San Juan 13:21 - Biblia

²¹ Kua jei ma yawe, Jesús tuicha ipɨatɨtɨ jare jei wi chupe reta: “Che tae pewe añetete wae, pëti yandepɨte pe oï wae chemeeta oï cherowaicho reta pe,” jei chupe reta.

Guaraní Pe (Western): Simba

²¹ Cua jei ma yave, Jesús tuicha ipɨatɨtɨ jare jei: —Añete che jae peve, penti pepɨte pe oĩ vae chemeeta cherovaicho reta pe.

San Juan 13:21 Iomraidhean Croise

San Mateo 26:21

Jare ukaru yureko reta rambuewe, Jesús jei chupe reta: “Che tae pewe añetete wae, pëti yandepɨte pe oï wae chemeeta oï cherowaicho reta pe,” jei chupe reta.

San Mateo 26:38

Jare jei jokua mbapɨ jemimboe reta pe: “Tuicha rupi chepɨatɨtɨ aï jare amano pota echa. Pepɨta mii kua pe che ndiwe, jare awɨye peke wi,” jei chupe reta.

Marcos 14:18

Jare ukaru yureko reta rambuewe mesa pe, Jesús jei chupe reta: “Che tae pewe añetete wae, pëti yandepɨte pe ukaru oï yande ndiwe wae chemeeta oï cherowaicho reta pe,” jei chupe reta.

Marcos 3:5

Jayawe pochɨ rewe Jesús umae iyɨpɨ rupi ñonoï wae reta re, jare tuicha ipɨatɨtɨ jae reta ipɨatäta ramo. Jayawe jei kuimbae pe: “Emɨsɨmi ndepo,” jei chupe. Jayawe kuimbae ipo umɨsɨmi jare ukuera woi.

San Juan 11:33

Jare Jesús uecha yawe María jare opaete judío María umɨïru wae reta uyao ñonoï, tuicha rupi ipɨatɨtɨ jare uiparareko reta.

San Juan 11:35

Jayawe Jesús jesaɨ oë ipɨatɨtɨ ramo.

San Juan 11:38

Jayawe Jesús jekuae tuicha rupi ipɨatɨtɨ rewe oya teöwerenda re. Jokua teöwerenda pëti ɨwawïra uyeyoo wae ko, jare pëti ita tuicha wae oï jöke re.

San Juan 12:27

Jare Jesús jei wi chupe reta: “Añawe tuicha rupi chepɨatɨtɨ aï. Erëi ndarau aeka cheRu pe jae cherepɨ waerä kua aiporarata aï wae wi. Echa’ä jokuaerä ko che ayu kua ɨwɨ pe,” jei chupe reta.

San Juan 13:18

“Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

San Juan 13:2

Añawe pɨ̈tu ma jare Jesús jemimboe reta ndiwe ukaru päwe yureko reta. Añawasu oñono ma ñee Judas Iscariote ipɨa pe umee waerä Jesús jowaicho reta pe.

San Juan 13:22

Jayawe Jesús jemimboe reta umbɨpɨ umae iyé reta pëti pëti wae. Jae reta uikuaa’ä kía re etei ra uyemɨngeta iko wae.

Hechos 17:16

Jayawe Pablo uäro iko rambuewe Silas jare Timoteo, oo uwata tëta wasu Atenas rupi uikuaa waerä. Jare jae uecha jeta tumparaanga reta tëta wasu rupi ñonoï. Jáeramo ipɨatɨtɨ upɨta.

1 Juan 2:19

Jae reta uyembatɨse yande ndiwe añetete wae nunga. Erëitu opa ma usɨrɨ reta yandewi. Jae reta uñemɨïru’ä añetete rewe yande ndiwe. Jae reta añetete uñemɨïru yande ndiwe yawe, jekuaeñota tëi yureko yande ndiwe. Erëi opa usɨrɨ reta yandewi. Jukuärái yaikuaa jae reta mbaetɨ ko yande rami, echa’ä jae reta Tumpa pewa’ä ko.