San Juan 15:15 - Biblia

¹⁵ Ndarau ye ma jae pewe uyeyokui wae reta, echa’ä uyeyokui wae reta uikuaa’ä opaete mbaembae ipatrón uipota uyapo wae. Ipatrón uikuaaka’ä chupe reta opaete,” jei. “Erëi che aikuaaka ma pewe opaete cheRu uikuaaka chewe wae. Jáeramo añawe che tae pewe cheïru reta ko,” jei chupe reta.

Guaraní Pe (Western): Simba

¹⁵ Che jae'ã ma peve pe reta co cherembiocui reta. Echa'ã uyeyocui vae uicuaa'ã mbae ra uyapo ipatrón. Ẽrei che jae ma peve pe reta co jae cheamigo reta. Echa'ã opaete cheRu umɨmbeu cheve vae aicuaaca ma co peve —jei chupe reta—.

San Juan 15:15 Iomraidhean Croise

San Mateo 13:11

Jayawe Jesús jei chupe reta: “Tumpa imbaepuere mburuwicha wasu pewa umbɨpɨ ma uyekuaa kua ɨwɨ pe. Jare jokua re ko che amɨmbeu aï,” jei. “Tenonde yawe Tumpa uikuaaka’ä kía pe awe kua mbaembae rewa. Erëi añawe uñemee ma pewe pikuaa kawi waerä. Erëi ïru wae reta pe uñemee’ä uikuaa waerä.

San Lucas 10:23

Jayawe Jesús oï yawe jemimboe reta ndiweño, jei chupe reta: “Pe reta pecha ma mbaembae ikawiete wae. Jáeramo piyekouete peï,” jei.

San Juan 12:26

“Jayawe ime yawe kía uipota uyeyokui chewe wae, tuwata che ndiwe oï waerä che aï wae pe. Jare jukuärái uyapo yawe, cheRu umbutuichakata oï,” jei Jesús.

San Juan 13:16

“Yande yaikuaa kawi ñaï pëti pione ndarau uasa ipatrón jei wae iáramo rupi. Jae ramiño wi pëti ñeeruwataa ndarau uasa ombou wae jei wae iáramo rupi,” jei chupe reta. “Añawe che peYarä aï wae añemɨmichi ma pewe pëti uyeyokui wae rami. Jayawe jukuäraita ko pe reta wi piyapota ïru wae reta pe,” jei chupe reta.

San Juan 15:20

“Añetete jae reta peamɨtäata ñonoï. Pemandúa kawi, che jae ma pewe pëti pione ndarau uasa ipatrón iáramo rupi. Jayawe kërái uyapo chewe reta rami, jukuäraiete wi uyapota pewe reta. Jae reta uyapo yawe mbae kachi wae chewe, jukuäraiete ko uyapota pewe reta wi. Jare jae reta chiñee uipɨsɨ yawe, jukuäraiete ko uipɨsɨta reta piñee wi,” jei chupe reta.

San Juan 16:12

“Ime tëi che anoi jeta mbaembae aikuaaka pewe waerä. Erëitu jokua uasaete ma oï pe reta pikuaa kawi waerä aramoete,” jei chupe reta.

San Juan 17:26

“Che aikuaaka ma chupe reta nde rewa, jare jekuaeño che ayapota jukuärái jae reta cherau waerä kërái nde cherau rami. Jare jukuärái che etei aïta jae reta ndiwe. Jukuärái ko ayerure ndewe,” jei Jesús.

San Juan 20:17

Jayawe Jesús jei chupe: “Awɨye jekuaeño chepɨsɨ. Echa’ä ndei ayeupi cheRu oï wae pe,” jei chupe. “Erëi ekua emɨmbeu cherɨwɨ reta pe che ata ma aï cheRu oï wae pe – jae ko peRu wi. Jae ko cheTumpa jare peTumpa wi,” jei chupe.

San Juan 4:19

Jare kuña jei chupe: “Añawe ramo che aikuaa nde yepe jae Tumpa nembou wae nemɨmbeu waerä jae iñee. Jayawe tapɨrandu ndewe mbae re,” jei.

San Juan 8:26

“Añetete che ime jeta mbaembae re chepuere tëi jae pewe pumbɨjeko waerä. Erëitu che jaeño amɨmbeu ɨwɨ pewa reta pe jokua chembou wae jei chewe wae etei. Jare jae jekuaeño uyemɨngeta jupi rupi kawi,” jei chupe reta.

Romanos 7:15

Cheropa aï parawete chereko rewa. Echa’ä jeta wese ayapo’ä mbae ikawi wae chekɨrëɨ tëi ayapo wae. Erëi mbae kachi añamɨtäa wae, jokua ayapo parawete.

1 Corintios 2:16

Jare ¿këraita ra ipuere reta? Echa’ä: “¿Ime ra kía uikuaa yandeYa ipɨayemɨngeta wae? ¿Ime ra kía ipuere umbɨarakuaa yandeYa wae?” ¡Mbaetɨ etei kiawe! Erëi yande reta ime ñanoi Tumpa iEspíritu ramo, yaikuaa kërái Cristo umae mbaembae re ikawi ra ani ikawi’ä ra oï wae.

Gálatas 4:6

Jare Tumpa taɨ reta ma yaiko ramo, jae ombou Espíritu Santo ikoño mái Taɨ ndiwe wae iko waerä yandepɨa pe. Jare jae ko uparawɨkɨ yanderé yandepuere waerä yae Tumpa pe yandepɨa rewe, “Cheru.”

Efesios 1:9

Jukuärái Tumpa uikuaaka yandewe ipɨayemɨngeta ikawiete wae. Jokua ko jae mbaembae uyapota oï Cristo rupi wae. Jare jokua ipɨayemɨngeta tenonde yawe jae uikuaaka’ä kía pe awe. Erëi añawe uyerowia rewe Tumpa jokua uikuaaka ma yandewe.

Efesios 3:5

Kua ipɨayemɨngeta tenonde yawe jae uikuaaka’ä kía pe awe. Erëi añawe Espíritu Santo rupi jae uikuaaka ma orewe. Ore ko jae Jesús oremondo jae jee re wae jare ñee Tumpa wi etei ou wae numɨmbeu wae reta.

Colosenses 1:26

Kua ñee tenonde yawe kiawe uikuaa’ä iko opaetei, echa’ä Tumpa uikuaaka’ä chupe reta ramo. Erëi añawe Tumpa uikuaaka ma yandewe yande Cristo re yarowia wae reta pe.

Filemón 1:16

Erëi añawe jae mbaetɨ ma ko pëti uyeyokui ndewe waeño. Añawe jae ko pëti yandehermano yaau mii wae. Jare jokua ikawiete ko pëti uyeyokui wae wi. Che au ko, erëi nde uasaete ye ma ko ndeauta aipo. Awɨye mii ma emae jese jae ko uyeyokui wae echaño. Emae mii jese jae ko nderɨwɨete rami yandeYa re wɨrowia ramo.

Santiago 1:1

Pe Israel iñemoñaa piko wae reta opaete piñemɨái peï kerupi rupi wae, che araaka aï pewe saludo. Che ko jae Santiago aikuatía aï pewe wae. Che ko jae pëti wae yandeRu Tumpa jare yandeYa Jesucristo pe ayeyokui wae.

Santiago 2:23

Jare jokua Abraham uyapo wae rupi yaikuaa wi kërái añetete yepe Tumpa iñeerɨru pe uyekuatía oï wae. Echa’ä joko pe jei kuärái: “Abraham wɨrowia Tumpa jei wae re; jáeramo Tumpa umae jese jeko mbae wae rami.” Jukuärái jei. Jare jokua jeko pewa wi Tumpa jei chupe: “Cheïru.”

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.

Judas 1:1

Pe yandeRu Tumpa perau jare pereni wae reta, yandeYa Jesucristo uyandareko kawi oï peré. Che ko jae Jacobo tɨwɨ Judas jee wae aikuatía aï pewe kua tupapire. Che wi ko jae Jesucristo pe ayeyokui wae.

Apocalipsis 1:1

Kua tupapire pe Juan uikuaaka yandewe jokua mbaembae reta uasata oï ɨmambaeño wae. YandeRu Tumpa etei uikuaaka kua mbaembae Jesucristo pe jae uikuaaka yuapɨ ye waerä yandewe Juan rupi. Juan uyeyokui kawi Jesucristo pe. Jayawe Jesucristo ombou pëti araɨwa Juan pe, jare jokua araɨwa uechaka chupe kua mbaembae uyeyapota oï wae. Jare añawe Juan uikuaaka oï yandewe, yande Cristo pe yayeyokui wae reta pe, opaete mbaembae jae uecha wae. Kua ñee Tumpa iñee etei ko, jare jokua etei ko Jesucristo uikuaaka.