San Juan 14:12 - Biblia

¹² “Che jae aï pewe añetete wae, jokua cheré wɨrowia wae reta uyapota wi kua nunga mbaembae che ayapo wae etei. Añetete jae reta uyapota tuichaete ye mbaembae chewi, echa’ä che ata aï cheRu oï wae pe jare joko wi che amborɨta reta,” jei chupe reta.

Guaraní Pe (Western): Simba

¹² Añete che jae peve, cheré güɨrovia vae uyapota mbaravɨquɨ reta che ayapo ma vae reta rami. Jare iparavɨquɨ reta tuicha eteta cheparavɨquɨ reta güi, che aata cheRu pe ramo —jei—.

San Juan 14:12 Iomraidhean Croise

San Mateo 21:21

Jayawe Jesús jei chupe reta: “Che tae pewe añetete wae, pe reta perowia yawe añetete rewe Tumpa re, jayawe pepuereta wi piyapo kua nunga che ayapo ɨwa pe wae. Jare jokuaño’ä ko. Pepuereta wi pere kua ɨwɨtu wasu raɨ pe oo uyemombo waerä mar pe, jare jukuärái uyeyapota ko pewe,” jei.

Marcos 11:13

Jare mbɨrɨ wi uecha pëti ɨwa jokɨ kawi oï wae. Jayawe oo tëi ikotɨ umae jese ime ra ía wae. Erëi mbaetɨ ía; jaeño jokɨ, echa’ä ndei uwäe ara ía waerä.

Marcos 16:17

“Jare jeta wae reta uechata cheré wɨrowia wae reta uyapo ñonoï kua nunga mbaembae reta: Cheree re jae reta omoëta aña uyembɨiya jese wae reta wi. Jare uyemɨngetata reta ambɨe ñee reta pe – jokua jae ñee mbaetɨi uyemɨngeta pɨpe wae.

San Juan 14:28

“Che jae ma pewe: ‘Che ata ma jare ayu yeta aiko waerä pe reta ndiwe.’ Jukuärái amɨmbeu pewe. Jare pe reta añetete cherau yawe, piyerowiata tëi ko, echa’ä che a yeta ma aï cheRu oï wae pe. Jare cheRu imbaepuere tuichaete chewi,” jei chupe reta.

San Juan 16:7

“Erëi che tae pewe añetete wae, ikawita ko pewe che a ye waerä. Echa’ä che a yewɨ'ä yawe, ndarau ou pewe jokua Oporomborɨ wae. Erëi a ye yawe, ambouta pewe ara wi,” jei chupe reta.

San Juan 4:37

“Pe pikuaa kërái jeta wae reta jei kuärái: ‘Pëti wae umaetɨ jare ïru wae umbaewɨro,’ jei reta. Jare jukuäraita wi ko pemaerä.

San Juan 5:20

“Jare jokua mbaembae che chepuere ayapo wi, echa’ä cheRu cherau che jae Taɨrä aï wae, jare jae uechaka ma chewe opaete mbaembae uyapo oï wae,” jei. “Erëi kua mbaembae pe reta cherecha ma ayapo wae, mbaetɨ ko mbae awe. Che ayapota aï wi mbaembae ikawiete ye wae cheRu jei wae rupi. Jare pe reta pepɨakañɨta peï jese kuri,” jei.

San Juan 7:33

Jare Jesús jei opaete wae pe: “Mbaetɨta ɨma aï pe reta ndiwe. Joko wi ɨmambaeño a yeta ma chembou wae pe.

San Juan 7:39

Jesús kua jei yawe, uyemɨngeta iko umbɨjaanga rewe Espíritu Santo re – jae ko Tumpa umeeta iko opaete kía kía Jesús re wɨrowia wae reta pe wae. Jukuärái Jesús jei yawe, ndeiño uñemee chupe reta Espíritu Santo, echa’ä Jesús ndeiño oo ye ara pe ramo.

Hechos 10:46

Uikuaa yureko reta Tumpa umee ma chupe reta wae, echa’ä uyandu reta umbutuicha yureko Tumpa jee ambɨe ye ye ñee reta jae reta uyemɨngeta mbaei pɨpe wae rupi.

Hechos 16:18

Jeta ara reta rupi jokua kuñatái uyapo jukuärái. Jayawe Pablo ikueri ma uyandu jokua ñee. Jáeramo pëti ara Pablo aramoiño uyerowa jei aña pe: “Jesucristo jee re tae ndewe: ¡Esɨrɨ kua kuñatái wi!” jei chupe. Jare jupiwoiño aña usɨrɨ chuwi.

Hechos 19:12

Jukuärái Pablo iasoya omonde wae jare ipañera yepe kía wɨraa oñono yawe imbaerasɨ wae re, imbaerasɨ wae ukuera woi. Jare oñono yawe aña uyembɨiya jese wae re, aña usɨrɨ woi chuwi.

Hechos 2:33

“Añawe Tumpa wɨraa ma Jesús ara pe. Jare joko pe uwapɨ oï Tumpa iyakata kotɨ, jare Tumpa ndiwe Jesús ime onoi mbaepuere opaete wae re,” jei. “Tumpa jei umeeta iko Jesús pe ombou waerä Espíritu Santo, jare jukuärái añawe uyapo ma. Echa’ä Jesús etei ombou ma kua Espíritu Santo orewe. Jayawe kua pe reta añawe pecha jare piyandu peï wae Espíritu Santo imbaepuere etei ko,” jei chupe reta.

Hechos 2:41

Jayawe jokua ara mbapɨ miri rupi wɨrowia reta jare uyembɨsakambuka reta ɨ pe. Jare jae reta uñemɨïru ïru wae reta Cristo re wɨrowia wae ndiwe.

Hechos 4:16

“¿Mbae ra yayapota kua kuimbae reta ndiwe?” jei reta. “Echa’ä opaete Jerusalén pewa reta uikuaa ñonoï uyapo reta ma mbae kiawe ipuere’ä uyapo wae. Jare ndarau yandepuere yaikuaku.

Hechos 4:33

Jare mbaepuere tuicha wae rewe Jesús jemimboe tenondewaete reta jekuaeño umɨeräkua Jesús rewa kërái Tumpa umbɨjekowe ye ueru umanokue wae reta ipɨte wi. Jare Tumpa ipɨakawiete rupi omborɨ opaete Cristo re wɨrowia wae reta.

Hechos 4:4

Erëitu jokua uyembatɨ wae reta ipɨte wi, jeta wɨrowia reta Pedro jare Juan oporomboe wae re. Jáeramo añawe Cristo re wɨrowia wae reta kuimbae retaño uyepapa pandepo miri rupi.

Hechos 5:15

Jare jeräkua opaete wae reta pe jokua mbaembae ikawi wae Jesús jemimboe tenondewaete reta uyapo yureko wae rewa. Jáeramo jeta wae reta wɨraa imbaerasɨ wae reta jupa rewe oñono tapembeɨ rupi. Jukuärái uyapo reta Pedro iwarasɨ̈a yepe uasa waerä amokue wae reta iáramo rupi Pedro uasa oo oï yawe, jare jukuärái ipuere ukuera reta waerä.

Hechos 6:7

Jáeramo Tumpa iñee jekuaeño uñemɨái opaete tëta wasu Jerusalén rupi. Jayawe jokoropi uyembɨjeta Cristo re wɨrowia wae reta. Jare jeta judío isacerdote retawe wɨrowia wi Jesús re.

Hechos 8:7

Echa’ä Felipe omoë jeta wae reta wi aña uyembɨiya jese wae reta. Jare opaete joko pe yureko wae reta uyandu aña reta jäse rewe oë uyembɨiya iko jese wae reta wi. Jare uecha reta wi jeta omɨ mbae iko wae reta ukuera, jare uwata mbae iko wae reta uwata ma.

Hechos 9:34

Jayawe Pedro jei chupe: “Eneas, Jesucristo nemɨnguera ma. Epüa, embɨyapa jare eupi nderupa,” jei chupe. Jare jupiwoiño jae upüa.

Hechos 9:40

Jayawe Pedro omoë opaete jae reta o wi. Jare jaeño pe etei iko yawe, uñeñono itawa re jare uyerure Tumpa pe. Joko wi uyerowa umae Dorcas jetekue re jare jei: “¡Tabita, epüa!” jei. Jayawe kuña uipea jesa jare umae. Jare uecha Pedro yawe, upüa uwapɨ.

Romanos 15:19

Jare jokuaerä wi ko Espíritu Santo umee chewe mbaepuere ayapo waerä mbaembae kiawe ipuere’ä uyapo wae. Jayawe jukuärái opa ma amɨmbeu araa araa chupe reta ñee ikawi wae Cristo rewa opaete kerupi Jerusalén wiwe ɨwɨ Ilírico pe rewa.