San Juan 13:14 - Biblia

¹⁴ “Erëi yepe tëi che ko jae peYa jare pemboea, erëi che ayoe pewi pepɨ reta. Jáeramo ikawi ko pe reta piyapo waerä peyupe wi jukuärái.

Guaraní Pe (Western): Simba

¹⁴ Ẽrei yepe tẽi che pomboe jare che co jae peYa, ẽrei ayoe ma pepɨ reta. Jáeramo icavi co pe reta piyoe vaerã pepɨ piyugüi —jei—.

San Juan 13:14 Iomraidhean Croise

Hechos 20:35

“Opaete mbae ayapo wae rupi aechaka ma pewe kërái ikawi ko yaparawɨkɨ yamborɨ waerä ipuere mbae etei uparawɨkɨ iyupe wae reta,” jei. “Yanemandúa yandeYa Jesús etei jei wae re, echa’ä jae jei: ‘Ime yawe kía umee yandewe mbaembae uata oï yandewe wae, jokua re yayerowia ñaï. Erëi yayerowiaeteta ñaï ñamee yawe kía pe mbaembae uata oï chupe wae,’ jei Jesús.” Jukuärái Pablo jei chupe reta.

Romanos 12:10

Piyerau päwe rewe pëti tëtara reta uyerau wae rami, jare awɨye piyembɨtenonde ïru wae reta wi.

Romanos 12:16

Piko kawi pëti ramiño päwe rewe. Awɨye piyererowia katuete piyé ïru wae reta wi. Piñemɨïruta ko iparawete wae reta ndiwe wi. Jare awɨye piyererowia katu opa mbae pikuaa wae echa.

1 Corintios 12:3

Jáeramo che aipota pikuaa waerä kía nunga ñee ko ou Tumpa wi. Ime yawe kía uyemɨngeta Espíritu Santo rupi añetete rewe wae, ndarau uyepɨpeyu Jesús re. Jare jaeño Espíritu Santo rupi ipuere kía jei: “Jesús ko jae cheYa.”

1 Corintios 8:13

Jáeramo ïru hermano ipuereta opia Tumpa jape wi soo che jau wae jeko pewa yawe, jayawe ndarau ye ma che jau soo. Echa’ä aipota’ä etei ïru wɨrowia Cristo re wae opia waerä che mbae ayapo wae jeko pewa.

2 Corintios 10:1

Amokue pepɨte pe ñonoï wae reta jei: “Pablo yande ndiwe oï yawe, uñemɨmichi. Erëi ikotɨ̈a oï yawe, uyemɨngeta yandekotɨ uipɨu mbae rewe,” jei reta. Jae reta wɨrowia tëi ore nduiko kua ɨwɨ jeko rupiño. Jáeramo che a awäe pepɨ yawe, imeta ko aipo ambɨeta chupe reta aipɨu mbae rewe. Erëi kërái yandeYa Cristo uñemɨmichi jare uyembutuicha’ä etei, jukuärái wi che añemɨmichi rewe pumɨñera, awɨye piko jae reta rami. Echa’ä che aipota’ä ambɨeta aï pewe wi jukuärái.

2 Corintios 8:9

Echa’ä pikuaa kawi ko kërái yandeYa Jesucristo uikuaaka ipɨakawi wae ko. Jae ikokatuete ko, echa’ä opaete mbaembae ara pewa jae imbae ko. Erëi jae perauete ramo, ueya opaete jokua mbaembae reta ou waerä kua ɨwɨ pe. Jukuärái jae uyembɨparawete pe reta pikokatu waerä Tumpa kotɨ.

Gálatas 5:13

Jukuärái che jae, echa’ä pe chehermano mii reta, Tumpa mbaetɨ etei ko pereni pe reta piko waerä Moisés arakae uikuatía wae rupi täta uyeyokui wae reta rami. Tumpa pereni ko piko waerä pepɨawiwe rewe. Erëi awɨye pere peyupe: “Tumpa uyapo yandepɨawiwe yaiko waerä. Jáeramo yandepuere yaiko yande yae wae rupiño.” Awɨye jokua. Piyeyokuita ko peyupe piyerau päwe rewe.

Filipenses 2:11

Jare jae reta jeita chupe uipɨu rewe: “Nde, Jesucristo, nde ko jae opaete wae iYa,” jeita reta. Jare kua uyeyapo ma yawe, yandeRu Tumpa jee uyembutuichakata oï wi opaete wae pe.

1 Timoteo 5:10

Jare tuyekuaaka Cristo re wɨrowia wae reta pe jae ko kuña ikawi uyapo wae. Jare tuiko kuña umbɨkuakuaa kawi isambiaɨ reta wae, jare umbɨasa kawi mboupa reta jëta pe wae, jare uñemɨmichi rewe omborɨ ïru wae reta Cristo re wɨrowia wae, jare omborɨ ipotawe kía yembɨawái pe oï wae. Jayawe tuiko kuña jekuaeño uñemɨatangätu uyapo waerä ikawi wae. Jokua nunga kuña ime umano chuwi wae reta ko yandepuere yamborɨ.

Hebreos 12:2

Jare kërái uñeñokui wae reta täta umae oo oï iyapɨ re, jukuärái wi yande tätata ko ñamae Jesús re. Echa’ä jae oo ma tenonde yandewi jare uechaka ma yandewe kërái yarowia kawi waerä Tumpa re. Jare añawe jae yanemborɨta oï jukuärái wi yayapo waerä. Jae tuicha urupɨa kurusu re umanota iko yawe. Jare yepe tëi pëti ñemɨmaraka tuicha wae ko jae umano waerä pëti kurusu re, erëitu jokua mbae’ä chupe. Echa’ä jae uikuaa iko taɨkue rupi uyerowiaeteta iko. Jare jukuärái ko oï añawe rupi, echa’ä jae uwapɨ oï yandeRu Tumpa iyakata kotɨ.

1 Pedro 4:1

Cristo uiporara yanderé kua ɨwɨ pe iko rambuewe. Jáeramo pe reta piyeyapɨkatuta ko piporara waerä jae rami. Echa’ä ime yawe kía uiporara Cristo re wɨrowia jeko pewa wae, jae jeko kachi wae ipɨräta’ä ma jese jete re.

1 Pedro 5:5

Taurusu wae reta tuyapo itenondewa reta jei wae rupi. Jare opaete pe reta, piyeyokuita ko peyupe piñemɨmichi rewe. Echa’ä Tumpa ipɨakawi uñemɨmichi wae reta pe, erëi jae oyowaicho uyembutuicha wae reta ndiwe.