã jae reta uicuaa'ã chembou vae —jei—.

San Juan 15:21 Iomraidhean Croise

San Mateo 10:18

Jare cheré perowia ramo, pereraata wi mburuwicha reta jare mburuwicha wasu reta jowai pembɨjeko reta waerä. Erëi jokoropi jëwata pewe pemɨmbeu kawi waerä chupe reta jare judío mbae wae reta pe wi che rewa,” jei.

San Mateo 10:22

“Jare cheré perowia ramo, opaete seri peamɨtäata. Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei chupe reta.

San Mateo 10:39

“Jayawe ime yawe kía jaeño uyembɨpɨa’ä uepɨ waerä tëi jekowe kua ɨwɨ pewa re, umɨkañɨta iyuwi jekowe opa mbae wae ipuereta tëi onoi wae. Erëi kía umee jekowe chereko pewa wae, yepe tëi umano, erëi onoita tekowe opa mbae wae,” jei Jesús chupe reta.

San Mateo 24:9

“Jokua ara reta rupi perowaicho reta pepɨsɨta jare pereraata mburuwicha reta pe. Jare jae reta uiporarakata pewe jare peyukata wi. Jare cheré perowia ramo, opaete seri peamɨtäata,” jei.

San Mateo 5:11

“Jare pe reta perowia cheré ramo, ïru wae reta uiporarakata oï pewe jare jeita mbaembae kachi wae pekotɨ. Ipotawe ikawi mbae wae jeita reta pekotɨ iyapu rewe. Erëi jukuärái uyapo reta pewe yawe, piyekouete peï.

Marcos 13:13

“Jare cheré perowia ramo, opaete seri peamɨtäata. Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei chupe reta.

San Lucas 21:12

“Erëi ndei kua mbaembae uyeyapo mbowe, ïru wae reta pepɨsɨta jare uyapota ikawi mbae wae pewe cheré perowia ramo,” jei. “Echa’ä jae reta pereraata itupao reta pe pembɨjeko waerä joko pe. Jare peñonota reta peresorɨru pe. Jare pereraata reta wi mburuwicha reta jare mburuwicha wasu reta jowai pembɨjeko reta waerä,” jei.

San Lucas 21:17

Jare cheré perowia ramo, opaete seri peamɨtäata,” jei.

San Lucas 6:22

Jare che kuimbaerä ayeyapo wae, pe reta perowia cheré ramo, ïru wae reta peamɨtäata ñonoï jare pemombota reta iyuwi. Jare jeita reta mbaembae kachi wae pekotɨ, jare jeita pewe reta: ‘Añawasu ko.’ Erëi jukuärái uyapo reta pewe yawe, piyekoueteta peï kuri.

San Juan 16:3

“Kua uyapota pewe reta, echa’ä jae reta chekuaa’ä jare uikuaa’ä wi cheRu.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 8:19

Jayawe jae reta jei chupe: “¿Kiape pa oï nderu?” jei reta chupe. Jayawe Jesús jei: “Pe reta chekuaa’ä jare pikuaa’ä wi cheRu. Añetete pe chekuaa yawe, pikuaata tëi ko wi cheRu,” jei chupe reta.

San Juan 8:54

Jayawe Jesús jei chupe reta: “Che ayembutuicha’ä aï cheiño. Echa’ä che ayembutuicha yawe cheiño, jokua mbae’ä etei ko. CheRu ko chembutuichaka oï. Jare jae ko pe reta ‘oreRu Tumpa’ pere tëi chupe wae.

San Juan 8:55

Erëitu pe reta pikuaa’ä Tumpa. Che aikuaa ko. Che jae yawe, ‘Aikuaa’ä,’ chaputa tëi ko pe reta papu rami. Erëi che aikuaa ko, jare ayapo aï jae jei wae rupi,” jei chupe reta.

Hechos 17:23

“Echa’ä awata aiko rambuewe tëta wasu rupi, aecha jeta ambɨe ye ye petumpa reta pe uñeñono tee oï yembɨadorarenda reta,” jei chupe reta. “Jare aecha wi pëti mbaerenda ambɨe ye wae. Echa’ä uyekuatía oï jese kuärái: ‘TUMPA YAIKUAA MBAE WAE PEWARÄ.’ Jukuärái uyekuatía oï jese. Jáeramo jokua Tumpa pe reta pikuaa mbae wae rewe pipɨu chuwi wae, añawe aipota amɨmbeu kawi pewe jesewa,” jei chupe reta.

Hechos 26:9

“Che wi arowiase tëi ikawi ko ayapo waerä chepuere wae rupi arukachi waerä Jesús Nazaret pewa jee.

Hechos 3:17

Jare jei chupe reta wi: “Añawe cherëtara reta, aikuaa pe reta jare pemburuwicha reta ndiwe piyapo kua ikawi mbae wae pikuaa mbae rewe,” jei.

Hechos 4:17

Erëi yayopiata ko chuwi reta awɨye jekuaeño jeräkua waerä. Jayawe yaeta ko chupe reta jae reta jekuaeño oporomboe yawe Jesús jee re, yaiporarakata chupe reta,” jei reta iyupe.

Hechos 5:41

Jayawe Jesús jemimboe tenondewaete reta oë ye yuraa joko wi. Jare uyerowiaete reta, echa’ä Tumpa umee chupe reta ipuere waerä uiporara Jesús re wɨrowia reta wae re.

Hechos 9:14

“Jeräkua wi chewe sacerdote itenondewa reta umee ma chupe mbaepuere orepɨsɨ waerä, opaete nderé ndorowia wae reta kua tëta wasu pe noï wae, jare oreñonoka waerä peresorɨru pe,” jei Ananías chupe.

Hechos 9:16

Jare che etei aikuaakata chupe kërái jae uiporaraeteta chewe uyeyokui oï wae re.” Jukuärái yandeYa jei Ananías pe.

Romanos 1:28

Jayawe opaete wae uikuaa tëi yureko Tumpa rewa, erëi jesewe opaete seri opa umbɨsɨrɨ iyuwi jokua arakuaa. Jáeramo Tumpa ipɨatɨtɨ rewe opa ueya reta uyemɨngeta reta waerä ipɨa pe opaete mbaembae ikawi mbae wae re. Jare jokua jeko pewa jae reta añawe rewa jekuaeño uyapo opaete mbaembae ikawi mbae wae Tumpa jowai.

1 Corintios 15:34

Piko ye arakuaa katu añetete wae rupi, jare awɨye jekuaeño piyawɨ Tumpa kotɨ. Chemaerä ime chawaa amokue pe reta ndeiño pikuaa Tumpa. Jukuärái che jae pewe pumɨmaraka waerä.

1 Corintios 2:8

Añetete mbaetɨ pëti awe mburuwicha yepe kua arakuaa uikuaa wae. Echa’ä mburuwicha reta kua uikuaa yawe, ndarau tëi uyukaka reta kurusu re yandeYa imbaepuere wae yambutuicha wae.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

1 Juan 3:1

Mase, kërái etei ra ko yandeRu Tumpa yanderau, echa’ä jae jei yandewe, “Cheraɨ retarä ko.” Jare jokua ko jae yande reta. Erëi kua ɨwɨ jeko rupi yureko wae reta uikuaa’ä kía ko yande wae, echa’ä uikuaa’ä reta yandeRu Tumpa ramo.

3 Juan 1:7

Echa’ä jae reta ueya jëta yuraa umɨmbeu waerä Jesucristo rewa. Jare jae reta ueka’ä ñonoï yemborɨ Tumpa re wɨrowia mbae wae reta pe.

Apocalipsis 2:3

Jare che aikuaa wi perowia cheré ramo, täta piporara jare pemɨawäta pekueri mbae rewe. Opaete kua ikawi ko.