San Juan 13:18 - Biblia

¹⁸ “Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

Guaraní Pe (Western): Simba

¹⁸ Opaete pe reta re'ã ayemɨngueta aĩ. Che aicuaa quía aiparavo vae reta. Ẽrei Tumpa iñee pe uyecuatía oĩ vae uyeyapota co. Echa'ã uyecuatía oĩ cuarãi: ‘Jocua ucaru che ndive vae chemeeta.’ Jucuarãi uyecuatía oĩ —jei—.

San Juan 13:18 Iomraidhean Croise

Salmo 41:9

Cheïru arowia katuse jese wae jare ukaruse che ndiwe wae añawe uyerowa chewi jare chemee cherowaicho reta pe.

San Mateo 10:36

Jukuärái tëta pewa reta oyowaichota ñonoï jae yepái che chereko pewa,” jei chupe reta.

San Mateo 26:21

Jare ukaru yureko reta rambuewe, Jesús jei chupe reta: “Che tae pewe añetete wae, pëti yandepɨte pe oï wae chemeeta oï cherowaicho reta pe,” jei chupe reta.

San Mateo 26:23

Jare Jesús jei chupe reta: “Mbɨyape che ndiwe umäkɨ oï karúa pe wae ko jae.

Marcos 14:17

Jare pɨ̈tu ma oï yawe, Jesús ou uwäe jokua doce jemimboe reta ndiwe.

Marcos 14:18

Jare ukaru yureko reta rambuewe mesa pe, Jesús jei chupe reta: “Che tae pewe añetete wae, pëti yandepɨte pe ukaru oï yande ndiwe wae chemeeta oï cherowaicho reta pe,” jei chupe reta.

Marcos 14:20

Jare Jesús jei chupe reta: “Pëti pepɨte pe oï wae ko jae. Mbɨyape che ndiwe umäkɨ oï karúa pe wae ko jae,” jei chupe reta.

San Lucas 22:21

“Erëi ime yandepɨte pe uwapɨ oï chemeeta oï cherowaicho reta pe wae,” jei.

San Juan 13:21

Kua jei ma yawe, Jesús tuicha ipɨatɨtɨ jare jei wi chupe reta: “Che tae pewe añetete wae, pëti yandepɨte pe oï wae chemeeta oï cherowaicho reta pe,” jei chupe reta.

San Juan 13:22

Jayawe Jesús jemimboe reta umbɨpɨ umae iyé reta pëti pëti wae. Jae reta uikuaa’ä kía re etei ra uyemɨngeta iko wae.

San Juan 13:26

Jare Jesús jei chupe: “Che ameeta chupe mbɨyape peraso mii amäkɨ ma tembiu pe wae. Jokua etei ko jae,” jei chupe. Jayawe Jesús uipɨsɨ mbɨyape jare upɨsäa. Joko wi umäkɨ peraso mii tembiu pe jare umee Judas pe – jae ko Simón Iscariote taɨ.

San Juan 15:16

“Pe reta’ä ko cheparawo. Che ko puparawo, jare amee ma pewe mbarawɨkɨ – jae ko opaete kerupi peo wae rupi Tumpa jeko ikawi wae tuyekuaa jeta peré. Jare jekuaeño jukuärái tuiko. Jare jayawe cheRu uyapota oï pewe ipotawe mbae piyerure jese cheree re wae,” jei chupe reta.

San Juan 15:19

“Pe reta piko yawe jae reta rami, jae reta perauta tëi. Erëi pe reta mbaetɨ ma ko peï jae reta rami, echa’ä che puparawo ma jae reta ipɨte wi piko waerä chemaerä. Jokua jeko pewa ko jae reta peamɨtäa,” jei chupe reta.

San Juan 15:25

Erëi kua uyeyapo ñotái ko, echa’ä uyekuatía oï Tumpa iñeerɨru jae reta umɨngeta tëi wae pe kuärái: ‘Cheamɨtäa reta chereko mbae rewe.’ Jukuärái uyekuatía oï,” jei Jesús chupe reta.

San Juan 17:12

“Che aiko rambuewe jae reta ndiwe, ayandareko kawi jese reta jokua mbaepuere nde nemee chewe wae rupi. Amae kawi jese reta awɨye waerä pëti awe ukañɨ ndewi. Erëi ime oï kua reta ipɨte pe kía jaeño mái pewa uiporarata oï Tatawasurenda pe wae, echa’ä niñee pe uyekuatía oï jokua uasa ñotái ko,” jei.

San Juan 18:32

Kua uasa uyeyapo waerä Jesús tenonde yawe jei imano rewa wae. Echa’ä jae jei umanota iko romano reta ipo pe.

San Juan 19:24

Jare jei reta iyupe: “Kua awɨye yamondorondoro. Yayuwari jese yaikuaa waerä kía ra wɨraata iyupe wae,” jei reta iyupe. Jukuärái uyeyapo Tumpa iñeerɨru pe arakae wiwe jeiño mái uyeyapota iko wae. Echa’ä joko pe uyekuatía oï kuärái: “Umbɨyao reta iyupe cheremimonde. Uyuwari reta jese uikuaa waerä kía ra wɨraata iyupe wae.” Jukuärái uyekuatía iko jare jukuärái etei uyapo sɨndaro reta.

San Juan 19:36

Arakae rupi Tumpa iñee umɨmbeu wae reta uikuatía Upuruepɨ wae imano rewa kuärái: “Ndarau omopë reta chuwi pëti awe ikäwe.”

San Juan 21:17

Jare jei ye chupe mbapɨ wese ma: “Simón, Jonás taɨ, ¿cherau pa?” Añawe Pedro ipɨatɨtɨ, echa’ä mbapɨ wese ma Jesús upɨrandu chupe uau ra wae. Jayawe jei ye Jesús pe: “CheYa, nde ndikuaa opaete. Nde ndikuaa kawi che nduau ko,” jei chupe. Jare Jesús jei ye chupe: “Emɨngaru cheowecha mii reta,” jei chupe.

San Juan 6:70

Jayawe Jesús jei chupe reta: “Che etei ko puparawo pe doce wae reta. Erëitu ime pëti pepɨte pe aña pe uyeyokui oï wae,” jei.

Hechos 1:16

“Hermano reta jare hermana reta, arakae Espíritu Santo uikuaaka David pe uikuatía waerä Judas rewa. Jare jokua jae uikuatía wae jupi ko uyeyapo Judas pe. Echa’ä pe reta pikuaa Judas ko jae wɨraa sɨndaro reta Jesús oï wae pe uipɨsɨ reta waerä wae,” jei.

Hechos 1:2

Añawe aikuatía aï ndewe kuärái: Jesús uiparawo amokue kuimbae reta omondo reta waerä umɨmbeu waerä iñee. Kua reta ko jae Jesús jemimboe tenondewaete reta. Jayawe ndei Jesús oo ye mbowe ara pe, Espíritu Santo imbaepuere rupi uikuaaka chupe reta mbae uyapo reta waerä.

2 Corintios 4:5

Ore mbaetɨ ko numɨmbeu ore rewaño. Numɨmbeu ko Jesucristo rewa kërái jae ko opaete mbaembae iYa. Ore parawete reta numae oriyé pewe nduyeyokui wae retaño ko, Jesús nduau ramo.

Hebreos 4:13

Añetete mbaetɨ kiawe Tumpa uyapo wae ipuere uñemi chuwi, echa’ä Tumpa uecha jare uikuaa opaetei mbaembae. Jare jae jowai yayemboɨta ñaï kuri yamɨmbeu waerä yandereko rewa.