San Juan 14:13 - Biblia

¹³ “Jayawe ipotawe mbae re pe reta piyerure yawe cheRu pe cheree re, che ayapota aï. Echa’ä jukuärái ayapota cheRu jee uyembutuichaka waerä.

Guaraní Pe (Western): Simba

¹³ Pepuereta piyerure ipotave mbae re cheree re, jare che ayapota peve, cheRu uyembɨadoraca vaerã che ayapota vae rupi —jei—.

San Juan 14:13 Iomraidhean Croise

San Mateo 21:22

“Jare pipota yawe Tumpa ipotawe mbae uyapo waerä pewe, piyerure Tumpa pe jese. Jare perowia kawi Tumpa uyapota oï pewe yawe, jayawe uyapota ko,” jei Jesús jemimboe reta pe.

San Mateo 7:7

Jayawe Jesús jei wi chupe reta: “Mbae uata oï pewe yawe, piyerureñoi Tumpa pe jese. Pekañoi chupe jare jae umeeta pewe. Piyerure chupe kía öke pe ueni pɨi oï wae rami, jare jae uipeata pewe,” jei.

Marcos 11:24

“Jáeramo che tae pewe, piyerure yawe Tumpa pe ipotawe mbae re, jare perowia Tumpa umee ma ko pewe yawe, jayawe penoita ko,” jei chupe reta.

San Lucas 11:9

“Jayawe che tae pewe, mbae uata oï pewe yawe, piyerureñoi Tumpa pe jese. Pekañoi chupe, jare jae umeeta pewe. Piyerure chupe kía öke pe ueni pɨi oï wae rami, jare jae uipeata pewe,” jei.

San Juan 10:30

Añetete, che jare cheRu pëtiño ko noï,” jei chupe reta.

San Juan 12:44

Pëti wese ye Jesús omoë iñee chupe reta usapɨkai rewe: “Kía wɨrowia cheré wae, mbaetɨ ko chereño wɨrowia oï. Wɨrowia ko oï wi Tumpa chembou wae re.

San Juan 13:31

Jayawe oë ma oo yawe Judas, Jesús jei: “Añawe ramo che kuimbaerä ayeyapo wae cheree uyembutuichakata oï. Jare Tumpa jee uyembutuichakata oï wi che rupi.

San Juan 14:14

Piyerure yawe ipotawe mbae re cheree re, che ayapota aï pewe,” jei Jesús chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 15:16

“Pe reta’ä ko cheparawo. Che ko puparawo, jare amee ma pewe mbarawɨkɨ – jae ko opaete kerupi peo wae rupi Tumpa jeko ikawi wae tuyekuaa jeta peré. Jare jekuaeño jukuärái tuiko. Jare jayawe cheRu uyapota oï pewe ipotawe mbae piyerure jese cheree re wae,” jei chupe reta.

San Juan 15:7

“Erëi pe reta jekuaeño piñemɨïru kawi yawe che ndiwe jare jekuaeño piyapo yawe che pomboe wae rupi, jayawe pepuereta piyerure cheRu pe ipotawe mbae pipota wae re, jare cheRu uyapota oï pewe,” jei chupe reta.

San Juan 16:23

Jare ndarau ma pepɨrandu chewe kua mbaembae re,” jei chupe reta. “Che tae pewe añetete wae, pe reta cheree re pepuereta piyerure ipotawe mbae re cheRu pe, jare cheRu uyapota pewe,” jei chupe reta.

San Juan 16:26

“Jokua ara ramo piyerureta Tumpa pe mbaembae cheree re. Jare pepuereta piyerure chupe etei. Piyerureta’ä chewe che ayerure waerä peré cheRu pe.

San Juan 16:7

“Erëi che tae pewe añetete wae, ikawita ko pewe che a ye waerä. Echa’ä che a yewɨ'ä yawe, ndarau ou pewe jokua Oporomborɨ wae. Erëi a ye yawe, ambouta pewe ara wi,” jei chupe reta.

San Juan 4:10

Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 5:19

Jayawe Jesús jei chupe reta: “Che tae pewe añetete wae, che Tumpa Taɨrä aï wae, cheiño chepuere’ä mbae ayapo. Jaeño mbae aecha cheRu uyapo wae chepuere ayapo. Jare jokua mbaembae cheRu uyapo wae, jokua etei che ayapo wi,” jei.

San Juan 7:37

Jayawe uwäe tabernáculos iara reta iyapɨ pe. Jokua ara ikawiete ïru ara reta wi chupe reta waerä. Jayawe Jesús uyemboɨ jare jei usapɨkai rewe: “Ime yawe kía iɨwe wae, tou chekotɨ tuyemɨngapɨɨ,” jei.

1 Corintios 14:13

Jayawe ime yawe kía uipota uyemɨngeta piyembatɨ pe ambɨe ñee pe wae, tuyerure mii Tumpa pe ipuere waerä wi umɨmbeu kawi ñaniñee pe mbae uipota jokua ñee jei wae. Echa’ä aramoi jae awe uikuaa’ä mbae uyemɨngeta oï wae.

Efesios 2:18

Jukuärái Cristo uyapo yandewe ramo, päwe rewe yandepuere yaya yandeRu Tumpa re Espíritu Santo rupi.

Efesios 3:12

Jayawe Cristo re yarowia ramo, pëti ramiño ñaï jese. Jáeramo yandepuere ñañemɨïru kawi Tumpa ndiwe yakɨye mbae rewe jare yandepɨawiwe rewe.

Efesios 3:14

Chepɨa pe ayemɨngeta yawe Tumpa ipɨayemɨngeta ikawiete wae re, añeñono chetawa re yandeRu Tumpa jowai ayerure waerä chupe peré. Jae ko yandeYa Jesucristo Tu.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

Colosenses 3:17

Jare opaete mbaembae piyapo wae jare pere wae, piyapo yandeYa Jesús jee re. Jare jukuärái piyapota pemee rewe yasurupái Tumpa pe jare pemandúa rewe opaete mbaembae Cristo uyapo pewe wae re.

Hebreos 13:15

Añawe rupi yande reta mbaetɨ ma yambɨyerowia Tumpa mbaemɨmba reta yaraa ñamee chupe wae rupi. Echa’ä Cristo opa ma umbɨambɨe opaete jokua yandewe. Añawe rupi yambɨyerowia ko Tumpa jae jee yambutuicha wae rupi. Jayawe yambutuicha jae jee opaete wae jowake.

Hebreos 4:15

Kua yandesacerdote tenondewaete umae yanderé yandeparareko rewe ñanepɨräta’ä ñaï yawe, echa’ä jae uikuaa kërái ko jokua ñanepɨräta’ä wae. Echa’ä kua ɨwɨ pe iko rambuewe, ou Jesús pe opa kërái rupi uyawɨka waerä tëi chupe Tumpa kotɨ wae yande rami. Erëi jae pëti wese awe uyawɨ'ä Tumpa kotɨ.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.

Santiago 1:5

Erëi ime yawe kía pepɨte rupi kua mbaembae rewa arakuaa uata chupe wae, tuyerure Tumpa pe jokua re. Jare Tumpa umeeta chupe arakuaa. Echa’ä Tumpa umeeta arakuaa ipɨakawi rewe jare umɨanga mbae rewe opaete ueka reta chupe wae pe.

Santiago 5:16

Jáeramo pe reta piyawɨ yawe Tumpa kotɨ, piyemɨmbeu peyupe piñemɨmichi rewe. Jare piyerure piyé Tumpa pe pekuera waerä. Añetete ko, pëti jupi wae ipɨa rewe uyerure yawe Tumpa pe mbae re, jokua yerure ime onoi mbaepuere.

1 Pedro 2:5

Tumpa peapo oï pëti tupao wasu rami Espíritu Santo iko pɨpe waerä. Añetete pe reta ko jae jokua tupao wasu pewa ita tekowe ime onoi wae reta rami. Jukuärái Tumpa peñono tee oï piko waerä sacerdote retarä. Echa’ä jae uipota pe reta piyeyokui waerä chupe jare piyapo waerä jokua mbaembae jae umbɨyerowia wae. Jare jukuärái pepuere piyapo Jesucristo pemborɨ oï wae rupi.

1 Juan 3:22

Jare ipotawe mbae yayerure chupe wae, jae uyapota yandewe, echa’ä yayapo jae jei wae ramo jare yayapo mbaembae jae umbɨyerowia wae ramo.

1 Juan 5:14

Jáeramo yandepuere yayerure Tumpa pe ipotawe mbae re. Jare yayerure yawe jae uipota wae rupi, yandepuere yarowia katu jese uyandu waerä yandewe yandiyerure.