San Juan 14:26 - Biblia

²⁶ “Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

Guaraní Pe (Western): Simba

²⁶ Ẽrei jocua pembɨpɨacatuta vae pemboeta opaete mbae re. CheRu ombouta peve cheree re. Jae co Espíritu Santo. Jae pemɨmanduata opaete che jae peve vae re —jei—.

San Juan 14:26 Iomraidhean Croise

San Mateo 1:18

Añawe tamɨmbeu Jesucristo oa wae rewa. Jae ichɨ María jee wae José ndiwe jei umendata. Erëi ndei uyereroke reta mbowe, uyekuaa María ipurúa ma oï. Kua uyeyapo chupe Espíritu Santo imbaepuere rupi.

San Mateo 1:20

Jukuärái José uyemɨngeta iko tëi ipɨa pe. Erëi pëti pɨare, José oke iko rambuewe, pëti araɨwa Tumpa ombou wae uyekuaa chupe ipau pe jare jei chupe: “José, David iñemoñaa pewa,” jei chupe. “Nde ndepuere nemenda ndepɨawiwe rewe María ndiwe, echa’ä jae mbaetɨ ko ipurúa oï kuimbae pewarä. Jae ipurúa ko oï Espíritu Santo imbaepuere rupi etei,” jei chupe.

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

San Mateo 3:11

“Che pumbɨsakambu ɨ pe yaechaka waerä peya ma ko pepɨayemɨngeta jupi mbae wae Tumpa rewa,” jei chupe reta. “Erëi cheraɨkue rupi outa pëti wae imbaepuerete chewi wae. Jare che jupi’ä etei ko ipɨpasa mii yepe araa waeräwe,” jei. “Che pumbɨsakambuño ko aï ɨ pe, erëi jae peñonota pëti pëti wae piko waerä pëti ramiño iyé etei Espíritu Santo rupi. Erëi peya’ä yawe pepɨayemɨngeta jupi mbae wae, jae uiporarakata oï pewe tata pe,” jei chupe reta.

Marcos 12:36

Echa’ä David etei uikuatía arakaete Espíritu Santo imbaepuere rupi kuärái: ‘Tumpa ikoño mái wae jei cheYa pe kuärái: ‘Ewapɨ kua cheakata kotɨ, nderowaicho reta opa añonoka rewa itawa re nderowai,’ jei Tumpa.’ Jukuärái David uikuatía arakaete rupi kërái Cristo jae’ä ko kuimbaeño. Jae ko iYa wi.

Marcos 13:11

“Jare ïru wae reta pereraa yawe pemee waerä mburuwicha reta pe, awɨye piyembɨpɨa’ä mbae pere waerä. Echa’ä jokua ora etei Tumpa uikuaakata oï pewe mbae pere waerä. Jokuaño pere kuri, echa’ä Espíritu Santo etei pemborɨta oï piyemɨngeta waerä. Pe retaiño’ä ko piyemɨngetata peï,” jei chupe reta.

San Lucas 1:15

echa’ä Tumpa umaeta jese pëti kuimbae jeräkua wae rami,” jei. “Nderaɨ awɨye etei tou vino jare ipotawe mbae upurumbɨsawɨpo wae. Añetete nderaɨ ichɨ jɨe pe oï wiwe imeta onoi Espíritu Santo imbaepuere,” jei chupe.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Lucas 1:41

Jare Elisabet uyandu yawe María iñee, Elisabet imembɨ omɨ raí jɨe pe. Jare Espíritu Santo imbaepuere rupi Elisabet

San Lucas 1:67

Jayawe Zacarías ipuere ma uyemɨngeta ye yawe, jawoi pewa Espíritu Santo umee chupe ñee umɨmbeu waerä. Jare Espíritu Santo imbaepuere rupi jei kuärái:

San Lucas 11:13

“Pe reta, yepe tëi pereko ikawi mbae wae ko, erëi pikuaa ko pemee waerä mbaembae ikawi wae pesambiaɨ reta pe. Jare jukuärái yawe, ¿këraita pa peRu ara pe oï wae umeeta’ä pewe Espíritu Santo peka chupe yawe?” jei Jesús jemimboe reta pe.

San Lucas 2:25

Jare iko Jerusalén pe pëti kuimbae Simeón jee wae. Jae jupi jare uyeyokui kawi Tumpa pe. Jae uäro iko ikɨrëɨ rewe Tumpa umbɨpɨakatu waerä Israel iñemoñaa reta. Jare Espíritu Santo iko jese.

San Lucas 24:49

Erëi imeta mbae rani uyeyapo pewe,” jei chupe reta. “Mase, che ambouta aï pewe Espíritu Santo cheRu jei umeeta oï pewe wae. Jae outa ara wi pemɨmbaepuere waerä. Erëi pepɨtata ko kua tëta wasu Jerusalén pe jokua mbaepuere penoi rewa.” Jukuärái Jesús jei jemimboe reta pe.

San Lucas 3:22

Jare Espíritu Santo uweyɨ ou ara wi Jesús re pëti pɨkasu rami. Jare uyendu ñee ara wi jei kuärái: “Nde ko jae cheRaɨ nduauete wae. Nde chembɨyerowiaete neï,” jei.

San Juan 12:16

Jokua ara Jesús jemimboe reta uikuaa kawi’ä yureko kua mbaembae rewa. Erëi Jesús oo ye ma ara pe yawe ramo jae reta imandúa uyekuatía yepe iko Tumpa iñeerɨru pe kua mbaembae reta uyeyapota iko wae.

San Juan 14:16

Jare che aekata aï cheRu pe jae ombou waerä pewe ïru jokua nungaete Oporomborɨ wae oï waerä pe reta ndiwe jaeño mái pewa.

San Juan 14:25

“Kua mbaembae aikuaaka aï pewe añawe pe reta ndiwe aï rambuewe,” jei.

San Juan 15:26

“Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

San Juan 16:7

“Erëi che tae pewe añetete wae, ikawita ko pewe che a ye waerä. Echa’ä che a yewɨ'ä yawe, ndarau ou pewe jokua Oporomborɨ wae. Erëi a ye yawe, ambouta pewe ara wi,” jei chupe reta.

San Juan 2:22

Jare taɨkue rupi, Jesús umano ma yawe jare ikowe ye ma ou yawe umanokue wae reta ipɨte wi, jemimboe reta imandúa kua jae jei wae re. Jare jayawe jeiete ma wɨrowia reta Jesús jei wae re jare Tumpa iñeerɨru pe uyekuatiaño mái iko wae re – jae ko kiape uyekuatía oï Upuruepɨ wae ikowe yeta ou iko wae re.

San Juan 20:22

Jare kua jei yawe, Jesús omondo ipütúe ikotɨ reta jei rewe: “Penoi Espíritu Santo,” jei chupe reta.

San Juan 6:45

“Pëti kuimbae Tumpa iñee arakae umɨmbeu wae uikuatía cheré wɨrowiata wae reta re kuärái: ‘Tumpa etei omboeta oï opaete jae reta.’ Jukuärái uyekuatía oï,” jei. “Jayawe opaete kía kía uyapɨsaka jare uyemboe cheRu re wae reta yuweruta chekotɨ,” jei chupe reta.

San Juan 7:39

Jesús kua jei yawe, uyemɨngeta iko umbɨjaanga rewe Espíritu Santo re – jae ko Tumpa umeeta iko opaete kía kía Jesús re wɨrowia wae reta pe wae. Jukuärái Jesús jei yawe, ndeiño uñemee chupe reta Espíritu Santo, echa’ä Jesús ndeiño oo ye ara pe ramo.

Hechos 1:2

Añawe aikuatía aï ndewe kuärái: Jesús uiparawo amokue kuimbae reta omondo reta waerä umɨmbeu waerä iñee. Kua reta ko jae Jesús jemimboe tenondewaete reta. Jayawe ndei Jesús oo ye mbowe ara pe, Espíritu Santo imbaepuere rupi uikuaaka chupe reta mbae uyapo reta waerä.

Hechos 1:4

Pëti ara Jesús iko jemimboe tenondewaete reta ndiwe ñaipe Olivorenda jee wae pe, jare jei chupe reta: “Awɨye peë rani tëta wasu Jerusalén wi,” jei. “Peärota ko joko pe cheRu Tumpa umee pewe rewa jokua jae jei umeeta oï pewe wae,” jei. “Che amɨmbeu ma pewe jokua rewa tenonde yawe, jare añawe ou ma uwäe oï uyeyapo waerä jokua.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

Hechos 11:16

“Jare aramoiño chemandúa jokua yandeYa jei orewe wae re, echa’ä jei orewe: ‘Espíritu Santo outa pepɨa pe iko waerä. Jare kërái Juan karamboe rupi pembɨsakambu ɨ pe rami, jukuärái wi Espíritu Santo peñonota pe reta peï waerä pëti ramiño che ndiwe,’ jei yandeYa orewe,” jei.

Hechos 13:2

Pëti ara jokua kuimbae reta uñeñono tee ukaru mbae waerä amokue ara rupi uyerure reta waerä Tumpa pe. Jare uyerure yureko reta rambuewe, Espíritu Santo jei chupe reta: “Piñono tee pepɨte wi Bernabé jare Saulo uyapo reta waerä mbarawɨkɨ amee aï chupe reta wae,” jei chupe reta.

Hechos 13:4

Jayawe Bernabé jare Saulo yuraa kiape Espíritu Santo jei chupe wae rupi umɨmbeu reta waerä Jesús rewa. Jare Juan Marcos oo wi jae reta ndiwe omborɨ reta waerä. Jayawe oë yuraa reta Antioquía wi tëta wasu Seleucia jee wae pe. Joko pe uyupi reta pëti chalana wasu pe jare oë yuraa reta pëti ɨwɨ ɨ mbɨte pe oï wae Chipre jee wae kotɨ. Jare yuraa uwäe yawe Chipre pe, yuraa reta tëta wasu Salamina jee wae pe. Joko pe umɨmbeu reta Tumpa iñee judío reta itupao reta rupi.

Hechos 15:28

Ore ndarau pumbɨawái Moisés arakae uikuatía wae pɨpe, echa’ä tewɨta poɨ wae rami ko pewe. Kua ikawi oï Espíritu Santo pe jare orewe wi. Jáeramo kua mbowɨño numɨmbeuta pewe:

Hechos 15:8

“Tumpa uikuaa opaete wae ipɨa pe oï wae. Jare jae uechaka uyerowia ko umae jese reta wae, echa’ä umee wi chupe reta Espíritu Santo yandewe umee wae rami,” jei.

Hechos 16:6

Joko wi Pablo jare jae ndiwe yureko wae reta uasa reta ɨwɨ Frigia jare Galacia jee wae rupi. Erëi Espíritu Santo umaeño’ä jese reta yuraa umɨmbeu waerä Tumpa iñee ɨwɨ Asia rupi.

Hechos 2:33

“Añawe Tumpa wɨraa ma Jesús ara pe. Jare joko pe uwapɨ oï Tumpa iyakata kotɨ, jare Tumpa ndiwe Jesús ime onoi mbaepuere opaete wae re,” jei. “Tumpa jei umeeta iko Jesús pe ombou waerä Espíritu Santo, jare jukuärái añawe uyapo ma. Echa’ä Jesús etei ombou ma kua Espíritu Santo orewe. Jayawe kua pe reta añawe pecha jare piyandu peï wae Espíritu Santo imbaepuere etei ko,” jei chupe reta.

Hechos 2:4

Jayawe Espíritu Santo umɨmbaepuere opaete joko pe ñonoï wae reta. Jare jae reta umbɨpɨ uyemɨngeta ambɨe ye ye wae iñee pe kërái Espíritu Santo umbɨyemɨngetaka wae rupi.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Hechos 20:35

“Opaete mbae ayapo wae rupi aechaka ma pewe kërái ikawi ko yaparawɨkɨ yamborɨ waerä ipuere mbae etei uparawɨkɨ iyupe wae reta,” jei. “Yanemandúa yandeYa Jesús etei jei wae re, echa’ä jae jei: ‘Ime yawe kía umee yandewe mbaembae uata oï yandewe wae, jokua re yayerowia ñaï. Erëi yayerowiaeteta ñaï ñamee yawe kía pe mbaembae uata oï chupe wae,’ jei Jesús.” Jukuärái Pablo jei chupe reta.

Hechos 28:25

Jare umbɨpɨ uyeaka reta Pablo oporomboe wae re. Jayawe ndei yuraa ye reta mbowe, Pablo jei chupe reta: “Kërái Espíritu Santo jei arakae Isaías rupi yanderamɨkue reta pe, jukuärái wi pemaerä. Echa’ä jae jei Isaías pe kuärái:

Hechos 5:3

Jayawe Pedro jei chupe: “Ananías, nde ndiyapɨsaka ma Satanás jei wae re jare nemaeño ma ndiyembɨtawɨka. Jáeramo ndipota tëi ndapu Espíritu Santo pe, jare nemɨmbɨre ndeyupe ndeɨwɨ jepɨkue,” jei.

Hechos 7:51

“Jáeramo che tae pewe, mburuwicha reta, pe reta pepɨatätaete ko Tumpa kotɨ,” jei chupe reta. “Pipota’ä piyeyokui chupe, jare pipota’ä wi piyapɨsaka jese. Jekuaeño piyowaicho Espíritu Santo ndiwe kërái peramɨkue reta uyapo wae rami,” jei chupe reta.

Hechos 7:55

Erëi Esteban ukɨye’ä etei chuwi reta, Espíritu Santo umɨmbaepuere ramo. Jae umae ara kotɨ jare uecha yandeRu Tumpa imbaepuere uwerasɨete ye wae, jare uecha wi Jesús uyemboɨ oï Tumpa iyakata kotɨ.

Romanos 14:17

Echa’ä ñanoi Tumpa yanemburuwicha wasurä yawe, jayawe mbae’ä ko mbaembae yau wae. Erëi ikawi ko yaiko waerä jupi rupi yandepɨakatu rewe jare yerowia rewe ïru wae reta ndiwe. Jare Espíritu Santo imbaepuere rupi yandepuere yaiko jukuärái.

Romanos 15:13

Tumpa ko jae umee yandewe yerowia wae, echa’ä yaikuaa kawiete jae uyapota opaetei mbaembae jae jei uyapota oï yandewe wae. Jayawe jekuaeño jae tumee pewe yerowia jare tuyapo pepɨakatu waerä perowia jese wae rupi. Jukuärái yawe, jekuaeño peärota perowia katu rewe Espíritu Santo imbaepuere rupi.

Romanos 15:16

chembou amɨmbeu waerä judío mbae wae reta pe ñee ikawi wae Jesucristo rewa. Kua ñee Tumpa wi etei ko ou. Jare jokua ñee re wɨrowia wae reta, jae reta ko pëti mbae ikawi wae che amee aï Tumpa pe wae rami – pëti mbae Espíritu Santo oñono tee Tumpa pewarä wae, jare Tumpa umae kawi oï jese.

Romanos 5:5

Jokua ko añawe ñaäro ñaï yayerowia rewe. Jare jokua re ndarau ñanemara yapɨta, echa’ä Tumpa yanderauete ko. Jare Espíritu Santo Tumpa umee yandewe wae jekuaeño uikuaaka yandewe Tumpa yanderau ko.

1 Corintios 12:3

Jáeramo che aipota pikuaa waerä kía nunga ñee ko ou Tumpa wi. Ime yawe kía uyemɨngeta Espíritu Santo rupi añetete rewe wae, ndarau uyepɨpeyu Jesús re. Jare jaeño Espíritu Santo rupi ipuere kía jei: “Jesús ko jae cheYa.”

1 Corintios 6:19

Ani aramoi ¿pikuaa’ä yerá piko perete ko jae Espíritu Santo jëta wae? Jukuärái ko, echa’ä Tumpa umbɨepɨ ma ko jepɨete ye wae pe reta piko waerä jae imaerä, jare umee pewe Espíritu Santo pepɨa pe oï wae. Jáeramo añawe perete jare perekowe pembae’ä ma ko. Jae ko Tumpa imaerä. Jáeramo pembutuicha Tumpa jee mbaembae piyapo perete pɨpe wae rupi.

2 Corintios 13:14

YandeYa Jesucristo jekuaeño tipɨakawi pewe. Jare yandeRu Tumpa jekuaeño tuechaka pewe perau wae. Jare jae nunga wi Espíritu Santo jekuaeño tuñemɨïru kawi opaete pe reta ndiwe. Jukuärái tuiko.

2 Corintios 6:6

Erëi jesewe ore nduiko kawi orearakuaa katu rewe kërái Tumpa uipota wae rupi. Ndurupɨa opaete wae pe jare nduau reta. Espíritu Santo oremɨmbaepuere, jare ore nduiparareko opaete wae añetete pewa.

Efesios 1:13

Erëi oremaeräño’ä ko kua mbae ikawi wae. Echa’ä añawe pemaerä wi ko, pe judío mbae piko wae reta. Echa’ä pe reta piyandu yawe ñee añetete wae Cristo rewa jare perowia jese yawe, Tumpa peapo jae imaerä. Jare umee wi pewe Espíritu Santo kërái jae jei arakae wiwe umeeta iko jese wɨrowia wae reta pe wae. Jukuärái Tumpa umee yandewe Espíritu Santo uikuaaka waerä yandewe Tumpa pewa ma ko yande wae jaeño mái pewa.

Efesios 1:17

Aeka aï chupe umee pewe waerä arakuaa Espíritu Santo rupi, jukuärái pikuaa kawi waerä Tumpa, yandeYa Jesucristo Tu jupiete ye wae.

Efesios 4:30

Awɨye pembɨpɨatɨtɨ Espíritu Santo Tumpa umee pewe wae. Echa’ä Tumpa umee yandewe Espíritu Santo uikuaaka waerä yandewe jae umbɨepɨ ma ko yande yaiko waerä jae imaerä jaeño mái pewa. Jare Espíritu Santo ñanoi ramo, uikuaaka wi yandewe kërái ara taɨkuewa pe Tumpa opata yanderepɨ oï opaete mbae ikawi mbae wae wi.

1 Tesalonicenses 4:8

Jukuärái ko Tumpa yanemboe. Jare umee wi yandewe Espíritu Santo yanemborɨ yaiko waerä jae yanemboe wae rupi. Jáeramo kía wɨrɨ̈ro yawe kua yemboe, wɨrɨ̈ro ko Tumpa etei. Kuimbae’ä ko wɨrɨ̈ro oï.

2 Timoteo 1:14

jare Espíritu Santo yandepɨa pe oï ramo. Jokua yemboe ko jae pëti mbae ikawiete wae jare jepɨete wae rami. Jáeramo mbaepuere Espíritu Santo umee ndewe wae rupi, iyandareko kawi jese ndeporomboe yuapɨ ye waerä jupi rupi.

Tito 3:5

Echa’ä jae opa umbái yandewi mbaembae yayawɨ ikotɨ wae, jare jukuärái yanderepɨ teko ime yareko ikotɨ wae wi. Jukuärái jae uyapo yandeparareko ramo – mbaetɨ ko mbae jupi yayapo wae rupi. Añetete Espíritu Santo rupi Tumpa yandepɨayoe, jare jukuärái umee yandewe tekowe ipɨau wae. Jare yandereko umbɨpɨau wi.

Hebreos 10:15

Jae nunga wi Espíritu Santo jukuäraiete uikuaaka yandewe Tumpa iñeerɨru pe. Echa’ä joko pe uyekuatía oï jae jei wae kuärái:

Hebreos 2:4

Jare Tumpa etei uikuaaka jokua jae reta jei wae añetete ko. Echa’ä jae etei umee chupe reta ipuere waerä jae reta uyapo mbaembae opa kërái raí rupi kuimbae retaño ipuere’ä uyapo wae. Jae nunga wi Espíritu Santo umee mbaepuere ambɨe ye ye wae reta jokua ñee re wɨrowia wae reta pe kërái Tumpa uipota wae rupi.

Hebreos 3:7

Jáeramo, piyapo mii kërái Espíritu Santo jei rami: “Kua ara chiñee piyandu yawe,

Hebreos 9:8

Opaete kua mbaembae rupi Espíritu Santo uikuaaka iko chupe reta kua: jokua tupao tenondewa imeño iko rambuewe, tape Tumpa pe oo wae ndeiño uyepea iko opaete wae reta pewarä.

1 Pedro 1:12

Erëi Tumpa uikuaaka chupe reta jokua ñee Cristo rewa wae mbaetɨ ko jae reta imaerä. Jae ko yanemaerä, yande añawe rupi yaiko wae reta pewarä. Jare añawe pe reta pikuaa ma ko kua mbaembae rewa, echa’ä ou ma umɨmbeu pewe amokue wae reta ñee ikawi wae umɨmbeu wae. YandeYa Cristo ombou ma Espíritu Santo ara wi, jare Espíritu Santo imbaepuere rupi jae reta umɨmbeu jokua ñee. Añetete araɨwa retawe uipota echa uikuaa kawi kua mbaembae rewa.

2 Pedro 1:21

Tumpa etei ko umee chupe reta iñee. Jare jokua ñee jae reta umɨmbeu Espíritu Santo imbaepuere rupi.

1 Juan 2:20

Erëi pe reta jokua nunga’ä ko. Echa’ä Tumpa jupiete ye wae umee ma pewe Espíritu Santo. Jáeramo pikuaa ma añetete wae.

1 Juan 2:27

Erëi awɨye piyapɨsaka jese reta, echa’ä pe reta ime ma penoi Espíritu Santo pemboe waerä. Tumpa etei ko umee ma pewe Espíritu Santo, jare jae jekuaeño uyemɨngeta añetete wae. Espíritu Santo ipuere’ä etei iyapu. Jare kërái jae pemboe wae rupi, jekuaeño piñemɨïru kawi Cristo ndiwe.

1 Juan 5:7

Añetete ime mbapɨ mbaembae uikuaaka kawi yandewe Jesucristo rewa.

Judas 1:20

Erëi pe cheïru puau mii wae reta, jekuaeño piñemɨmɨräta Tumpa iñee jupi wae rupi perowia jese wae. Jare jekuaeño piyerure Tumpa pe Espíritu Santo jei wae rupi.

Apocalipsis 2:11

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta ndarau etei uiporara mano mokuía re.’ Jukuärái ikuatía,” jei chewe.