San Juan 13:34 - Biblia

³⁴ “Añawe che aikuaaka aï pewe mbae ipɨau wae piyapo waerä. Jae ko kua: Piyerauta ko päwe rewe. Piyerau päwe kërái che puau rami.

Guaraní Pe (Western): Simba

³⁴ Amee peve penti mboroyocui ipɨau vae. Piyerau. Piyerau che puau rami —jei Jesús chupe reta—.

San Juan 13:34 Iomraidhean Croise

San Mateo 5:44

Erëi che tae pewe peauta ko perowaicho reta wi. Jare piyerureta Tumpa pe jese reta,” jei.

San Juan 15:17

“Jayawe kua ko che jae aï pewe piyapo waerä: ¡Piyerau päwe!” jei Jesús jemimboe reta pe.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

Romanos 12:10

Piyerau päwe rewe pëti tëtara reta uyerau wae rami, jare awɨye piyembɨtenonde ïru wae reta wi.

Romanos 13:10

Jayawe yande yaau yawe yanderapicha añetete rewe, ndarau yayapo chupe mbae ikawi mbae wae. Jare jukuärái yaiko yawe, yaiko kawita Tumpa jei wae rupi.

Romanos 13:8

Pepía kía pe yawe, awɨye pemaeño ɨma tuasa pembɨepɨ ye waerä chupe. Erëi ime ñanoi pëti mbía opa mbae wae – jae ko yayerauta päwe rewe wae. Jekuaeño piyerau päwe rewe jayawe. Echa’ä kía uau japicha wae, añetete uyapo oï jupi opaete Moisés arakae uikuatía wae.

Gálatas 5:22

Erëi kía iko yawe Espíritu Santo jei wae rupi, upuruauta, uyerowiata, ipɨakatuta, ipɨawasuta, ipɨakawita, jeko kawita, wɨrowia kawita Tumpa re,

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Gálatas 6:10

Jáeramo yayapo mii ikawi wae opaete wae pe yandepuere wae rupi. Erëi tenonde Cristo re wɨrowia wae reta rani ko yamborɨta.

Gálatas 6:2

Jayawe piyemborɨ katu yembɨawái reta rupi, piyemborɨ katu tewɨta poɨ wae pewoɨ wae rami. Jare jukuärái piyapo kawita peï kuri Cristo jei yandewe yayapo waerä wae.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

Colosenses 1:4

Numee chupe yasurupái jae mbaembae uyapo oï pepɨte pe wae re. Echa’ä pe reta pereräkua ma orewe kërái perowia Jesucristo re jare kërái peau peï wi opaete Cristo re wɨrowia wae reta.

1 Tesalonicenses 3:12

Jare yandeYa tuparawɨkɨ pepɨa pe jeiete piyerau päwe waerä jare jeiete peau waerä opaete wae reta kërái ore puau rami.

2 Tesalonicenses 1:3

Ore jekuaeño numee yasurupái Tumpa pe peré, hermano mii reta. Jare jupi ko jukuärái nduyapo waerä. Echa’ä jekuaeño ukuakuaa oo oï kërái perowia Tumpa re wae, jare jekuaeño wi tuicha rupi piyerau peï päwe rewe.

Hebreos 13:1

Jayawe, ¿këraita ra yaiko yambɨyerowia waerä Tumpa? Pe reta ko jae Tumpa jëtara reta. Jáeramo piko jekuaeño piyerau päwe rewe.

Santiago 2:8

Tumpa iñeerɨru pe uyekuatía oï kuärái: “Peau perapicha kërái pe reta etei piyerau wae rami,” jei. Tumpa – jae ko yaneMburuwicha wasu etei – jei ma yandewe jukuärái yayapo waerä. Jayawe pe reta peau yawe perapicha añetete rewe, jupi wae ko piyapo peï.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

2 Pedro 1:7

jare pepɨakawi waerä peyupe, jare piyerau waerä päwe rewe.

1 Juan 3:11

Kua ñee ipɨau wae’ä ko. Echa’ä pe reta piyanduño mái imeta ko yayerau päwe rewe.

1 Juan 3:23

Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.

1 Juan 4:21

Jare wi Tumpa yanemboe kuärái: “Jokua uau Tumpa wae, tuau wi ïru hermano reta,” jei.

2 Juan 1:5

Jare añawe nde cherindɨ mii, che numɨñera jekuaeño nemandúa waerä kua Tumpa jei yandewe wae re: yapuruau päwe rewe mii. Kua aikuatía aï ndewe wae, mbae ipɨau wae’ä ko. Jae ko jokua iyɨpɨ wiwe Tumpa jeiño mái yandewe wae.