San Juan 14:2 - Biblia

² “CheRu jëta pe ime jeta o, jare uepitɨ oï opaete pewarä. Jukuärai’ä yawe, amɨmbeuta tëi ko pewe. Che ata ma aï joko pe ayapɨkatu waerä kiape peïta che ndiwe wae.

Guaraní Pe (Western): Simba

² CheRu jenta pe ime jeta o. Jucuarãi'ã yave, amɨmbeuta tẽi co peve. Aata ayapɨcatu perendarã —jei Jesús chupe reta—.

San Juan 14:2 Iomraidhean Croise

San Lucas 14:22

“Jayawe uyeyokui wae oo uyapo karái jei wae. Jare opa ma uyapo yawe, jei karái pe: ‘Karái, ayapo ma opaete nde ndere chewe wae, erëitu imeño amokue tenda reta ipo mbae oï wae,’ jei chupe.

San Juan 13:33

“Mase cherɨwɨ mii reta, michi pewaño ma aïta pe reta ndiwe. Koiñoete ma ou oï ara pe reta chereka tëi waerä. Erëi pe reta pepuere’ä peo parawete che ata aï wae pe. Jukuärái che jae judío itenondewa reta pe wi, jare añawe jukuäraiete wi che jae aï pewe,” jei chupe reta.

San Juan 13:36

Jayawe Simón Pedro jei Jesús pe: “CheYa, ¿ketɨ pa ndeota?” jei chupe. Jare Jesús jei chupe: “Ndarau añawe ndepuere ndeo che ata wae pe. Erëi taɨkue rupi ndeota neï kuri joko pe,” jei chupe.

San Juan 14:28

“Che jae ma pewe: ‘Che ata ma jare ayu yeta aiko waerä pe reta ndiwe.’ Jukuärái amɨmbeu pewe. Jare pe reta añetete cherau yawe, piyerowiata tëi ko, echa’ä che a yeta ma aï cheRu oï wae pe. Jare cheRu imbaepuere tuichaete chewi,” jei chupe reta.

San Juan 16:4

Erëi che amɨmbeu ma pewe kua ndei uyeyapo mbowe pemandúa waerä kua chiñee re jokua ara uwäe ma yawe,” jei chupe reta. “Kua mbaembae reta amɨmbeu’ä pewe tenonde wiwe, echa’ä che aiko pe reta ndiwe ramo jare puepɨ opa mbaembae wi.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

Hechos 9:16

Jare che etei aikuaakata chupe kërái jae uiporaraeteta chewe uyeyokui oï wae re.” Jukuärái yandeYa jei Ananías pe.

2 Corintios 5:1

Yande yaikuaa yanderete kua ɨwɨ pewa opata ko. Jae ko pëti tëta ɨma’ä iko wae rami. Erëi yanderekowe opa yawe kua ɨwɨ pe, Tumpa umeeta yandewe yanderete ipɨau wae. Jare jokua ndarau etei opa, echa’ä ara pewa ko. Kua ɨwɨ pewa’ä ko.

1 Tesalonicenses 5:9

Echa’ä Tumpa ñaneñono tee ma yanderepɨ waerä Jesucristo rupi – mbaetɨ ko uitɨ waerä yanderé iarasɨ.

Tito 1:2

Jae reta wɨrowia kawi yawe Cristo re jare yemboe añetete wae uikuaa kawi reta yawe, wɨrowia katu rewe uärota ñonoï tekowe opa mbae wae. Echa’ä ndei ɨwɨ uyembɨpɨ mbowe, Tumpa jei umeeta oï yandewe tekowe opa mbae wae. Jare Tumpa ndarau etei iyapu yandewe.

Hebreos 11:10

Erëi Abraham pewarä, jokua mbae’ä etei ko chupe. Echa’ä jae uäro iko jokua tëta wasu opa mbae wae Tumpa etei uyapota wae.

Hebreos 13:14

Echa’ä yaikuaa kua ɨwɨ jare opaete tëta wasu reta oï pɨpe wae ndarau ɨma iko. Erëi jokua tëta wasu yande ñaäro ñaï wae ara pewa ko jare ndarau etei opa.

Hebreos 9:8

Opaete kua mbaembae rupi Espíritu Santo uikuaaka iko chupe reta kua: jokua tupao tenondewa imeño iko rambuewe, tape Tumpa pe oo wae ndeiño uyepea iko opaete wae reta pewarä.

Apocalipsis 21:2

Jare aecha wi tëta wasu Tumpa oñono tee wae uweyɨ ou oï ara wi Tumpa oï wae wi. Jae ko Jerusalén ipɨau wae jei chupe reta wae. Uyeyapɨkatu kawi oï jare maepöraete, pëti kuñatái umendata oï wae rami.

Apocalipsis 3:12

‘Ikawi mbae wae umɨamɨri wae reta pe che ameeta yureko waerä tupao wasu ara pe kiape cheTumpa jee uyembutuichaka oï wae pe. Joko pe onoita reta mbaepuere pëti ɨkɨta ipɨrätaete wae rami, jare joko pe ñonoïta reta jaeño mái pewa. Jare che aikuatiata aï jese reta cheTumpa jee jare cheTumpa jëta wasu jee – jae ko tëta wasu Jerusalén ipɨau wae cheTumpa ombouta oï ara wi wae. Jae ramiño wi aikuatiata aï jese reta cheree ipɨau wae. Jukuärái ayapota upurumɨamɨri wae reta pe.

Apocalipsis 3:21

‘Che opa ma apurumɨamɨri, jare joko wi awapɨ cheRu ndiwe iwapɨa mburuwicha wasu pewa re. Jare jukuärái wi ikawi mbae wae umɨamɨri wae reta pe che ameeta uwapɨ waerä che ndiwe chewapɨa pe.