San Juan 15:19 - Biblia

¹⁹ “Pe reta piko yawe jae reta rami, jae reta perauta tëi. Erëi pe reta mbaetɨ ma ko peï jae reta rami, echa’ä che puparawo ma jae reta ipɨte wi piko waerä chemaerä. Jokua jeko pewa ko jae reta peamɨtäa,” jei chupe reta.

Guaraní Pe (Western): Simba

¹⁹ Pico yave mona upurugüɨrovia mbae vae reta yugüɨreco rami, upurugüɨrovia mbae vae reta perauta tẽi. Ẽrei che puparavo ma upurugüɨrovia mbae vae reta ipɨte güi. Jáeramo pico'ã ma upurugüɨrovia mbae vae reta yugüɨreco rami. Jáeramo piñemɨtarẽɨca upurugüɨrovia mbae vae reta pe —jei—.

San Juan 15:19 Iomraidhean Croise

San Mateo 10:22

“Jare cheré perowia ramo, opaete seri peamɨtäata. Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei chupe reta.

San Mateo 24:9

“Jokua ara reta rupi perowaicho reta pepɨsɨta jare pereraata mburuwicha reta pe. Jare jae reta uiporarakata pewe jare peyukata wi. Jare cheré perowia ramo, opaete seri peamɨtäata,” jei.

San Lucas 6:32

“Erëi pe reta peau yawe jokua perau wae retaño, ¿jokua re umɨñatimata ra pewe ikawi wae Tumpa? Ndarau. Echa’ä jeko kachi wae reta wi uyapo jukuärái,” jei.

San Juan 13:18

“Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

San Juan 15:16

“Pe reta’ä ko cheparawo. Che ko puparawo, jare amee ma pewe mbarawɨkɨ – jae ko opaete kerupi peo wae rupi Tumpa jeko ikawi wae tuyekuaa jeta peré. Jare jekuaeño jukuärái tuiko. Jare jayawe cheRu uyapota oï pewe ipotawe mbae piyerure jese cheree re wae,” jei chupe reta.

San Juan 6:70

Jayawe Jesús jei chupe reta: “Che etei ko puparawo pe doce wae reta. Erëitu ime pëti pepɨte pe aña pe uyeyokui oï wae,” jei.

Santiago 4:4

Tumpa peñono tee ma jae imaerä piko waerä. Jae umenda rami ko pe reta ndiwe. Erëi pe reta awasa uyapo wae rami ko. ¿Pikuaa’ä yerá kua ɨwɨ pewa reta opaete seri oyowaicho ñonoï Tumpa kotɨ wae? Jare ¿pikuaa’ä yerá kía uipɨsɨ jae reta jeko yawe, jae uyembowaicho ko oï Tumpa kotɨ? Jáeramo kía uipota iko yawe kua ɨwɨ jeko rupiño, jae uyeyapo ko oï Tumpa jowaichorä.

1 Pedro 4:3

Pe reta ɨma rupi piyapose Tumpa re wɨrowia mbae wae reta ikawi echa chupe wae. Jetaete ma piyapo. Piyapose mbaembae perete uipota uyapo wae rupi, jare awasa rupi, jare sawɨpo rupi. Piyapose arete jare kau wasu opa mbaembae uasa wae. Jare yepe tëi tumparaanga reta kachi ko Tumpa jowai, erëi pembɨadorase jese reta. Erëi añawe peya ma ko jokua mbaembae.

1 Juan 3:12

Awɨye yaiko Caín rami. Caín Añawasu pewa ko jare uyuka tɨwɨ. Jare ¿mbae jeko pewa ra uyuka? Echa’ä Caín jeko kachi ko, erëi tɨwɨ uyapo jupi wae.

Apocalipsis 12:17

Jayawe dragón pochɨete upɨta kuña pe, jare oo uñeräro waerä kuña iñemoñaa reta ndiwe – jae reta ko Tumpa jei wae rupi yureko wae reta jare Jesús rewa jupi umɨmbeu wae reta.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.