San Juan 13:31 - Biblia

³¹ Jayawe oë ma oo yawe Judas, Jesús jei: “Añawe ramo che kuimbaerä ayeyapo wae cheree uyembutuichakata oï. Jare Tumpa jee uyembutuichakata oï wi che rupi.

Guaraní Pe (Western): Simba

³¹ Jayave oẽ ma yave Judas, Jesús jei: —Che ayeyapo cuimbaerã. Añave ɨvɨ pegua reta chembɨadorata. Jare umbɨadorata vi Tumpa chereco pegua —jei—.

San Juan 13:31 Iomraidhean Croise

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

San Lucas 12:50

“Erëi che imeta ko aiporara rani tuicha rupi, jare täta rupi chepɨatɨtɨ aï jokua uyeyapo rewa,” jei chupe reta.

San Juan 11:4

Jesús kua uyandu yawe, jei jemimboe reta pe: “Kua mbaerasɨ mano pewa’ä ko. Oa jese jukuärái rupi ïru wae reta uecha waerä Tumpa imbaepuere jupiete ye wae, jare jae nunga wi jukuärái rupi uyembutuichaka waerä che cheree, che Tumpa Taɨrä aiko wae,” jei chupe reta.

San Juan 12:23

Jayawe Jesús jei: “Tenonde che kuimbaerä ayeyapo wae imeta ko mbae asa aï rani, jare jukuärái cheree uyembutuichaka waerä. Jare añawe uwäe ma ara jokua uyeyapo waerä,” jei.

San Juan 12:28

Joko wi Jesús uyerure Tu pe: “CheRu mii, tuyembutuichaka nderee,” jei. Jayawe jupiwoi ou ñee ara wi jei: “Cheree ambutuichaka ma. Jare jokua ayapo yeta aï,” jei.

San Juan 14:13

“Jayawe ipotawe mbae re pe reta piyerure yawe cheRu pe cheree re, che ayapota aï. Echa’ä jukuärái ayapota cheRu jee uyembutuichaka waerä.

San Juan 16:14

“Jare jokuaño’ä ko. Jae nunga wi Espíritu Santo uikuaakata oï pewe che aikuaaka chupe wae, jare jukuärái jae cheree umbutuichakata oï,” jei chupe reta.

San Juan 7:39

Jesús kua jei yawe, uyemɨngeta iko umbɨjaanga rewe Espíritu Santo re – jae ko Tumpa umeeta iko opaete kía kía Jesús re wɨrowia wae reta pe wae. Jukuärái Jesús jei yawe, ndeiño uñemee chupe reta Espíritu Santo, echa’ä Jesús ndeiño oo ye ara pe ramo.

Hechos 2:36

“Jayawe aipota pe cherëtara Israel pewa reta pikuaa kawi waerä kua re: kua Jesús pe reta pikutuka jare piyukaka wae, Tumpa uyapo ma opaete mbaembae iYarä jare Upuruepɨ waerä.” Jukuärái jei Pedro chupe reta.

Hechos 3:13

“Yanderamɨkue reta iTumpa ko kua uyapo wae – jae ko Abraham, Isaac, jare Jacob iTumpa. Jare jukuärái uyapo umbutuichaka waerä Taɨ Jesús jee,” jei chupe reta. “Kua Jesús etei ko pe reta pemee judío mbae wae reta ipo pe piyukaka waerä. Jare yepe tëi mburuwicha Pilato uipota ombopoika waerä Jesús, erëi pe reta pipota’ä jokua.

2 Corintios 3:18

Jare jukuärái ko yande reta. Tenonde yawe yaikuaa’ä yaiko yandeYa. Yandearakuaa uyakasoi ikose rami. Erëi añawe yandearakuaa uyepea ma, jare añawe yaecha kawi ma yandeYa kërái ikawiete ye ko. Jare ñamae yawe yandeYa kotɨ, ndewe ndewe rupi yandeYa iEspíritu jekuaeño yanembɨambɨe oï yandereko oya katu oo waerä yandeYa jeko re. Jare jukuärái yande rupi ïru wae reta ipuere uecha yandeYa kërái ko jae wae.

Efesios 1:12

Jare jae ipɨayemɨngeta wi ko ore judiorä nduiko wae rani ndorowia waerä Cristo re, jare jukuärái rupi jae jee uyembutuichaka waerä.

Efesios 2:7

Jukuärái Tumpa uyapo yandewe uikuaaka kawi waerä opaete wae pe taɨkue rupi kërái tuichaete ko Tumpa ipɨakawi yanemaerä Jesucristo rupi.

Efesios 3:10

Jukuärái Tumpa ipɨayemɨngeta ikoño mái wae uyeyapo ma oï yandeYa Jesucristo rupi. Jare Tumpa uipota wi opaete araɨwa reta uecha waerä jokua mbaembae jae uyapo wae Cristo re yarowia wae reta pe. Jare jukuärái araɨwa reta jare araɨwa itenondewa retawe uikuaa kërái tuichaete ye ko Tumpa iyarakuaa wae.

Filipenses 2:11

Jare jae reta jeita chupe uipɨu rewe: “Nde, Jesucristo, nde ko jae opaete wae iYa,” jeita reta. Jare kua uyeyapo ma yawe, yandeRu Tumpa jee uyembutuichakata oï wi opaete wae pe.

1 Pedro 1:21

Jare kua Cristo uyapo pewe wae rupi pe reta piyeko peï Tumpa re. YandeRu Tumpa jae ko umbɨjekowe ye Cristo ueru umanokue wae reta ipɨte wi wae. Jare jae umbɨjekowe ye ma yawe, umee chupe mbaepuere jupiete ye wae. Jukuärái Tumpa uyapo pe reta pikuaa waerä pepuere perowia katu jese umee waerä pewe opaete jae jei umeeta pewe wae.

1 Pedro 2:12

Pechaka mii teko kawi Tumpa re wɨrowia mbae wae reta ipɨte rupi. Añawe jae reta uyemɨngeta tëi kachi pekotɨ pereko kachi wae echa rami. Erëitu pereko ikawi oï yawe, jae reta uechata jare aramoi ipɨakueeta kuri Tumpa kotɨ. Jayawe uwäe yawe ara opaete wae uyemboɨ waerä Tumpa jowai, jae reta umbutuichata ñonoï Tumpa jee pereko pewa.

1 Pedro 4:11

Jayawe ime yawe kía Tumpa umee chupe iñeengatu uyemɨngeta waerä wae, tuyemɨngeta Tumpa etei uyemɨngeta oï wae rami. Jare ime yawe kía Tumpa umee chupe uyeyokui waerä ïru wae reta pe wae, tuyeyokui mɨräta Tumpa umee chupe wae rupi. Jukuärái ko piyeyokuita peyupe. Jare jukuärái piyapo yawe, jayawe opaete mbaembae piyapo wae rupi, pepɨte pe uyekuaata oï Jesucristo imbaepuere jare jukuärái Tumpa jee uyembutuichakata oï. YandeRu Tumpa tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!