San Juan 14:20 - Biblia

²⁰ Jare jokua ara ramo pikuaa kawita che aï cheRu ndiwe wae, jare pe reta peï che ndiwe wae, jare che aï pe reta ndiwe wae,” jei chupe reta.

Guaraní Pe (Western): Simba

²⁰ Jocua ara picuaata co che aico cheRu ndive, jare pe reta pico che ndive vae, jare che aico pepɨa pe —jei—.

San Juan 14:20 Iomraidhean Croise

San Juan 10:38

Erëi ayapo ko aï mbaembae cheRu uyapo wae. Jayawe piyemɨngeta kawi pepɨa pe kua mbaembae pecha ayapo aï wae re,” jei chupe reta. “Yepe tëi pipota’ä perowia chiñee re, erëi kua mbaembae ayapo aï wae re yepe chererowia. Jukuärái pikuaa kawita cheRu oï che ndiwe wae, jare che aï cheRu ndiwe wae,” jei Jesús chupe reta.

San Juan 14:10

“¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

San Juan 14:11

“Che jae ma pewe, ‘che aï cheRu ndiwe jare cheRu oï che ndiwe wi.’ Kua aipota perowia. Erëi aramoi pipota’ä perowia yawe kua chiñee re etei, chererowia yepe kua mbaembae che ayapo aï wae re,” jei chupe reta.

San Juan 16:23

Jare ndarau ma pepɨrandu chewe kua mbaembae re,” jei chupe reta. “Che tae pewe añetete wae, pe reta cheree re pepuereta piyerure ipotawe mbae re cheRu pe, jare cheRu uyapota pewe,” jei chupe reta.

San Juan 16:26

“Jokua ara ramo piyerureta Tumpa pe mbaembae cheree re. Jare pepuereta piyerure chupe etei. Piyerureta’ä chewe che ayerure waerä peré cheRu pe.

San Juan 17:11

“CheRu jupiete ye wae, che mbaetɨta ma jekuaeño aï kua ɨwɨ pe, echa’ä a yeta ma aï ndepɨ ramo. Erëi kua kuimbae mii reta upɨtañota kua ɨwɨ pe. Jáeramo aeka aï ndewe ndiyandareko kawi waerä jese reta nembaepuere rupi – jokua nunga mbaepuere nde nemee chewe wi,” jei. “Iyandareko jese reta, jae reta yureko waerä pëti ramiño kërái yande pëti ramiño ñaï rami,” jei.

San Juan 17:26

“Che aikuaaka ma chupe reta nde rewa, jare jekuaeño che ayapota jukuärái jae reta cherau waerä kërái nde cherau rami. Jare jukuärái che etei aïta jae reta ndiwe. Jukuärái ko ayerure ndewe,” jei Jesús.

San Juan 17:7

Jae nunga wi che amɨmbeu kawi ma chupe reta niñee nde nemee chewe wae, jare jae reta wɨrowia ma jese. Añawe ramo jae reta uikuaa jokua ñee ndewi etei ko ou wae. Uikuaa kawi reta che ndewi ko ayu wae, jare wɨrowia reta ma nde ko chembou wae,” jei.

Romanos 16:7

Jare pembɨsaluda mii chewe cherëtáɨwa reta Andrónico jare Junias. Che aiko yawe peresorɨru pe, jae reta yureko wi che ndiwe joko pe. Jae reta wɨrowia Cristo re ndei che arowia jese mbowe, jare Jesús omondo wae reta uyemɨngeta kawi jese reta.

Romanos 8:1

Jayawe ¿mbae ra añawe yandepuere yaikuaa opaete kua mbaembae reta rupi? ¿Kërái ra ko ñaï añawe yande reta Cristo re pëti ramiño yaiko wae? Añawe yaikuaa ñaï Tumpa ndarau ma yanembɨjeko.

1 Corintios 1:30

Pe retái piyeyapo’ä ko pëti ramiño Jesucristo re. Tumpa ko uyapo jokua mbae. Jare Cristo rupi Tumpa uikuaaka yandewe iyarakuaa. Echa’ä Cristo uyapo wae rupi opa ma uyembɨepɨ teko yareko wae, jare jukuärái Tumpa umae yanderé yandereko mbae wae rami jare ñaneñono tee jae imaerä.

2 Corintios 12:2

Che ɨma ma arowia Cristo re. Jare uasa ma catorce año chereraa ara ɨwatete oï wae pe – jokua ko jae kiape Tumpa oï wae pe etei. Aikuaa’ä oo ra cherete ani oo’ä ra.

2 Corintios 13:5

Pemae kawi piyé etei pikuaa waerä añetete ra perowia peï Cristo re wae. Jesucristo oï yawe pepɨa pe, jayawe pikuaa ko perowia kawi peï.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

Gálatas 2:20

Echa’ä che arowia Cristo re ramo, cherekowe indechikue umano rami jokua kurusu re Cristo ndiwe. Jare ndarau ye ma aiko tenonde aiko rami, echa’ä añawe Cristo oï ma chepɨa pe. Jare añawe imeño cherekowe aï rambuewe, jekuaeño arowiata Tumpa Taɨ re. Echa’ä jae cherau jare uñemee umano waerä cheré.

Efesios 2:10

¿Maera ra yayapo jayawe mbaembae ikawi wae? Mase, Tumpa umbɨpɨau ma yanderekowe jae yandapo pëti ramiño Cristo re yawe. Jare añawe yanderekowe uyembɨpɨau ma ramo, Tumpa uipota yayapo waerä mbaembae ikawi wae tenonde wiwe jae uipota yayapo waerä wae. Echa’ä jokuaerä ko Tumpa yandapo.

Colosenses 1:19

Jukuärái ko, echa’ä Tumpa etei iko Taɨ jete re opaete imbaepuere rewe. Jukuärái Tumpa uipota iko jare jukuärái jae uyapo.

Colosenses 1:27

Echa’ä Tumpa uikuaaka ma yandewe kërái opaete wae ipuere uyekou mbae ikawiete ye wae re – jae ko ipuere onoi Cristo ipɨa pe kërái pe reta penoi wae rami. Jare jukuärái ipuere uäro reta wi uyerowia katu rewe uyekou reta waerä Tumpa imbaepuere jembipete ye wae re.

Colosenses 2:9

Cristo ko jae ikawiete wae opaete jokua nunga arakuaa wi, echa’ä Cristo ko jae Tumpa etei uyeyapo kuimbaerä wae.

1 Juan 4:12

Mbaetɨi kiawe uecha Tumpa. Erëitu yayerau päwe ñaï yawe, ñañemɨïru kawi ko ñaï Tumpa ndiwe jare yaau ko ñaï Tumpa kërái jae jukuäraiño mái uipota wae rupi.