San Juan 15:2 - Biblia

² “Opaete jäka ía mbae oï cheré wae reta, cheRu uyasɨata. Jare opaete jäka ía oï cheré wae reta, cheRu uitɨota jare oyoeta taɨkue rupi ía kawiete waerä,” jei chupe reta.

Guaraní Pe (Western): Simba

² Opaete jãca ía mbae vae reta cheRu uyasɨata. Jare opaete jãca ía vae reta jae uitɨota, jeta ía vaerã —jei—.

San Juan 15:2 Iomraidhean Croise

San Mateo 13:12

Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa. Jae iyarakuaa katuta ko. Erëi ime yawe kía uipota’ä uyapɨsaka añetete re wae, jokua jae uikuaa tëi michi mii yepe chiñee wae, jokuawe uñepɨ̈rota chuwi,” jei chupe reta.

San Mateo 13:33

Jare Jesús uyemɨngeta ye umbɨjaanga rewe uyembatɨ wae reta pe. Jei chupe reta: “Jae nunga wi yandepuere yambɨjaanga ye kërái Tumpa imbaepuere mburuwicha wasu pewa jekuaeño uyekuaa oo oï. Jae ko levadura kuña umbɨyea jeta katu harina ndiwe wae rami,” jei. “Echa’ä kuña opa ma masa omona kawi yawe, levadura opa ma uyembɨyea kawi opaete masa rupi,” jei chupe reta.

San Mateo 15:13

Jayawe Jesús jei chupe reta: “Jae reta oporomboe wae temitɨ rami ko. Erëi jae’ä ko temitɨ cheRu ara pe oï wae oñotɨ wae. Jare pëti ara Tumpa omondorokata oï,” jei.

San Mateo 21:19

Jare uecha tape jembeɨ pe pëti ɨwa. Jayawe oo tëi umae jese. Erëi mbaetɨ ía; jaeño jokɨ. Jayawe jei ɨwa pe: “Kua wiwe ndarau ye ma ndeía,” jei chupe. Jare jupiwoiño ɨwa opa utini.

San Mateo 25:29

Echa’ä kía uiporu kawi yawe jokua jae ime onoi wae, uñemɨïruta ko chupe jare jae uyekoueteta. Jae ramiño wi kía mbaetɨ uiporu kawi yawe jokua jae ime onoi wae, jare yepe tëi mbowɨ mii ime onoi yawe, jokuawe uñepɨ̈rota ko chuwi,’ jei.

San Mateo 3:10

“Koiño ma oï Tumpa uiporaraka waerä opaete uyawɨ ikotɨ wae reta pe. Pe reta pikuaa kawi peï pëti ɨwɨra ía kawi’ä yawe, iya uitɨta jare uapɨta. Jare jukuäraiete wi Tumpa uiporarakata oï opaete jeko kachi wae reta pe,” jei chupe reta.

San Mateo 3:12

“Jae ko kía trigo uipoo wae rami. Echa’ä trigo uipoo wae umbɨwewe trigo ɨtɨ ikotɨ̈a oo waerä chuwi, jare joko wi umbɨru trigo jɨru pe. Jae ramiño wi jokua outa oï wae umbɨsɨrɨta jupi wae reta jupi mbae wae reta wi,” jei chupe reta. “Jare kërái trigo uipoo wae uapɨ chuwi ɨtɨ tata pe, jukuärái wi jokua outa oï wae uiporarakata jupi mbae wae reta pe tata owe mbae wae pe.” Jukuärái Juan jei fariseo jare saduceo reta pe.

San Mateo 7:19

Jare temitɨ ía ikawi’ä yawe, temitɨ iya uyasɨata jare uapɨta,” jei.

Marcos 4:20

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta wɨrowia kawi jese ipɨa rewe. Jare Tumpa iñee uyembɨjapo kawi oï ipɨa pe ramo, uyekuaa jese reta Tumpa jeko ikawi wae. Amokue reta re uyekuaa kawi Tumpa jeko ikawi wae. Ïru wae reta re uyekuaa kawiete, jare ïru wae reta re uyekuaa kawiete ye,” jei. “Jukuärái ko ambɨjaanga rewe jae pewe wae,” jei Jesús jemimboe reta pe.

San Lucas 8:13

“Jae nunga wi amokue temitɨ oa itapɨte rupi mbowɨño ɨwɨ wɨreko wae re,” jei. “Kua uyembɨjaanga oï ïru wae reta Tumpa iñee uyandu wae re. Kua nunga reta jaeramo uyandu yawe, uyapɨsaka jese uyerowia rewe,” jei. “Erëi Tumpa iñee uyembɨjapo kawi’ä ipɨa pe ramo, michi pewaño wɨrowia reta. Yembɨawái ou chupe reta yawe, jayawe opia reta Tumpa jape wi,” jei chupe reta.

San Juan 15:1

Joko wi Jesús jei jemimboe reta pe umbɨjaanga rewe: “Che ko jae uva iyɨpɨ añetete wae. Jare cheRu ko jae uva iyandarekoa. Jare opaete cheremimboe reta ko jae uva jäka reta,” jei chupe reta.

San Juan 15:16

“Pe reta’ä ko cheparawo. Che ko puparawo, jare amee ma pewe mbarawɨkɨ – jae ko opaete kerupi peo wae rupi Tumpa jeko ikawi wae tuyekuaa jeta peré. Jare jekuaeño jukuärái tuiko. Jare jayawe cheRu uyapota oï pewe ipotawe mbae piyerure jese cheree re wae,” jei chupe reta.

San Juan 15:3

“Jare pe reta ko jae jokua uva jäka uyeyoe wae rami, echa’ä añawe che pomboe wae japo kawi ma pepɨa pe jare pekɨa mbae peï Tumpa kotɨ,” jei chupe reta.

San Juan 15:6

“Erëi ime yawe kía mbaetɨ jekuaeño uñemɨïru kawi che ndiwe wae, uyemombota pëti ɨwɨra jäka uyeyasɨa uyemombo wae rami. Jokua nunga jäka reta opa ma utini yawe, uyembatɨta jare uyemombota tata pe opa okai waerä,” jei chupe reta.

San Juan 15:8

“Jare jekuaeño piñemɨïru kawi yawe che ndiwe, uyekuaata oï peré Tumpa jeko ikawi wae. Jare jukuärái rupi uyekuaata pe reta ko jae cheremimboe reta wae. Jare jukuärái cheRu jee uyembutuichakata oï,” jei chupe reta.

San Juan 17:12

“Che aiko rambuewe jae reta ndiwe, ayandareko kawi jese reta jokua mbaepuere nde nemee chewe wae rupi. Amae kawi jese reta awɨye waerä pëti awe ukañɨ ndewi. Erëi ime oï kua reta ipɨte pe kía jaeño mái pewa uiporarata oï Tatawasurenda pe wae, echa’ä niñee pe uyekuatía oï jokua uasa ñotái ko,” jei.

Romanos 11:17

Erëi añawe pe judío mbae piko wae reta, piyekou peï Tumpa ipɨakawi re, echa’ä Tumpa peñono jeta judío reta jendakue pe. Kua yandepuere yambɨjaanga pëti temitɨ ikawi wae olivo jee wae re. Pe reta pikuaa yandepuere yayasɨa amokue temitɨ jäka reta, jare jokua jendakue pe yandepuere yamboya ye amokue olivo ñana rupiwa jäka reta. Joko wiwe jokua temitɨ ikawi wae iyaɨsɨ umbɨpɨ uasa ye jokua ɨwɨra jäka uyemboya wae reta rupi jare umee ye chupe reta tekowe. Jukuärái wi pe judío mbae piko wae reta jokua ɨwɨra jäka ambɨe wae reta rami ko. Echa’ä pe reta Abraham iñemoñaa pewa’ä ko. Jare jokua jeko pewa piyekou’äse mbaembae ikawi wae Tumpa uyapo judío reta pewarä wae re. Erëitu añawe opaete seri judío reta wɨrowia’ä Jesucristo re ramo, pe reta piyekou peï jokua mbaembae re jae reta ipepɨka pe.

Romanos 11:22

Añawe aipota pe reta pepɨa pe piyemɨngeta waerä mokui mbae re. Pëti ko jae Tumpa uiporaraka jokua judío reta pe jae reta wɨrɨ̈ro Jesucristo ramo. Erëi ïru wae ko jae kua: Jae uechaka oï ipɨakawi pe judío mbae piko wae reta pe. Erëitu pe reta mbaetɨ yawe jekuaeño piyeko jae ipɨakawi re, pikota ɨwɨra jäka kía uyasɨa omombo wae rami.

Romanos 8:28

Jare yande Tumpa yaau wae reta yaikuaa ko Tumpa uparawɨkɨ oï opaete mbaembae uyeyapo oï yandewe wae rupi ikawi waerä yandewe. Jukuärái Tumpa uyapo oï, echa’ä jukuärái rupi uyeyapota oï ipɨayemɨngeta yanemaerä wae. Jokuaerä ko jae ñanereni.

1 Corintios 13:1

Aramoi chepuere ayemɨngeta ambɨe ye ye ñee reta pe, jare araɨwa reta iñee pe awe aramoi. Erëi che apuruau’ä yawe, chiñee ko ïru wae reta pe käpana jɨapu pɨi oï wae rami jare platillo täta uyendu pochɨño wae rami.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

Hebreos 12:15

Piyandareko kawi piyé awɨye waerä kía pepɨte pe oï wae uyerowa Tumpa ipɨakawi wi. Jare awɨye pemaeño mbaembasɨ re ukuakuaa waerä pepɨte rupi jare jukuärái umbɨawái waerä jeta wae reta. Echa’ä pemaeño jese yawe, jeta wae reta ikɨata Tumpa kotɨ.

1 Juan 2:19

Jae reta uyembatɨse yande ndiwe añetete wae nunga. Erëitu opa ma usɨrɨ reta yandewi. Jae reta uñemɨïru’ä añetete rewe yande ndiwe. Jae reta añetete uñemɨïru yande ndiwe yawe, jekuaeñota tëi yureko yande ndiwe. Erëi opa usɨrɨ reta yandewi. Jukuärái yaikuaa jae reta mbaetɨ ko yande rami, echa’ä jae reta Tumpa pewa’ä ko.

Apocalipsis 3:19

Jukuärái che jae, echa’ä che ambɨeta jare aiporaraka au wae reta pe ambɨarakuaa waerä. Jáeramo peya pepɨayemɨngeta jupi mbae wae jare piyeyokui chewe peratangätu rewe.