San Juan 14:10 - Biblia

¹⁰ “¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

Guaraní Pe (Western): Simba

¹⁰ ¿Perovia'ã pa che aico cheRu ndive jare cheRu ico che ndive vae? Ñee amɨmbeu peve vae chembaeño'ã co. Echa'ã cheRu ico che ndive, jare jae uyapo mbaravɨquɨ reta —jei Jesús—.

San Juan 14:10 Iomraidhean Croise

San Juan 10:30

Añetete, che jare cheRu pëtiño ko noï,” jei chupe reta.

San Juan 10:38

Erëi ayapo ko aï mbaembae cheRu uyapo wae. Jayawe piyemɨngeta kawi pepɨa pe kua mbaembae pecha ayapo aï wae re,” jei chupe reta. “Yepe tëi pipota’ä perowia chiñee re, erëi kua mbaembae ayapo aï wae re yepe chererowia. Jukuärái pikuaa kawita cheRu oï che ndiwe wae, jare che aï cheRu ndiwe wae,” jei Jesús chupe reta.

San Juan 11:26

Jare opaete jekowe ñonoï wae cheré wɨrowia wae reta yurekota jaeño mái pewa. ¿Nderowia pa kua che jae aï ndewe wae?” jei Jesús Marta pe.

San Juan 12:49

echa’ä chiñee ou’ä chewiño. CheRu ko chembou, jare jae ko jei chewe mbae jae waerä jare kërái jae waerä,” jei.

San Juan 14:11

“Che jae ma pewe, ‘che aï cheRu ndiwe jare cheRu oï che ndiwe wi.’ Kua aipota perowia. Erëi aramoi pipota’ä perowia yawe kua chiñee re etei, chererowia yepe kua mbaembae che ayapo aï wae re,” jei chupe reta.

San Juan 14:20

Jare jokua ara ramo pikuaa kawita che aï cheRu ndiwe wae, jare pe reta peï che ndiwe wae, jare che aï pe reta ndiwe wae,” jei chupe reta.

San Juan 14:24

“Erëi cherau’ä wae reta ndarau uyapo chiñee rupi. Jáeramo, ¿maera pa ayekuaakata chupe reta jayawe?” jei. “Kua aporomboe aï wae chiñeeño’ä ko. Jae ko cheRu chembou wae iñee etei,” jei Jesús chupe reta.

San Juan 3:2

Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

San Juan 5:17

Erëi Jesús ukɨye’ä chuwi reta. Jae jei chupe reta: “CheRu jekuaeño uyapo oï mbarawɨkɨ ipɨakawi pewa. Jare jukuärái che ayapo aï wi,” jei chupe reta.

San Juan 5:19

Jayawe Jesús jei chupe reta: “Che tae pewe añetete wae, che Tumpa Taɨrä aï wae, cheiño chepuere’ä mbae ayapo. Jaeño mbae aecha cheRu uyapo wae chepuere ayapo. Jare jokua mbaembae cheRu uyapo wae, jokua etei che ayapo wi,” jei.

San Juan 7:16

Jayawe Jesús jei chupe reta: “Kua aporomboe aï wae, chiñee’ä ko. Jae ko jokua chembou wae iñee,” jei.

San Juan 8:28

Jáeramo Jesús jei wi chupe reta: “Che kuimbaerä ayeyapo wae, pe reta cheñonota peï kuri pëti kurusu re jare chembɨyemboɨta cheñono peï opaete wae jowake. Jayawe ramo pikuaata peï kuri CHE KO CHE wae. Jare pikuaata peï wi cheiño’ä ko mbae ayapo wae. Jaeño ko cheRu jei chewe wae rupiño che jae pewe wi,” jei.

San Juan 8:38

“Kua che aikuaaka aï pewe wae, jae ko cheRu uechaka chewe wae. Erëitu pe reta piyapo peï peru jei waeño,” jei Jesús chupe reta.

San Juan 8:40

Erëi jukuärai’ä piyapo peï. Echa’ä añawe yepe tëi che aikuaaka ma pewe añetete wae Tumpa jei chewe wae, erëitu pe reta pipota cheyuka peï. Abraham uyapo’ä jokua nunga mbae.

Colosenses 1:19

Jukuärái ko, echa’ä Tumpa etei iko Taɨ jete re opaete imbaepuere rewe. Jukuärái Tumpa uipota iko jare jukuärái jae uyapo.

Colosenses 2:9

Cristo ko jae ikawiete wae opaete jokua nunga arakuaa wi, echa’ä Cristo ko jae Tumpa etei uyeyapo kuimbaerä wae.

1 Juan 5:7

Añetete ime mbapɨ mbaembae uikuaaka kawi yandewe Jesucristo rewa.