San Juan 15:16 - Biblia

¹⁶ “Pe reta’ä ko cheparawo. Che ko puparawo, jare amee ma pewe mbarawɨkɨ – jae ko opaete kerupi peo wae rupi Tumpa jeko ikawi wae tuyekuaa jeta peré. Jare jekuaeño jukuärái tuiko. Jare jayawe cheRu uyapota oï pewe ipotawe mbae piyerure jese cheree re wae,” jei chupe reta.

Guaraní Pe (Western): Simba

¹⁶ Pe reta cheparavo'ã. Che co puparavo. Jare amee ma peve mbaepuere peo vaerã piyapo icavi vae Tumpa peguarã, jare jecuae jucuarãi piyapo vaerã. Cua ayapo cheRu umee vaerã peve ipotave piyerureta chupe jese cheree re vae —jei—.

San Juan 15:16 Iomraidhean Croise

Génesis 18:18

Echa’ä Abraham iñemoñaa reta rupi ayapota aï pëti tëta wasu tuicha wae jare imbaepuerete wae. Abraham rupi opaete ɨwɨ pewa reta uyekouta.

San Mateo 21:22

“Jare pipota yawe Tumpa ipotawe mbae uyapo waerä pewe, piyerure Tumpa pe jese. Jare perowia kawi Tumpa uyapota oï pewe yawe, jayawe uyapota ko,” jei Jesús jemimboe reta pe.

San Mateo 7:7

Jayawe Jesús jei wi chupe reta: “Mbae uata oï pewe yawe, piyerureñoi Tumpa pe jese. Pekañoi chupe jare jae umeeta pewe. Piyerure chupe kía öke pe ueni pɨi oï wae rami, jare jae uipeata pewe,” jei.

San Lucas 6:13

Jare köe ma yawe, umbatɨka jemimboe reta. Jayawe jae reta ipɨte wi Jesús uiparawo doce kuimbae reta. Jare taɨkue rupi jae omondota iko reta jae jee re umɨmbeu waerä Tumpa iñee.

San Juan 13:18

“Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

San Juan 15:19

“Pe reta piko yawe jae reta rami, jae reta perauta tëi. Erëi pe reta mbaetɨ ma ko peï jae reta rami, echa’ä che puparawo ma jae reta ipɨte wi piko waerä chemaerä. Jokua jeko pewa ko jae reta peamɨtäa,” jei chupe reta.

San Juan 15:5

“Che ko jae uva iyɨpɨ rami, jare pe reta ko jae jäka reta rami. Jekuaeño piñemɨïru kawi yawe che ndiwe, uyekuaata oï peré Tumpa jeko ikawi wae, echa’ä che jekuaeño aïta pe reta ndiwe pomborɨ waerä. Añetete pe retaiño ndarau pepuere piyapo mbae ikawi wae Tumpa pewarä che pomborɨ mbae rewe,” jei chupe reta.

San Juan 6:70

Jayawe Jesús jei chupe reta: “Che etei ko puparawo pe doce wae reta. Erëitu ime pëti pepɨte pe aña pe uyeyokui oï wae,” jei.

Hechos 1:24

Jayawe uyerure reta Tumpa pe kuärái: “OreRu Tumpa, Judas opia kua mbarawɨkɨ wi ikawi mbae wae uyapo ramo, jare oo ma jendarä jae uiparawo wae pe. Nde ndikuaa opaete wae ipɨa. Echaka jayawe orewe kía nunga ra ndiparawo ma Judas ipepɨka pe kua mokui kuimbae ipɨte wi, jae oremborɨ waerä kua mbarawɨkɨ pe.” Jukuärái uyerure reta Tumpa pe.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

Hechos 10:41

“Uyekuaa’ä opaete judío reta pe, jaeño orewe. Añetete ore nduecha Jesús jare ndukaru jae ndiwe jae ikowe ye ma yawe. Echa’ä Tumpa oreparawo ma tenonde wiwe numɨmbeu waerä ïru wae reta pe ore nduecha wae. Jare ore nduecha ko Jesús ikowe ye ou umanokue wae reta ipɨte wi,” jei.

Hechos 22:14

“Jayawe jae jei chewe: ‘YandeRu Tumpa ndeparawo ma ndikuaa kawi waerä jae uipota uyapo wae, jare ndecha waerä jokua Jupiete wae, jare ndiyandu waerä iñee.

Hechos 9:15

Jayawe yandeYa jei chupe: “Ekuaño eowäiti Saulo,” jei. “Echa’ä che aiparawo ma uyeyokui waerä chewe. Amondota aï Saulo chekuaaka waerä judío mbae wae reta pe, jare imburuwicha reta pe, jare Israel iñemoñaa reta pe wi.

Romanos 1:13

Erëi, hermano mii reta, aipota pikuaa kawi waerä kua: Jeta wese ma aipota tëi a apou pepɨ, erëi jekuaeño mbae chembɨawái añawe ara rewa. Aipota pomborɨ pekuakuaa kawi waerä Tumpa kotɨ kërái ïru judío mbae wae reta amborɨ rami.

Romanos 1:5

Kua Jesucristo uyekuaaka chewe ipɨakawi rupi. Jare jukuärái Tumpa chemondo opaete ɨwɨ rupi amɨmbeu waerä opaete judío mbae wae reta pe, jae reta wi wɨrowia waerä yandeYa Jesucristo re jare jukuärái uyapo reta waerä Jesús jei wae. Jare kua mbarawɨkɨ ayapo aï Jesucristo jee uyembutuichaka waerä.

Romanos 15:4

Kua jare opaete ïru tenonde Tumpa iñeerɨru pe uyekuatía oï wae uyekuatía ko yanemboe kawi waerä. Tumpa iñee ñanemɨkɨrëɨ yandepuere waerä ñaäro yandepɨawasu rewe Tumpa jei yandewe wae.

Romanos 9:21

Yambɨjaanga yambɨi iyapoa re. Yambɨi uyapo wae ipuere uyapo ñau wi jae mbae uipota wae rupi. Echa’ä jae uipota yawe, ipuere uyapo pëti ñau wiño yambɨi ikawi maepöra wae upi waeräño. Jare ïru yambɨi ipuere uyapo wi uyeporu waeräño. Jukuärái ko yambɨi iyapoa reta.

1 Corintios 10:11

Jukuärái ko arakae jokua mbaembae uasa wae añawe ikawi yandewe yayemboe jese waerä. Jare uyekuatía oï yanembɨarakuaa waerä añawe rupi, yande reta awɨye waerä yayapo wi jokua nunga mbaembae.

Gálatas 1:15

Erëitu Tumpa ipɨakawiete chewe. Echa’ä ndei awe chesɨ wi aa mbowe, Tumpa chereni ma jare cheñono tee ma aiko waerä jae imaerä. Jare ikawi iko chupe

Efesios 2:10

¿Maera ra yayapo jayawe mbaembae ikawi wae? Mase, Tumpa umbɨpɨau ma yanderekowe jae yandapo pëti ramiño Cristo re yawe. Jare añawe yanderekowe uyembɨpɨau ma ramo, Tumpa uipota yayapo waerä mbaembae ikawi wae tenonde wiwe jae uipota yayapo waerä wae. Echa’ä jokuaerä ko Tumpa yandapo.

Colosenses 1:23

Erëi peï waerä jukuärái jae jowai, imeta ko jekuaeño perowia Jesucristo re. Pepɨrätata ko jese pëti tëta uwapɨ oï iwapɨka täta wae re rami. Jare awɨyeta ko peya jokua peäro peï perowia katu rewe wae ñee ikawi wae uikuaaka pewe wae – jae ko ñee ikawi wae pe reta piyandu wae jare añawe uyemɨmbeu oï opaete kerupi rupi wae. Jare che, Pablo, amɨmbeu aï wi jokua ñee jare jukuärái ayeyokui aï Tumpa pe.

Colosenses 1:6

Kua ñee ikawi wae uyemɨmbeu pewe wae jae nunga wi uyemɨmbeu oo oï opaete ɨwɨ rupi, jare jeta wae reta wɨrowia oï jese. Jare añawe uyeyapo oï chupe reta wi pewe uyeyapo wae rami. Echa’ä pe reta pemandúa kawi peï jaeramo piyandu yawe ñee ikawi wae, jare pikuaa yawe añetete ko Tumpa ipɨakawiete ye, ¿mbae pa uyeyapo pewe? Pe reta perowia jese, jare joko wiwe jokua ñee uparawɨkɨ oï pepɨa pe umbɨambɨe waerä perekowe jukuärái piyeyokui kawi waerä Tumpa pe. Jare jokua etei wi añawe uyeyapo oï opaete ɨwɨ rupi.

1 Timoteo 2:7

Jare Tumpa cheparawo jare chemondo jae jee re opaete kerupi amɨmbeu waerä iñee. Jare kua che jae aï wae añetete ko. Chapu’ä etei ko aï. Echa’ä Tumpa etei cheparawo amboe waerä judío mbae wae reta pe añetete wae rewa.

2 Timoteo 1:11

Jayawe Tumpa cheparawo, jare chemondo jae jee re etei amɨmbeu waerä jeta wae reta pe jokua ñee jare aporomboe waerä jese.

2 Timoteo 2:2

Nde ndiyandu jeta wae reta ndiwe yemboe añetete wae che jae wae. Jayawe jokua yemboe emɨmbeu yuapɨ ye kuimbae nderowia katu jese wae reta pe, jae reta ipuere waerä omboe yuapɨ ye ïru wae reta pe.

Tito 1:5

Che ndueya ɨwɨ Creta pe ndepuere opa ndiyapo waerä yandeparawɨkɨ opa’ä yayapo wae, jare nembɨjee waerä Cristo re wɨrowia wae reta itenondewa retarä opaete tëta wasu reta rupi. Jayawe kërái che jae ma ndewe rami, kía ikota pëti wae Cristo re wɨrowia wae reta itenondewarä wae tuechaka teko kawi. Jare tureko pëtiño kuña. Isambiaɨ reta torowia Cristo re jare awɨye tuyapo reta jete uipota wae rupiño. Tuyapo reta tu jare ichɨ jei wae rupi. Jukuärái yawe, ndarau kía umbɨjeko reta mbae re awe.

Hebreos 11:4

Yanemandúa kawi ñaï Abel re. Jae wɨrowia Tumpa jei wae re; jáeramo wɨraa mbaemɨmba uyuka umee Tumpa pewarä. Jare jukuärái umee chupe mbae ikawiete wae tɨkeɨ Caín mbae umee wae wi. Jáeramo Tumpa uikuaaka yandewe jae umae Abel re jeko mbae wae rami, jare uyemɨngeta kawi jokua Abel ueru umee chupe wae re. Jare yepe tëi Abel umano, erëi jae jeko imeño yanemboe oï añawe rewa kërái yarowia waerä Tumpa re.

Santiago 3:18

Ime yawe kía yeaka uyapɨkatu wae, jae ko kía temitɨ oñotɨ wae rami. Echa’ä kërái jokua temitɨ jeñɨta jare ukuakuaata oo oï jare iata, jukuärái wi yande yayapo yawe yandepuere wae rupi pëti ramiño yaiko waerä yandepɨakatu rewe, yandereko jekuaeño oya katuta oo oï jupi wae re.

1 Pedro 3:15

Pipɨu Cristo wi añetete rewe. Echa’ä jae ko peYa, jare jae ipo pe oï opaete mbaembae. Aramoi imeta kía upɨrandu pewe: “Maera pa pemae peï Tumpa kotɨ perowia katu rewe?” jeita. Jáeramo jekuaeño piyeyapɨkatuta ko peï pemɨmbeu chupe waerä. Erëi pemɨmbeuta ko chupe ñee kawi rewe jare pipɨu rewe.

1 Juan 4:10

Echa’ä Tumpa ombou Taɨ umano waerä mbaembae yayawɨ ikotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Yaipota yaikuaa yawe kërái yapuruau waerä añetete rewe, jokua re ko ikawi ñamae waerä. Awɨye ñamae yandiyé kërái yaau Tumpa wae re. Echa’ä yaau Tumpa wae ndarau etei omboyowake Tumpa yanderau wae.

1 Juan 4:19

Yande yaau ko Tumpa, echa’ä jae rani yanderau ramo.