San Juan 13:27 - Biblia

²⁷ Jare Judas jou. Jare jou ma yawe, jupiwoiño uike Satanás ipɨa pe. Jayawe Jesús jei chupe: “Iyapo woi jokua ndiyapota wae,” jei chupe.

Guaraní Pe (Western): Simba

²⁷ Jayave Judas jou ma yave, Satanás oya jese. Jayave Jesús jei Judas pe: —Iyapo voi jocua ndiyapota vae.

San Juan 13:27 Iomraidhean Croise

San Mateo 12:45

“Jayawe aña oo ye ueru ïru chiu aña reta kachiete chuwi wae yureko waerä jokua kuimbae re. Jare juri rewe uike reta yureko waerä jokua kuimbae re,” jei. “Tenonde yawe, pëtiño aña uyembɨiya jese yawe, jokua kuimbae uiporarase. Erëi añawe rupi oete ye ma uiporara parawete,” jei. “Jare jukuärái rami wi ko uasata oï pewe, pe pereko kachi añawe peï wae reta.” Jukuärái jei Jesús jokua mburuwicha reta pe.

San Mateo 4:10

Jayawe Jesús jei chupe: “Esɨrɨ chewi, Satanás. Echa’ä Tumpa iñeerɨru pe uyekuatía oï kuärái: ‘Tumpa jeeño ko pembutuichata, jare chupeño ko piyeyokuita.’ Jukuärái uyekuatía oï,” jei chupe.

Marcos 6:25

Jayawe ɨmambaeño kuñatái uike yewɨ mburuwicha wasu oï wae pe jare jei chupe: “Emee chewe añawe woi Juan upurumbɨsakambu wae iñäka pëti karúa pe,” jei chupe.

San Lucas 22:3

Jayawe Satanás uike Judas Iscariote ipɨa pe. Judas ko jae Jesús doce jemimboe reta wi pëti wae.

San Juan 13:2

Añawe pɨ̈tu ma jare Jesús jemimboe reta ndiwe ukaru päwe yureko reta. Añawasu oñono ma ñee Judas Iscariote ipɨa pe umee waerä Jesús jowaicho reta pe.

San Juan 13:28

Jare joko pe ñonoï wae reta uyandu tëi kua Jesús jei Judas pe wae. Erëi jae reta wɨrowia tëi Jesús oyokui ma Judas oo owa waerä tembiurä ani aramoi umee waerä mbae iparawete wae reta pe. Jukuärái wɨrowia reta tëi, echa’ä Judas uyandarekose opaete jae reta ikorepoti re.

San Juan 6:70

Jayawe Jesús jei chupe reta: “Che etei ko puparawo pe doce wae reta. Erëitu ime pëti pepɨte pe aña pe uyeyokui oï wae,” jei.

Hechos 5:3

Jayawe Pedro jei chupe: “Ananías, nde ndiyapɨsaka ma Satanás jei wae re jare nemaeño ma ndiyembɨtawɨka. Jáeramo ndipota tëi ndapu Espíritu Santo pe, jare nemɨmbɨre ndeyupe ndeɨwɨ jepɨkue,” jei.