San Juan 13:16 - Biblia

¹⁶ “Yande yaikuaa kawi ñaï pëti pione ndarau uasa ipatrón jei wae iáramo rupi. Jae ramiño wi pëti ñeeruwataa ndarau uasa ombou wae jei wae iáramo rupi,” jei chupe reta. “Añawe che peYarä aï wae añemɨmichi ma pewe pëti uyeyokui wae rami. Jayawe jukuäraita ko pe reta wi piyapota ïru wae reta pe,” jei chupe reta.

Guaraní Pe (Western): Simba

¹⁶ Añete che jae peve, penti uyeyocui vae imbaepuere tuicha'ã ete ipatrón imbaepuere rami. Jae ramiño vi penti temimondo imbaepuere tuicha'ã ete omondo vae imbaepuere rami —jei—.

San Juan 13:16 Iomraidhean Croise

San Lucas 6:40

“Pëti uyemboe wae ndarau uasa imboea iáramo rupi. Erëi uyemboe kawiete ma yawe, iyarakuaa katuta imboea rami,” jei chupe reta.

San Juan 15:20

“Añetete jae reta peamɨtäata ñonoï. Pemandúa kawi, che jae ma pewe pëti pione ndarau uasa ipatrón iáramo rupi. Jayawe kërái uyapo chewe reta rami, jukuäraiete wi uyapota pewe reta. Jae reta uyapo yawe mbae kachi wae chewe, jukuäraiete ko uyapota pewe reta wi. Jare jae reta chiñee uipɨsɨ yawe, jukuäraiete ko uipɨsɨta reta piñee wi,” jei chupe reta.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

San Juan 3:5

Jayawe Jesús jei chupe: “Kua ɨwɨ pe opaete wae onoi tekowe ichɨ wi oa ma yawe. Erëi che tae ndewe añetete wae, kía mbaetɨ oa pɨau ye Espíritu Santo rupi wae, ndarau ipuere onoi Tumpa imburuwicha wasurä jaeño mái pewa.

2 Corintios 8:23

Jare ime yawe kía upɨrandu pewe Tito re wae, pere chupe: “Jae ko Pablo ïru uyeyokui Tumpa pe wae, jukuärái ore nduyekou waerä Tumpa iñee re,” pere chupe. Jare kía upɨrandu yawe kua mokui yanderɨwɨ reta re, pemɨmbeu chupe jae reta ko kerupi rupi uyembatɨ Cristo re wɨrowia wae reta ombou wae. Jare jae reta rupi Cristo jee uyembutuichaka oï.

Filipenses 2:25

Erëi che aipota amondo ye pekotɨ Epafrodito. Pe reta pembou cheré uyandareko waerä. Che au cherɨwɨ rami, jare jae uparawɨkɨ ma che ndiwe Tumpa pewarä pëti sɨndaro ikawi wae Tumpa pewa rami.