San Juan 14:6 - Biblia

⁶ Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

Guaraní Pe (Western): Simba

⁶ —Che co jae tape —jei Jesús—. Che co jae añetete uyemɨngueta vae. Che co jae tecove opa mbae vae umee vae. Mbaetɨ quía ipuere uñemɨĩru cheRu ndive jaeño che rupi —jei—.

San Juan 14:6 Iomraidhean Croise

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 1:17

Tenonde yawe Tumpa uikuaaka yandewe Moisés rupi kërái yaiko waerä. Erëi añawe Jesucristo rupi yaikuaa añetete wae jare kërái Tumpa ipɨakawiete yandewe wae.

San Juan 1:4

Jae ko tekowe iYa. Jare jae jekowe rupi uikuaaka ɨwɨ pewa reta pe Tumpa rewa kërái tembipe umbɨembipe pɨ̈tumimbi pe wae rami. Jare pɨ̈tumimbi ndarau etei ombowe jokua tembipe.

San Juan 10:28

Che amee chupe reta tekowe opa mbae wae, jare jae reta ndarau etei yuraa Tatawasurenda pe. Añetete, mbaetɨ kiawe ipuere upɨ̈ro reta chepo wi,” jei chupe reta.

San Juan 10:7

Jayawe Jesús jei wi chupe reta: “Che tae pewe añetete wae, che ko jae jokua owecharokai jöke rami. Echa’ä che rupiño ko ipuere uike kía Tumpa jëta pe,” jei.

San Juan 10:9

“Che ko jae owecharokai jöke rami,” jei. “Ime yawe kía uñepɨ̈ro cheré wae, che aepɨta ko. Jae ikota pëti owecha ipɨawiwe wae rami. Jae ipuereta oë oo ukaru uyemɨngapɨɨ kapii re rami. Jare mbae uyamondo yawe, ipuereta osi oo jokai pe uike uñepɨ̈ro waerä. Jukuärái ko, echa’ä iyandarekoa umae kawi oï jese ramo,” jei chupe reta.

San Juan 14:19

“Ndei ɨma mbowe, kua ɨwɨ jeko rupi yureko wae reta ndarau ye ma cherecha. Erëi pe reta cherecha yeta peï kuri. Jare che aikowe yeta aï ramo, pe reta penoita wi tekowe ipɨau wae.

San Juan 15:1

Joko wi Jesús jei jemimboe reta pe umbɨjaanga rewe: “Che ko jae uva iyɨpɨ añetete wae. Jare cheRu ko jae uva iyandarekoa. Jare opaete cheremimboe reta ko jae uva jäka reta,” jei chupe reta.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 6:33

Jare mbɨyape Tumpa añawe umee wae jae ko kua ou ara wi wae. Jae ko umee tekowe opa mbae wae ɨwɨ pewa reta pe,” jei chupe reta umbɨjaanga rewe.

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 6:57

“CheRu ikoño mái wae chembou, jare che aiko jae imbaepuere rupi. Jae ramiño wi jokua cherete jou wae ikota che chembaepuere rupi,” jei chupe reta umbɨjaanga rewe.

San Juan 6:68

Jare Simón Pedro jei chupe: “¿OreYa, ¿kía re pa ndoota nduyemboya?” jei. “Ndeeño ko nemɨmbeu kawi orewe tekowe opa mbae wae kërái nonoi waerä.

San Juan 8:32

Jare jukuärái pikuaata añetete wae, jare jokua pembopoikata oï,” jei chupe reta.

San Juan 8:51

“Che tae pewe añetete wae, kía chiñee uyapo wae ndarau umano,” jei chupe reta.

Hechos 3:15

Jare jukuärái piyukaka tekowe iYa etei,” jei. “Erëi yepe tëi piyukaka, jesewe Tumpa umbɨjekowe ye ueru umanokue wae reta ipɨte wi. Jare kua ore nduecha oreresa pe etei,” jei chupe reta.

Hechos 4:12

“Jayawe mbaetɨ ye kía ipuere yanderepɨ waerä mbaembae yayawɨ Tumpa kotɨ wae wi. Echa’ä yandeRu Tumpa ombou pëtiño kua ɨwɨ pe ipuere yanderepɨ waerä wae – jae ko Jesús.” Jukuärái jei Pedro chupe reta.

Hechos 9:2

Jayawe oo ueka tupapire sacerdote tenondewaete pe uikuatía waerä chupe. Echa’ä jokua tupapire Saulo ipuere uechaka pëti pëti tupao reta itenondewa pe. Jukuärái jae reta uikuaata Saulo, jare umeeta chupe mbaepuere uipɨsɨ waerä opaete Cristo re wɨrowia wae reta Damasco pe ñonoï wae reta. Echa’ä Saulo uipota uipɨsɨ ueru ye reta Jerusalén pe – kuimbae reta jare kuña reta wi – uiporaraka waerä chupe reta.

Romanos 15:16

chembou amɨmbeu waerä judío mbae wae reta pe ñee ikawi wae Jesucristo rewa. Kua ñee Tumpa wi etei ko ou. Jare jokua ñee re wɨrowia wae reta, jae reta ko pëti mbae ikawi wae che amee aï Tumpa pe wae rami – pëti mbae Espíritu Santo oñono tee Tumpa pewarä wae, jare Tumpa umae kawi oï jese.

Romanos 5:2

Jare añawe yarowia ma Cristo re ramo, Cristo uyapo ma yayekou waerä Tumpa ipɨakawi re. Jare yayerowia ñaï, echa’ä yaikuaa ko pëti ara yayekouta ñaï kuri Tumpa imbaepuere jupiete ye wae re.

Romanos 5:21

Jáeramo kërái yaikose teko yareko wae ipo pe jare jokua yanembɨsɨrɨ iko Tumpa wi, jukuärái wi añawe Tumpa ipɨakawi wae ipo pe ko ñaï jare ime ma ñanoi tekowe opa mbae wae. Echa’ä ime yawe kía wɨrowia yandeYa Jesucristo re wae, Tumpa umae jese jeko mbae wae rami.

1 Corintios 15:45

Yaikuaa kawi waerä kua mbaembae rewa, yaecha ñamae yandetenondewaete reta Adán jare Cristo re. Uyekuatía oï Tumpa iñeerɨru pe kuärái: “Kuimbae tenondewaete Adán jee wae umbɨpɨ tekowe onoi.” Jukuärái jei, jare jokua uyemɨngeta oï tekowe ɨwɨ pewa re. Erëi Cristo ko jae yandetenondewaete taɨkue rupi outa iko wae, jare jae ko umee yandewe tekowe ara pewa.

Efesios 2:18

Jukuärái Cristo uyapo yandewe ramo, päwe rewe yandepuere yaya yandeRu Tumpa re Espíritu Santo rupi.

Colosenses 2:17

Añetete ko Tumpa jei arakae judío reta pe jokua mbaembae uyapo reta waerä. Erëi jokua mbaembae jaeño uyembɨjaanga iko kía outa iko wae re. Erëi añawe ou ma ko. Jae ko Cristo etei.

Colosenses 2:9

Cristo ko jae ikawiete wae opaete jokua nunga arakuaa wi, echa’ä Cristo ko jae Tumpa etei uyeyapo kuimbaerä wae.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.

Hebreos 9:8

Opaete kua mbaembae rupi Espíritu Santo uikuaaka iko chupe reta kua: jokua tupao tenondewa imeño iko rambuewe, tape Tumpa pe oo wae ndeiño uyepea iko opaete wae reta pewarä.

1 Pedro 1:21

Jare kua Cristo uyapo pewe wae rupi pe reta piyeko peï Tumpa re. YandeRu Tumpa jae ko umbɨjekowe ye Cristo ueru umanokue wae reta ipɨte wi wae. Jare jae umbɨjekowe ye ma yawe, umee chupe mbaepuere jupiete ye wae. Jukuärái Tumpa uyapo pe reta pikuaa waerä pepuere perowia katu jese umee waerä pewe opaete jae jei umeeta pewe wae.

1 Pedro 2:4

YandeYa Jesús ko jae pëti ita tekowe onoi wae rami jare tëta iyapoa reta wɨrɨ̈ro omombo iyuwi reta wae rami. Erëi yepe tëi jeta wae reta wɨrɨ̈ro Jesús, jesewe jae ko yandeRu Tumpa etei uiparawo wae. Jare Tumpa pewarä jae ko pëti ita ipöraete jare jepɨete wae rami. Jare pe reta perowia ma jese ramo,

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.

1 Juan 1:8

Erëi yande yae yawe, “Che ayawɨ'ä etei ko aï Tumpa kotɨ,” jayawe yandei yayembɨtawɨ ko ñaï. Yaikuaa’ä etei añetete wae.

1 Juan 2:23

Echa’ä ime yawe kía wɨrɨ̈ro Tumpa Taɨ wae, jae mbaetɨ etei ko onoi yandeRu Tumpa. Erëi ime yawe kía jei, “Jesús ko jae Tumpa Taɨ” wae, yandeRu Tumpa etei ko onoi wi.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

1 Juan 5:6

Jare Jesucristo ko jae Tumpa Taɨ, echa’ä jukuärái Tumpa uikuaaka orewe Jesús uyembɨsakambuka yawe ɨ pe. Jare jae juwɨ uyepɨyere yawe kurusu re, jukuärái wi Tumpa uikuaaka orewe Jesús ko jae Tumpa Taɨ wae. Mbaetɨ ko uikuaaka orewe Jesús uyembɨsakambuka rupiño. Kua yaikuaa añetete wae ko, echa’ä jukuärái Espíritu Santo uikuaaka yandewe yandepɨa pe. Jare jokua jae jei wae añetete ko. Ndarau iyapu yandewe.

2 Juan 1:9

Ipotawe kía ueya yawe Cristo oporomboe wae iko waerä ambɨe yemboe rupi wae, kua nunga reta mbaetɨ etei onoi Tumpa. Erëi kía jekuaeño iko yawe Cristo oporomboe wae rupi, yandeRu Tumpa jare Tumpa Taɨ mokui rewe ñonoï jae ndiwe.

Apocalipsis 19:11

Jayawe che aecha ara uyepea oï. Jare aecha pëti kawayu tïi wae. Jare opo jese wae ko jee Tumpa Iñee. Jesa uyekuaa kërái tata jendɨ wae rami, jare iñäka re onoi jeta corona mburuwicha wasu pewa reta. Jare jae jemimonde tuwɨ yepái. Jae ko jekuaeño jupi uyapo wae jare añetete wae umɨmbeu wae. Jae jupi rupi upurumbɨjeko, jare uñeräro jowaicho reta ndiwe. Jare uyekuatía oï jese pëti tee kiawe uikuaa’ä wae. Jaeño uikuaa wae.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.

Apocalipsis 3:7

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Filadelfia pe. Ikuatía chupe kua chiñee kuärái: ‘Che ko jae Jupiete wae jare Añetete pewa. Cheeño ime anoi tëta wasu Jerusalén ipɨau wae jöke illave, kërái arakaete mburuwicha wasu David jëta wasu illave wɨreko wae rami. Jáeramo che aipea yawe jokua öke, ndarau kía ipuere uyukenda ye. Jae ramiño wi che ayukenda yawe jokua öke, ndarau kía ipuere uipea ye.