San Juan 13:9 - Biblia

⁹ Jayawe Pedro jei Jesús pe: “Jayawe, cheYa, iyoe chepo jare chäka wi. Awɨye iyoe chepɨño,” jei chupe.

Guaraní Pe (Western): Simba

⁹ Jayave Simón Pedro jei: —CheYa, iyoe chepo jare cheãca vi - agüɨye iyoe chepɨño.

San Juan 13:9 Iomraidhean Croise

San Mateo 27:24

Jayawe Pilato uikuaa ipuere’ä mbae uyapo ombopoika waerä Jesús, echa’ä judío reta umbɨpɨ ma uyembopochɨ ikotɨ. Jáeramo ueruka ɨ, jare umbɨjaanga rewe uyepoe pɨpe uyembatɨ wae reta jowai jei rewe: “Che mbaetɨ anoi teko kua kuimbae jupi wae imano re. Añawe aeya pepo pe,” jei chupe reta.

San Juan 13:10

Jayawe Jesús jei chupe: “Uyau ma wae ipɨño ma oyoeta, echa’ä jete ikɨa’ä ma oï. Jare pe reta ikɨa mbae ma ko. Erëi ime pëti pepɨte pe ikɨa reweño oï Tumpa kotɨ wae,” jei chupe reta.

San Juan 13:8

Jayawe Jesús jei chupe: “Che ndepɨ ayoe’ä yawe, ndarau etei ndepuere ndiko cheremimboerä,” jei chupe.

Hebreos 10:22

Cristo opa ma yandepɨa oyoe awɨye waerä yandepɨa jekuaeño yanembɨjeko mbaembae kachi yayapo wae re. Jare kërái sacerdote reta jete oyoe ipuere waerä uyeyokui Tumpa pe rami, jukuärái wi Cristo opa yandepɨayoe Tumpa kotɨ ɨ jesäka kawi wae pe rami ko. Jáeramo Cristo opa ma uyapo yandewe kua mbaembae reta ramo, yaya mii Tumpa re yandepɨa añetete rewe jare yarowia katu rewe.

1 Pedro 3:21

Jare jokua ko jae pëti yembɨjaanga yembɨsakambu re. Echa’ä jukuärái rupi pe reta penoi tekowe opa mbae wae. Erëi mbaetɨ ɨ peyoe wae rupi penoi tekowe opa mbae wae. Pe reta penoi tekowe opa mbae wae, echa’ä Tumpa uyapo ma peï waerä jae jowai pepɨa pembɨjeko mbae rewe. Jare jokua ko pemɨmbeu piyembɨsakambuka yawe ɨ pe. Añetete yandeYa Jesucristo ikowe ye ou umanokue wae reta ipɨte wi, jare jokua rupiño ko yande ñanoi tekowe opa mbae wae.