San Juan 15:10 - Biblia

¹⁰ ¿Kërái ra pikota jukuärái? Pe reta piko yawe che jae wae rupi, jayawe jekuaeño piyekouta peï kuri che puau wae re. Jukuärái wi che jekuaeño ayekou aï cheRu cherau wae re, echa’ä che aiko jae jei wae rupi,” jei chupe reta.

Guaraní Pe (Western): Simba

¹⁰ Piyapo yave cheporoyocui reta, che jecuaeño puauta. Echa'ã cuarãi che ayapo cheRu iporoyocui reta, jare jecuaeño jae cherau —jei Jesús chupe reta—.

San Juan 15:10 Iomraidhean Croise

Éxodo 7:6

Jayawe Moisés jare Aarón uyapo reta opaete Tumpa jei chupe wae rupi.

San Juan 10:18

Mbaetɨ kía ipuere upɨ̈ro chewi cherekowe, erëi amanota aï chekɨrëɨ rewe. Chepuere amee cherekowe, jare ime wi anoi mbaepuere aikowe ye waerä. Jukuärái chepuere ayapo, echa’ä jokuaerä cheRu chembou ayapo waerä. Jokua añawe che jae pewe,” jei Jesús chupe reta.

San Juan 12:49

echa’ä chiñee ou’ä chewiño. CheRu ko chembou, jare jae ko jei chewe mbae jae waerä jare kërái jae waerä,” jei.

San Juan 14:15

Jare Jesús jei wi jemimboe reta pe: “Pe reta añetete cherau yawe, jayawe piyapota peï che jae wae rupi.

San Juan 14:21

“Ime yawe kía che jae wae uikuaa jare uyapo wae, jae cherau ko. Jare cheRu uauta jokua cherau wae, jare che auta wi. Jare ayekuaakata chupe kía etei ko che wae,” jei chupe reta.

San Juan 14:23

Jare Jesús jei chupe: “Cherau wae uyapota chiñee rupi. Jare cheRu uauta jae. Jare che jare cheRu mokui rewe ndoyuta nduiko waerä jae ndiwe. Jayawe che ayekuaakata chupe,” jei.

San Juan 14:31

“Erëitu kua uyeyapota oï cheRu jei ramo. Jáeramo che añemee aï ayapo waerä cheRu jei wae, echa’ä aipota opaete ɨwɨ pewa reta uikuaa waerä auete ko cheRu wae,” jei Jesús jemimboe reta pe. Jare Jesús kua opa ma jei yawe, jei chupe reta: “Pepüa. Ya ma kua wi.”

San Juan 17:4

“Añawe che opa ma ayapo mbarawɨkɨ nde nemee chewe wae. Jare jukuärái ambutuichaka ma nderee kua ɨwɨ pewa reta jowake,” jei.

San Juan 4:34

Jare Jesús jei chupe reta: “Che ayapo yawe Tumpa chembou ayapo waerä wae, jokua ko jae tembiu rami chemaerä. Echa’ä ayerowiata aï opa ma ayapo yawe mbarawɨkɨ jae umee chewe wae,” jei chupe reta.

San Juan 8:29

“CheRu ko chembou jare jae oï che ndiwe. Jae chereya’ä etei, echa’ä che jekuaeño ayapo jae umbɨyerowia wae,” jei chupe reta.

San Juan 8:55

Erëitu pe reta pikuaa’ä Tumpa. Che aikuaa ko. Che jae yawe, ‘Aikuaa’ä,’ chaputa tëi ko pe reta papu rami. Erëi che aikuaa ko, jare ayapo aï jae jei wae rupi,” jei chupe reta.

1 Corintios 7:19

Echa’ä judío ko yande wae mbae’ä ko. Jare jukuärái wi judio’ä ko yande wae mbae’ä ko. Erëi jaeño ko ikawiete yayapo waerä Tumpa jei yandewe wae.

1 Tesalonicenses 4:1

Jayawe hermano mii reta, ore pumɨñera yandeYa Jesucristo jee re jekuaeño piko pembɨyerowia waerä Tumpa. Ore pumbɨarakuaa kawi ma jokua kërái piyapo waerä, jare jukuäraiete pe reta piyapo peï. Jaeño nduipota pe reta jeiete piyapo waerä jukuärái.

Hebreos 7:26

Kua nunga sacerdote tenondewaete ikawi ko yandewe. Echa’ä jae ko jupi wae, jare jeko mbae wae, jare ikɨa mbae Tumpa kotɨ wae. Añetete Jesús mbaetɨ etei ko Tumpa kotɨ uyawɨ wae reta rami. Jáeramo Tumpa oñono Jesús iwapɨka ɨwate opaete ara pe oï wae reta wi.

2 Pedro 2:21

Añetete ikawita tëi ko jae awɨye uikuaa waerä tape jupi wae rewa. Erëi jokua tape uyemɨmbeu ma ko chupe jare jae uikuaa tëi. Erëi jae wɨrɨ̈ro jokua tape.

1 Juan 2:3

Jare ¿kërái ra yandepuere yaikuaa añetete ra yaikuaa Tumpa wae? Yande yayapo yawe mbaembae Tumpa jei yandewe wae, jokua uikuaaka yandewe yaikuaa ko Tumpa wae.

1 Juan 2:5

Erëi Tumpa jei wae rupi yayapo yawe, yande yaau ñaï Tumpa kërái jae jukuäraiño mái uipota wae rupi. Jare jukuärái yaikuaata yande ko ñaï pëti ramiño Tumpa re wae.

1 Juan 2:6

Jayawe ime yawe kía jei, “Che aï pëti ramiño Tumpa re” wae, jayawe tuiko kawi kërái Jesucristo iko rami.

1 Juan 5:3

Jare imeta ko yayapo Tumpa jei wae rupi, echa’ä jukuärái rupi yaau Tumpa. Jare mbaetɨ ko yawái yayapo waerä Tumpa jei wae rupi.

Apocalipsis 22:14

“Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.