San Juan 15:1 - Biblia

¹ Joko wi Jesús jei jemimboe reta pe umbɨjaanga rewe: “Che ko jae uva iyɨpɨ añetete wae. Jare cheRu ko jae uva iyandarekoa. Jare opaete cheremimboe reta ko jae uva jäka reta,” jei chupe reta.

Guaraní Pe (Western): Simba

¹ Che co jae uva iyɨpɨ añetete vae rami, jare cheRu co jae uva iyɨpɨ iyandarecoa rami —jei—.

San Juan 15:1 Iomraidhean Croise

San Mateo 15:13

Jayawe Jesús jei chupe reta: “Jae reta oporomboe wae temitɨ rami ko. Erëi jae’ä ko temitɨ cheRu ara pe oï wae oñotɨ wae. Jare pëti ara Tumpa omondorokata oï,” jei.

San Mateo 20:1

“Echa’ä Tumpa oï ma yawe opaete wae imburuwicha wasurä jaeño mái pewa, jayawe ramo uyeyapota oï kuri kua rami: Yambɨjaanga. Ime iko pëti kuimbae uvarupa onoi wae,” jei. “Jare ndimboweasɨ oë oo ueka kía reta uparawɨkɨ waerä chupe.

San Mateo 21:33

Jayawe Jesús jei wi jokua judío itenondewa reta pe: “Piyapɨsaka kawi kua che jaeta pewe ambɨjaanga rewe wae re: Ime iko pëti kuimbae uvaruparä uyapo wae,” jei chupe reta. “Jae uikëse kawi jokua uvarupa, jare oñotɨ pɨpe jeta uva,” jei. “Jare uyapo wi uva uñetami pɨpe waerä. Jare uyapo wi pëti chapapa ɨwate, joko wi umae waerä opaete uvarupa re,” jei. “Jare opa ma uyapɨkatu kawi yawe jokua uvarupa, iya umee ambɨe reta pe uyandareko jese waerä. Jare jei chupe reta: ‘Piyandareko kawi uvarupa re. Jare uva yawɨye ma yawe, mbɨte ameeta pewe kuri,’ jei chupe reta. Jayawe uvarupa iya oo mbɨrɨ ambɨe ɨwɨ pe,” jei Jesús.

Marcos 12:1

Jayawe Jesús umbɨpɨ uyemɨngeta umbɨjaanga rewe jokua mburuwicha reta pe kuärái: “Ime iko pëti kuimbae uvaruparä uyapo wae,” jei. “Jae uikëse kawi jokua uvarupa, jare oñotɨ pɨpe jeta uva,” jei. “Jare uyapo wi uva uñetami pɨpe waerä. Jare uyapo wi pëti chapapa ɨwate, joko wi umae waerä opaete uvarupa re,” jei. “Jare opa ma uyapɨkatu kawi yawe jokua uvarupa, iya umee ambɨe reta pe uyandareko jese waerä. Jare jei chupe reta: ‘Piyandareko kawi uvarupa re. Jare uva yawɨye ma yawe, mbɨte ameeta pewe kuri,’ jei chupe reta. Jayawe uvarupa iya oo mbɨrɨ ambɨe ɨwɨ pe,” jei Jesús.

San Lucas 13:6

Jayawe Jesús jei chupe reta umbɨjaanga rewe: “Ime iko pëti kuimbae ime wɨreko pëti ɨwa uvarupa pe wae. Jare pëti ara jae oo tëi umae jese ime ma ra ía wae re. Erëi uwäe’ä chupe,” jei.

San Juan 1:17

Tenonde yawe Tumpa uikuaaka yandewe Moisés rupi kërái yaiko waerä. Erëi añawe Jesucristo rupi yaikuaa añetete wae jare kërái Tumpa ipɨakawiete yandewe wae.

San Juan 1:9

Echa’ä jokua tembipe uyekuaata ma iko kua ɨwɨ pewa reta pe. Jae añetete pewa ko, jare uikuaaka ɨwɨ pewa reta pe Tumpa rewa.

San Juan 15:2

“Opaete jäka ía mbae oï cheré wae reta, cheRu uyasɨata. Jare opaete jäka ía oï cheré wae reta, cheRu uitɨota jare oyoeta taɨkue rupi ía kawiete waerä,” jei chupe reta.

San Juan 6:32

Jayawe Jesús jei chupe reta: “Che tae pewe añetete wae, Moisés jae’ä ko umee chupe reta mbɨyape ara pewa. CheRu ko umee chupe reta. Jare añawe cheRu uipota umee oï pewe mbɨyape añetete wae ara pewa.

Romanos 11:17

Erëi añawe pe judío mbae piko wae reta, piyekou peï Tumpa ipɨakawi re, echa’ä Tumpa peñono jeta judío reta jendakue pe. Kua yandepuere yambɨjaanga pëti temitɨ ikawi wae olivo jee wae re. Pe reta pikuaa yandepuere yayasɨa amokue temitɨ jäka reta, jare jokua jendakue pe yandepuere yamboya ye amokue olivo ñana rupiwa jäka reta. Joko wiwe jokua temitɨ ikawi wae iyaɨsɨ umbɨpɨ uasa ye jokua ɨwɨra jäka uyemboya wae reta rupi jare umee ye chupe reta tekowe. Jukuärái wi pe judío mbae piko wae reta jokua ɨwɨra jäka ambɨe wae reta rami ko. Echa’ä pe reta Abraham iñemoñaa pewa’ä ko. Jare jokua jeko pewa piyekou’äse mbaembae ikawi wae Tumpa uyapo judío reta pewarä wae re. Erëitu añawe opaete seri judío reta wɨrowia’ä Jesucristo re ramo, pe reta piyekou peï jokua mbaembae re jae reta ipepɨka pe.

1 Corintios 3:9

Apolos jare che, yepe tëi oreparawɨkɨ oyowake’ä ko, erëi nduparawɨkɨ noï pëti ramiño Tumpa pewarä jae iko pe wae rami. Jare pe reta ko jae Tumpa iko rami. Jare jae nunga wi pe reta ko jae pëti tëta Tumpa uyapoka oï wae rami.

1 Juan 2:8

Erëi yepe tëi kua Tumpa jei wae ɨma ma yaikuaa, jesewe imeño ipɨau oï wae echa. Echa’ä Cristo jei pɨau ye ma yandewe yayerau päwe waerä jae yanderau wae rami. Jare jukuärái pe reta añawe piyapo peï. Jáeramo pereko kachi opa ukañɨ oo oï jare pereko kawi uyekuaa oo oï. Jokua ko pɨ̈tumimbi ukañɨ oo oï rami jare tembipe uyekuaa oo oï rami.